عجــوز&عجـــوزه

[grade="00BFFF 4169E1 0000FF"] هذه قصة واقعيه << نصاابه
اللي يقراها يقول انها من نسج الخيال << نسج قسم بالله عورتن اصابعي يوم كتبتها احسها كشخة من جد



نخش في صلب الموضوع /


نبذة عن جدتي /

اسمها في الحقيقه حصة ... ولها فتره ليست بالبعيده مشغلتنا تبي تغير اسمها الى اسم (نتالي) ....
حتى ماتعرف تنطقه تقولي ابي اسمي يصير (من تالي) ......
عجوزي عجوز مهب بسيطه مغروره لدرجة انها تقول واحلالات ياقناة فاشن لعرض الازياء ودها تشارك معهم ......
وانا اسألها وشوله تشاركين؟؟؟؟؟؟؟
تقول عندي شراشف صلاة من جدك سليمان ماقد لبستهن ابد ابروح استعرض بهن منها اجرعند الله ومنها شهره

يبلغ عمرها 86 سنه حسب كلامها والخافي اعضم .......

اذا انسدحت بفراشها كأنها مطب عند باب مستشفى بقشان .........

وجهها من العرافيط والتسفط تقول قطعة ارض جاها مطر ونشفت الارض وتشققت

فيها حبة خال في الخد اليسار كأنها مسمار مثبت بجدار طالع نصه تقدر تعلق ثوبك فيه

عندها اربع اسنان طايحات من زمان وعيت تطلعهم من ثمها جالسه تلعب فيهم بلسانها على امل انهم يرجعون الى مواقعهم من جديد

عليها حواجب تقول شنب عربجي رافض مبدأ تخفيف الشنب

عليها خشم تحس انه ولد صغير متعلق بجدار وده يرقى عيونها مفتوحات بمنقاش اسنان يالله تشوفهن

ايدينها تقول ملاسات خشب حقات سليق قمه بالروعه تلك العجوز



نبذة عن شايب الجيران /

اسمه جلباص والان يحاول يغير اسمه الى طارق يقول احس انه راكب علي وان اهلي ظالميني بهالاسم

شايب فيه من شوفة النفس مالا عين رأت ولا اذن سمعت ولا خطر على بال بشر

تشوفه وهو واقف تحسبه راكع يصلي وودك تقوله سمع الله لمن حمده ككككككككك

واول مايسولف معك يقول اني شاركت بالحرب مع الملك عبدالعزيز وهو قسم بالله ما قد شال سكين خضره

يمتطي ددسن تشوفه وهو يسوق هالددسن تجي رغبه غريبه لتأييد قيادة الحريم للسيارات !! >>>> يبغى بنضرب

وهو يسوق سيارته شرط اساسي يوجد لهذا اليوم شخص بيموت بحادث خطير وهو ماطق خبر لاحد >>>سفاح هالشايب

وجهه كبير لدرجة مامعه بطاقة احوال عيى وجهه يطلع بالصوره

وماطلع الاطرف اذنه فقط مما اضطر الاحوال الاكتفاء برسام يرسم وجهه

تنبعث منه رائحه كريهه لمرجد تحركه من مكانه او حدوث هبة هواء والان العلماء يفكرون

بالاستغناء عن المبيدات الحشريه والاكتفاء باللي حق بنشر وتوجيهه على هذا الشايب

بشرط ان يوضع بصندوق ددسن ويدورن فيه بالحاره


لم يستخدم الاكتشاف الخطير الا وهو الحذاء حتى الان رجوله من كثر الشطوب اللي

فيها وقساوة رجله وبعد فاته تستطيع استغلالها كمطرقة لتركيب او تحرير المسامير من

الجدران ولفقع روس البزران اللي ما يسمعون الكلام

اشتهر بتوريد جميع انواع الخمر والمسكرات وكل شيء تبغونه الى زمن قريب بعدها تقاعد


القصه بالتفصيل /

جدتي وهالشايب ساكنين بنفس الحاره وجدتي مشغلتنا من يوم عرفناه

على الدنيا ان اهلها غاصبينها على جدي وانها ماحبته الله يرحمه ماحبيته وجايبتن منه 14

ولد وبنت !! لعب بعقلها هالشايب كل فتره وفتره يرسلها تنكة سكري يبها تضيع معه

ويكتب على التنكه (وصيتي في حيهم ادفنوني ) ويكتب عباره ثانيه ( لولاكم مالنا بالزاد

