قصيدة جيت لك و الشوق فيني ماله حدود و نهايه

بسم الله الرحمن الرحيم

قصيدة جيت لك و الشوق فيني ماله حدود و نهايه

ادري انك حافــظ طبعـــــي وقاريني قـــرايه
وتدري اني غيرك انته ماتمــــنيته يعوينـي

تكفــى ريح خاطر اللي ذاب مافــيه الكفايــه
قامت الدنيا تحده منيســــار ومن يمـيني

صار وقتي يبغا موتي صاروقتي من عدايـــه
مايهــــمه غيرتعـذيبي وجـــرات الـونيني

والله اني لواني مخطي لاعتذر له عن خطايه
مير ماذكرشـي واحد يتــــركه عيا يليــني

حطم احلامي وعــمري لومـــاله فيـها غايه
غايته ينـكر وجــــودي لين ينســيني يقيني

ايه جيتك غصب عني ماهـو بكيفي ورضايه
ايه جيتك غصب عني وجيتي ماهي بيديني

لاتقــولوشـــــلون قلي ياحياتــي ياغـــلايه
ابغى اسمع اي كلمه تسعد القلب الحزيني

اعتبرني طــــفل شفتـــه فجأة بالدرب تــايه
ماله احضان تضــمه لا ولا له والــــديني

ضمني من فوق صدرك خل هالعالم ورايـه
نسني همي وحزني في كــلامك والحنيني

وان لمحت دموع عيني واسني وابقى معايه
سو نفسك ياحبيبي مالمــحت دموع عيني

خلني ابكــي واسولـــف لين اكمـــلكعنايه
خلني اشـكي بكيفــي ليـن ينــباح الكــنيني

والله اني ارتعـــش واحس بيــدينك دفايـــه
والله اني خايف والخوف جنــبك مايجيني

واقسم اني منجرح من دنيتـــي وانت دوايه
وش دوايه وش دفايه كل شي عندك يزيني

بس اناجيتك وشوقي ماله حــدود ونهـــايه
واعرف اني يوم جيتك والله انه موبيديني