بسم الله الرحمن الرحيم
قصيدة معذور ماحبيت ٢٠١٤
يبسن عروق الحب من صيف ماضيك =وحان الربيع وذابلاتن ورودك
يكفي تجازي واحد مبتلي فيك =ولاتقدر العشاق ساعة وجودك
عطني أمل مادام أنا كلي آبيك =بادل شعوري ياحلو في ردودك
لاتطوي أيام مضت مع لياليك=لاتمسح الماضي وتعلن جحودك
اليا متى والصبر فيني يناديك =ياللي على قلبي مسوي حدودك
صوبتني واقفيت واصبحت مغليك=ويزيد جرحي يوم تخلف وعودك
معذور ماحبيت واقفى مخليك =وإلا تعذر اللي ذابحاته خدودك
مع نظرت عيونك وكلك ومافيك=يامانع نهر الغرام بسدودك
تعال ومسح جرح الأيام بيديك =وإلا الوداع وسامحن في ردودك
