احـداث حلقـة (ساعة صراحه) اللي استضيف فيها التائب حسين الأحمد
السـلام عليكـم ورحمـة اللـه وبركـاته
استضـاف تائب من برنامج ستار
على قنـاة الراي للمقدم الشيخ نبيل العوضي ..
واسم التائب (( حسيـن الأحمـد ))
وحبيت اكتب لكم الاحداث اللي نالت اعجابي
,,,,,
هذا الشاب كانت بدايته مثل بعض الشباب اللي يشاركون في هالبرامج
واحـد عنده ستـايل وكشخـه البنـات يتمنوون يكلموونـه ولو مره وحده عمـره الفنـي 16 سنـه
يعنـي مب شوي وحتـى لو سمـع قرآن أذاان ما يتأثر (قلبه بـارد) الدنيا فووضه عنده
بس ماكان يحـس بالسعـاده ابدد .. حتـى الضحكه اللي يضحكها مو من قلبه
كانت هذي حياته كلها اغاني ومثل ما يقـول (مزيكـا) .. وعمره مافكر بشي اسمه آخره
مـره من المـرات بعـد ما رجع من أحد سهرات اللهو الغنائيـه اللـي دووم متعود يروحها
راح للبيت .. طبعا بدون ما يفكر ان وراه صلاة ومدري ايش (حياته كانت مسخره)
حط راسه بالفراش يبغـي ينـام .. ويرتاح بعد يوم طويل ...
حس بشـي اسود حـذاه .. شي وايد يضايق .. ماكان يدري ان هذي نهايته
هذا ملك المـوت اللي عمره ماعرف عنـه ولا فكـر يسأل احد شنو هذا ملك الموت !!!
حس بروحـه تطلـع وترد قاام يصـرخ .. شاف اهلـه حوله وكأنهم يلومونه يشوفونه بنظرة أسف
بعدهـا ركب سياره ماشافها ولا عرف عنهـا بحياته سمع احد يسولف ويقول من هذا
والثاني يرد ويجاوب ماعرفته هذا المطـرب الفلاني .. والاول يقوول الحين ماغسلنـا الا مطرب
ليش مو واحد صالح عابد ربه .. صج ريحتـه عفنـه .. فجأه وقفوو ونزلووه ووصل لقبره
هذا هو يشوف قبره قبل لا يزووره .. صرخ و صرخ ,, بعدها حس بأحد يناديه
لاا هو للحيـن عايش بعالمـه الثـاني .. عنـد القـبر .. بعدها فتـح عينه وشاف امه توقظه
ماتوقع انه راح يقوم من هالحلـم .. عرف في لحظتها ان الله كتب له عمر جديد وراح يصيح
ويحمد ربـه ومتحسـر ع العمـر اللي قضـاه من غيـر عبادة هذا الرب الرحيم اللي رحم بحاله
وكتب له عمـر جديـد يفتـح فيه صفحـه جديـده تطوي كل صفحـات المـاضـي ...
قصـه أثـرت فيني ..
وصج لمـا تشوفونه يبتسـم تحسـون انها ابتسامه من القلـب ..
:
انشـد نشيـده يدعـوا فيهـا ربه ان يسامحه ويغفر له
مممممـ طبعـا انا ما اقدر اقول كل الاحداث لأني ما سجلت الحلقه كامله
بس راح اقول لكم بعض الاحداث اللي اذكـرها ونالت اعجابي
يقول كان همنـا البنـات ولما يكلمـوننا .. (كانوا يحسبونها سعاده او وناسه)
وابد ما كانـوا يحسـون بلذة الحيـاه .. امـا الحيـن فيقـول ان صج حس بطعم ولذة حياته
يقـول كـأنك تشـرب ماي وتحس بطعمه .. تستمتع بشـربه ... (شعور حلـوو)
ممممم قبل .. يقـول كانـوا ماا يخلـون احد يسمع اغانيهم ولا يشوف كلمات الاغنيه
يخافون يعطـون احد .. لو تبي تسحب منهم كلمه من اغنيتهم الجديده (مافي) لا تحاااول
ماكان بينهم علاقـة محبـه او اخـوه .. او حتـى صداقه حقيقيه .. اللهم زملاء في الفن
امـا الحيـن فيقـول انه كان يقعد مع (الشيخ صلاح الراشد) ويعطيـه كلمات اناشيده ...
ويسمعه النشيده نفسهـا .. (يحس بالأخـوه والحب في الله) مو ذاك الطريق ..
اللي كله مشـاكل بين الفنانيـن وفضـايح ومدري ايش ...
اسألـ اللـه ان يثبتـه ويتـوب على الجميـع
و (( من تـرك شيـئــاً للـه عـوضــه خـيــراً منـه ))
اتمنى يكون اسلوبي حاز على رضاكم وتقبلـوا منـي فائق التحيـه والتقدير
