دقي اللثمه وانت دق اللطمه وتعالوا لا اجي اتلكم من شعر راسكم

أررررررررررررررررررررحبوا

سيف الحااااااااال ؟؟ وش العلوووم والأخبااااار ؟

في بداية الحوار
أرحب بكم ياهلا بكم يا مرحب بكم وأهلا بكم
دقي اللثمه وانت دق اللطمه وتعالوا لا اجي اتلكم من شعر راسكم
ماينفع فيكم الطيب
تدرون ليه قلت تلثمي وتلطم عشان محد يعرفكم هذا للي يبي يشارك واللي مايبي ودعتك الله يا فلان ابرحل ... تكملة الاغنيه لعباس ابراهيم
خلووونا نخش في الموضووووووع

أخواتي وأخواني
بناتي وأولادي
حفيداتي وأحفادي
هذا اذا الله كتب لنا عمر وصارت اجيالنا واجيال اجيالنا تتصفح منتدانا اللي فيذا
وتتذكر ايامنا بزينها وشينها
فكرت وقررت وقلت يا بنيه جا وقت التنفيذ
وأخيرا سدحت الموضوع اللي ماله داعي
واللي يشوف ان عنده شي يشارك فيه موقف ولا كيف ماكان يسدحه
ادري مالت عليكم بتمرون مرور الكرام....
بس ياااااالله مشوا حالكم الله يخلف على العقل مالقيت موضوع غيره
ألا وهو::
العقده النفسيه من شيء ما
انا عقدتي السلم لا شفته يرتاع قلبي ويرتجف مثل رجفة الاوراق اللي على غصن يابس في فصل الشتا
المهم:::::: هذي حكايتي اسردها لكم بالتفصيل الممل والملووول لايجي اخاف يصيبه غثيان من طوله

كنت في يوم ما من ايام طفولتي السعيده يعني قبل عام ونصف العام القبل الاخير .. ماعلينا
كنت ايامها ذربه_وللحين بس من جنبها خلاص اللهم أسألك حسن الخاتمة_ ياحبي لشغل البيت عشان يقولون هذي بنت سنعه بنزوجها على ولدنا
وكنت اجيب السلم واطلع عليه عشان انزل الستاير ابغسلها وجا يوم وانا في اعلى درجات السلم رقم 7 ورجلي الثانيه على رف السلم رقم 8
وتزحلقت رجلي وطحت طيحه لايحمد عقباها والله طحت لفوق طاوله قزاز بس اشوا ماصار في راسي شي بس القزاز تهشم واصبح حطام
عاد اخوي النشمي طلع بدالي قال ارتاحي (وينه من أول ..؟)

بعدها بكم شهر برضو جبت السلم وطلعت ابحط لوحه والله اشكبرها ماشاء الله انها اثقل مني عجزت اشيلها بالحالي قامت اختي ساعدتني فيها بس للأسف
طحت طيحه من راس السلم بس اشوا اني طحت لفوق الكنب ومن الكنب للأرض
اطمنكم اللوحه بخير بس ايدي التوت علي وقعدت فتره طويله تعورني

وبرضو يوم من ايام حياتي اخذت السلم وركزته في المطبخ ابي اغير اللمبه بس اكتشفت اني غبيه لاني ماحطيت شي تحت السلم عشان مايتزحلق
المهم السلم باشا تزحلق وانا عليه والله اني طحت على ظهري طيحه شديده مالحقت اصرخ ولا اصيح الا والسلم يهوي فوق ام رأسي
ودق معاه مسمار في الساق وعيونكم ماتشوف الا النور
دخت طبعا مادريت الا وانا منسدحه في الغرفه
بس اشوا راسي بخير مافي الا ظهري اللي احس انه تكسر تكسيرة مابها خير
وياااما طيحات غيرها وغيرها
واذكر طيحه وانا في خامس ابتدائي يوم كنت اللعب مع بنات الجيران
كان وقتها مافي درابزين على الدرج كنت افرد طولي واجلس اتزحلق لين جا يوم تدلدلت رجولي وحنا ساكنين في الطابق الثالث
كنت اقول لبنت الجيران يلعن شكلك ساعديني وهي تضحك مبسوطه تحسبني اسوي فيهم مقلب بالله تخيلوا الموقف وشكلي آآآه شكلي وحده مسكينه تنتف القلب تنتيف
ادري راحت عليكم الشوووفه معليش خيرها بغيرها
المهم ماقدرت اتحمل لين يجي احد يرفعني قلت يا بنت توكلي على الله وطيحي شكله مافي أمل احد يمدلك يده وطحت للدور الارضي وراسي صقع في الدرج
والله راسي صار ينزف صار منسم عشان كذا يقولون لي يالمنسمه بس للأسف البنشر مايرجع ما عابه الدهر...!!
ورجلي انكسرت تخيلوا طيحه من ثالث دور اعوووذو بالله الله لايعيده من يوم أغبر
مسكينه امي نزلت ماقدرت تشيلني كانت حامل وقتها قمت انا ماحسيت بالوجع وطلعت الدرج والدم تارك خريطة اللي يضيعني يدل الطريق لاشافه
لأن الملاقيف اللي بالشارع شافوني وانا منسدحه وقاعدين يتفرجون مافيهم نخوه مالت عليهم
المهم خالتي ربطت رجلي المنتفخه وحطت بن على الجرح اللي براسي قالت عشان يوقف الدم
وجا البابا وعموو وودوني للمستشفى وطلع في كسرين بالكعب وخمس غرز براسي المنسم
يااااااااالله قولوالي سلاااااااامات يا اولاد وبنات
ابنقز من فوق علبة حليب نيدو وانتحر..
تمت بحمد الله
هاع

سلامات ما تشوفين شر

عليك مواقف أنا ما سويتها

ومن بكرة بأدخل المنتدى وأجيب معاي سلم

ههههههههههههههههههههههه

أما طيحه الدور الثالث أكدت لي إنك منسمه من جد


يعطيك العافية

بس مرة ثانية

لا تستخدمين القوة ترى بأجيب فزعتي

هههههههههههههههههه

الله لا يحرمنا منك

بانتظار جديدك


http://song3.6rb.com/ksa/3abas/3abas-amntk-allh.ram

يالله انك تحيي حنون بجنون بيه

ههههههههههههههههههه

ياقلبي لاازم تسوي مثلي

ومن بكره اذا جيت المنتدى هات السلالم معاك

لاتنساهم

واذا تبي مساعده انا جاهزه

>>>قطوه بسبع ارواح

عليكي مووووواقف انما ايه؟
بعذرك لوووو صارت عندك عقده نفسيه
<<داخله ببرقع ماااايل مو باللثمه<<معلومه مهمه عشان ان ضعت

هلا قلبي رومسيه


الله يسلمك ..

لابسيطه شوية رضوض وكسور ..

كخخخخخخخخخخخخخخخ



لا تكفين وخري السلم ترى يروعني طوله ..

اقول..

أجل جيبي واحد قصير يمكن يكون ازين شوي



مشكووره قلبي عالمرور

يام برقع