[msg]الله الله لا أوصيكم بالردود[/msg]
نور عيني تبعثرني متى ما لفت ... وكل الاوراق تتلخبط بشوفتها
لا حضر نورها نور الليالي خفت ... ذيك حتى المسا يحسب لطلتها
المشاعر ليا من صادفتها دفت ... والاحاسيس تتباشر بجيّتها
أنجذب حيل صوب عيونها لا غفت ... تجذب الكون كله جاذبيتها
إن صفا جوها دنياي معها صفت ... ما يروّق مزاجي غير ضحكتها
البراءه ليا منا كبرنا اختفت ... بس اهي عكسنا زادت براءتها
إن حكت من خجلها دنّقت وارجفت ... هذا هالحين وشلون بطفولتها ؟!
كن بلسمها لثغه ليا سولفت ... بس يا حلوها ويا حلو لثغتها