طاري ) ويكتب بعد ( جدايلتس بشنق وهالعالم كله بشنق ) وقفلت معي بصراحه يوم شفت

مره مكتوب بوحده من التنك (شوفك شفى يشفي جروح بلا شاش) وطبيت مره ببيت

هالشايب ولقيت عنده سطول حليب من جدتي لان جدتي عندها بقره حرمت نفسها الكثير

علشانها وماتعطي من حليبها الا للاحباب ولقيت عبارات مكتوبه من جدتي منها (وش حيلة

القلب لا صار مجروح ) وبعد ( ودي بشوفك لو ربع ساعه) وكاتبه بعد ( ياموت وش علمك

على القلب شحيت مانيب الاول كم خذا الحب قبلي ) وبعد كاتبه ( جلباص ترى نظراتك لاطلعنا

من التراويح تقل رصاص ) وكاتبه بعد (طارق قلبي شافك وقال من الطارق ) 00

ياشينهم بعد هالشيبان لاتميلحوا 00 اللي اشوفه ان مو مراهقه متأخره الا مراهقه على

وشك الموت هذا الشايب ذبحنا بكثرة دورانه عند بيت جدتي لعل وعسى تخطم وتطلع

ويكحل بشوفتها وفجأه وانا مار في يوم من الايام واسمع هالشايب بحوش بيتهم يون من

الالم واسمع صوت جدتي عنده بصراحه طقتني الغيره وشرف العائله بتحوسنا هالعجوز على

اخر عمرها

وبينما انا ابدخل ابحوسهم حوس واذا انا اسمع الشايب يقول لجدتي حصيصه : هذي ابيات

شعر نسقتها وابي رايك

يقول الشايب جلباص /

من يوم عرفتك وانا كني تمر معبوط --- حبك برى حالي وصرت شخص مزنوط
حصه ياللي وجهي من حبها ممطوط --- لاتتنسين قلب بحبكم وده يمسك خطوط
حلفت ياددسني ابفحط بها واحط جنوط --- واكتب علي قزازتها حصه والباقي شخوط
ارخصت لاجلك كل غالي ومزبوط --- لعيونك يابعد قلبي ابصير ابن بطوط
ونتمشى بالديار ونشري عصير مخلوط --- وسلامة قلبك من اي حادث ومن الابر والخيوط


ردة عليه جدتي بأبيات اخرى /

جلباص رايتك بيضاء واللي بالقلب معروف -- ودي تشوف وش كثر القلب ملهوف
حبك برى حالي وخلاني غيرك ما اشوف --- حتى بقرتنا بحبها ماتصف معك بالصفوف
انت شكل ثاني كنك اوراق مهمه بزروف -- - مالك بالجمال شبيه ولا احد يشبهك بالوصوف
لك من حصه حياة جديده مابها حزن وخوف --- وابي منك تسعدني وتسافر بي للجوف
ونترك الناس وهمهم والحزن وخلنا نشوف --- مستقبلنا الجديد وأفكر احمل ببنت نسميها نوف


--------------------------

بعد سماعي لهذه الابيات صقعتني العبره وقمت واخذت جدتي وسهلت لهم عملية هروبهم من

السعوديه هي وذا الشايب بدون مايحس احد وسافروا حسب رغبتهم للجوف 00 مع اني

مادري وش سبب

ذهابهم لهالديره يمكن قالتها جدتي علشان تركب على القافيه والسجع بابياتها الشعريه


المهم انهم توهقواوراحوا لهالديره 00 ورجعت وبلغت على الشايب انه خاطف جدتي

ومسكوهم ويوم انسجن الشايب حلفت جدتي ما تاكل الا لما يطلع هالشايب من السجن

كلها يوم وعجزت تصبر جدتي ونقضت عدها واكلت واطقع ماشافت ذلك الشايب




مايستفاد من الموضوع /


1- الحب الحقيقي يبقى وحب الشيبان لا يهمكم
2- ياما في السجن مظاليم
3- الله يرحمك يا الجاحظ توفيت ماسمعت شعر حصه وجلباص
4- لاتترك التلفون عند جدتك افصل الفيش
5- ماتلاحضون شيبانا اشغلونا بالمثاليه وهم علومهم علوم يوم هم بسننا
6- اجل تبي نتالي جدتي[/grade]