ياناشد عنا حنا هل الجود...... لشاعر غانم بن هادي الحرقي القحطاني
هذه القصيدة لشاعر والاستاذ/غانم بن هادي ال سليمان من عبيدة قحطان
ويوصف ويعدد فيها قبائل قحطان واعذرونا ان كانت ناقصه وان اشاء الله اكون وفقت في اختيارها :
يا ناشد عنـا ترانـا هـل الجـود
حنـا قحاطيـن يجيكـم خبـرهـا
قبيلـه للديـن فرسـان وجـنـود
من خلقة الدنيـا وهـذي سيرهـا
كسابه الناموس والسلـم محمـود
واصل الشجاعة ورثها من كبرهـا
لي ثارت الهيجا ببـارود وزنـود
وارتزت المهره ومسـت ظهرهـا
قوم تسبل لي زهم وانتخي العـود
لـي غيـم البـارود زود خطرهـا
قبيلـه وافخوذهـا باربـع ابـدود
من الجنوب الي الحسا ذي ديرهـا
منهم بني هاجر الي ثـار بـارود
وان ثارت العجه وطـارت غترهـا
وان جا نهار فيه طارد ومطـرود
تثمـر فعايلهـا ويبـدي قمـرهـا
وجحادر من عاده اسلاف وجـدود
دهاة قـوم مـا يخالـف نظرهـا
جموعهم كنها صواعيق ورعـود
تمشي سراياهـا وربـي نصرهـا
اما الحباب اللي لنا رسم وحـدود
ومسجليـن طيبهـا فـي سطرهـا
سباع في وصف الرجاجيل وفهود
نار تلظـي مـن لعايـب سعرهـا
حرابهم من يمه الشرق مضهـود
كل العرب تدري بها مـن ظفرهـا
وربعي عبيده مقضب السيف مهنود
امواج رعب صافقة فـي بحرهـا
الين اقبلت كنها سراحين واسـود
الليل الاظلم ينجلـي مـن سفرهـا
هذي قبايلنا علـي ثبـت وشهـود
يشهد لها تاريخهـا اللـي ذكرهـا
اخوكم:طال انتظاري
