قصيدة مطلق النومسي أعوذ بك ربي , اشعار مطلق النومسي , شعر أعوذ بك ربي , ابيات من كلمات الشاعر مطلق النومسي
بسم الله الرحمن الرحيم
قصيدة مطلق النومسي أعوذ بك ربي , اشعار مطلق النومسي , شعر أعوذ بك ربي , ابيات من كلمات الشاعر مطلق النومسي
أعوذ بك ربي من الحسد والغيره
وأدعوك تعمي عيون اللي يحسدوني
وألوذ بك عن مقام النقص والعيره
أو طيحتي عند ناس مايدانوني
عبدك تعصم بحبلك يالله الخيره
رزقك ومدتك والماعون ماعوني
وش دخل الناس بالغصن وعصافيره
والله يلوم اللي بهذي يلوموني
ياناس للدم جار وللدمي جيره
وللشاعر أبعاد بالشعر المراثوني
وأنا أكثر اللي يثير الشعر ويثيره
وأنا أول اللي لياعدوا يعدوني
مبطي وأنا مطبق الشعر بحثافيره
قدام در الحليب ينبت سنوني
أهتم بالشعر وأهتم بجماهيره
والساحه وشد وأقطع مايهموني
أطلع على متن مطلق ما أطلع بغيره
ياعل كل المتون فداك يامتوني
أخذت ماقلت من جمهور هالديره
اللي سمعوا بي قبل حتى يشوفوني
وأنا لهم جيت جيت قوم مغيره
نجدية الفعل والتخطيط صهيوني
ماجيت مساح جوخ بضرب تأشيره
ولا قلت ياناس شيلوني وحطوني
جيت أهدم الرجس وأكسر مزاميره
وأحطم آمال كل اللي يعادوني
أنا هنا يعني أكتب مبتداء السيره
وعلم بها اللي هنيا مايعرفوني
أنه أنا اللي يحشم الشعر ويثيره
والساحه وشد وأقطع مايهموني
