قصيدة شبيب الدقباسي تومي بيدها , اشعار شبيب الدقباسي , شعر تومي بيدها , ابيات من كلمات الشاعر شبيب الدقباسي

بسم الله الرحمن الرحيم

قصيدة شبيب الدقباسي تومي بيدها , اشعار شبيب الدقباسي , شعر تومي بيدها , ابيات من كلمات الشاعر شبيب الدقباسي

الله واكبـر ياهـذيـك المواعـيـد ايـام ماكانـت تحـاتـي وعـدهـا

من قبـل لا تكثـر عليهـا المناقيـد وتلبـس خطاياهـا عبـاه لجسدهـا

العام كانـت حلـم ليـل الصناديـد من الحيا ماتجـاوب اللـي نشدهـا

واليوم صارت تصنع لكيدهـا كيـد تعلمـت وشلـون تتـقـن نكـدهـا

تومي بيدها لواحـدن واقـف بعيـد تحسبني ازعل يوم تومي بيدهـا !!!

ماتـدري ان فراقهـا كنـه العـيـد مانـي بميـت مـن غلاهـا بعدهـا

القلب لو شوقه بعـد غابـت يزيـد ذبحت قلبي فـي يـدي لـو فقدهـا

ماعادهـا كفـو السهـر والتناهيـد مدامهـا خانـت مبـادي عهـدهـا

قولولهـا وانكانهـا شيخـة الغـيـد تستر عن عيـون المناظـر نهدهـا

وانكان اصبح عذرها حـب تجديـد مع موظةٍ يخـذل مطرهـا رعدهـا

لا والله الا زادة حـبـارة الصـيـد وطيـور ماهـدة بيكثـر هـددهـا

العلـم بيّـن مايـبـي زود تأكـيـد واضح وضوح الشمس للي شهدهـا

الشمس تطلع شرق يـوم الله يريـد حكمه من الله ماطلعة مـن وحدهـا

الله أمرهـا تنـور الكـون تحديـد وبعض البشر مع كل هذا تعبدها !!!!

يعني خلاصة هالحكـي والتشاهيـد قولولهـا مـن قبـل تفقـد رشدهـا

انكانهـا مشتاقـه لـواحـد بعـيـد تروح له .. ماهوب تومي بيدها !!!!