قصيدة جرح الغياب , شعر جرح الغياب

بسم الله الرحمن الرحيم

قصيدة جرح الغياب , شعر جرح الغياب

جيتك اسابق هاجس الشوق من شرق
حطيت وجه الغرب قدام عيني

طرقت باب البعد لمواجهك طرق
جيتك على مركب غلاك وحنيني

لو ماسرقت الوقت لمشاهدك سرق
كان اللقا ما تم بينك وبيني

بامواج حبك خافقي غارق غرق
تلعب بي امواجه شمال ويميني

صرت اتبع اطيافك كما لمعة البرق
من وين ما وجهت طيفك يجيني

واللي خلق بينك وبين الملا فرق
حبك غدى مثل النفس محتويني

احساس حبك جاري باوسط العرق
لا تشيد بصدك متاهة سنيني

جرح الغياب اللي حرق خافقي حرق
ازريت اضمد به مآسي كنيني