ان قلت وايل ؟ ردد الكـون كلــّه
السلام عليكم ورحمة الله وبركاته
هذه قصيده لا اعلم من صاحبها ولكن قيل لي انه يشارك بهذا المنتدى
اليكم القصيده
أبدى سلامي بعـد كثـر التفاكيـر =
تاخذ عمس راسـي وعنـدك تفلّـه
؛؛
يابنت أنا ماجيت أشحـد شواعيـر =
هاذا ترى قلبـي بـه الطيـب علّـه
؛؛
ماني بمتكبر واشوف البشر غيـر =
من يحترمني فـوق راسـي أشلّـه
؛؛
ومن ذب لي كلمه غدا عندي إصغير =
أدوس فـي طرفـه وعنـدي بذلّـه
؛؛
ألهرج واضح مثل كـل النواويـر =
ماينبغـي كثـرت شواهـد وأدلــه
؛؛
ماشحـدك ردك أو بكثـر التعابيـر =
عزي ترى يـم القمـر قـد وصلـه
؛؛
ماذل نفسي لو يجي سالـم الزيـر =
أدوس في سالـم وأدوسـك محلّـه
؛؛
أنا ترى نواف وأصلي ترى مطيـر =
أعز نفسي عنك ولـو جـات زلّـه
؛؛
لو تاصل أيضا للنجم فوق وتطيـر =
إعـرف بـإن البـوم مثلـك يدلّـه
؛؛
يابنت أنا صقرن حروفه مشاهيـر =
والنجم شفت ألنجـم رجلـي تعلّـه
؛؛
روحي عساك اليوم في قاعت البير =
لامـادرى نـواف عـن ماحصـلّـه
هذا ماقاله وهل يستدعي الأمر لكل هذا من اجل امراءه عجبا ً لرجال ٍ هكذا
اخي سجلت هنا فقط لما قراءت من ابيات ليتك فمهمت معناها قبل ان تكتبها الا وهي :
ماذل نفسي لو يجي سالـم الزيـر =
أدوس في سالـم وأدوسـك محلّـه
اخي انا لا ارى من موضوعك مايثير الغضب لكي تسب قبيله بكاملها من اجل شخص .......
نعم حينما يذكر اسم الزير تفز القلوب كلها احتراما ً وتقديرا ً لهذا الرجال ..
الذي لم ولن تنجب امراءه مثل هذا الرجل ...
اخي العزيز انت اذا احسست بغلطه تاتي من شخص تجاهك او مسبـّه او احتقارا ً لك ....
ارجوك اخي تذكر ( ان العفو عند المقدره ) والعفو من شيم الرجال .....
اما اذا تمادى عليك بالغلط فهنا حاول ان ترد عليه هو ... هو فقط ولاتتطرق لسب قبيلته
وانا ارى هنا انه لم يسبك ولم يرتكب بغلطه تجاهك ... انما لم يرد على ماتكتب من اشعار مثلما تفظلت
اذا انت تنشر لأجل تعجب الغير ولأجل يمدحك الناس .. ولا تنشر كما ينشر الأخرين بطيب احساس
اخي انا كتبت هذه الأبيات لعلك بعدها تفهم ان كل مايكتب لاينسى وان كل مايقراء مسموح وانه يمر مرور الكرام
استلمهاااااااااااااااااااااااااااااااا
امطير ونعم واقولهـا دون تحقير
يامرحبا باللي بشعره يهلّـه
حلاة شعرك لانظمته بتصويـر
يحشم لك الفاظك ودربك تدلّـه
نواف وش نواف توّك ترى إصغيـر
وانصحـك تحفظ كثر هرجـك وجلـّه
مـدّاح نفسـه بالعـرب مابـه الخيــر
يامـادح ٍ نفسـك علـى كل علـّه
تكتب وشعرك صبصبت عصر بشكير
واكبر دليل ان قلـت هـذا وخلـّه
كان الـرجل يبعـد عن الدرب وينيـر
ويسـب بأبياتـه مواضـي وفلــّه
عنـدي ردي من دون حشمـه وتقدير
لاشك يبطـي يرتجـي شوف دلــّه
يومك تسب الزيـر يانافخ الكيــر
وش جاب سالـم دون عذراء تذلــّه
تقول ادوسـه دوسـة النوري للديـر
والديـر لو جيتــه حياتــك امطلّـــه
جيتك وانا من لابة ٍ جمعهـا إكثيـر
اصغر بنـي وايـل وقلبك يشلّـه
بيدي اتلـّـك تلّــة الــورع للقيــر
لاصـار من خلفــه ثلاثيـن شلـّـه
وافرّ راســك فـرّة البـاك للسيـر
يبطـي عظـم مايعـرف اللـي حصلـّه
ان كانهـا بالفعـل ابشـر بهـا اتصيـر
وان كانهـا بالشعـر حنـا هـل ٍ لــه
من جيـل ابن عبـار لاجيـل ابن عيـر
لاجيـل ابوموسى خلف قدوة ٍ لـه
الـ بانــي المعنـى لكسـب الغناديـر
ياحسين علـّم ضايـع الشـور قلّـــه
حنا بني وايل ومن نسلنا الزير
واحذر قبل لاتقول حكيك تملّـه
بعض البشر نقصٍ وهرجه مخاسير
قبل يفـل القاف قافـه يفلّـه
وش جاب سالم يم روس العصافير
سالم كبير وصعب مثلك يذلـّـه
ياهيه له لابه تدوس المناعير
وصغيرهم بأمثال شخصك يتلّـه
اعيال وايل وانشد القـاع بالبير
تشهد لهم بالحال من غير زلّـه
اعيال وايل وانشد الموق بالطير
يخبرك من هو بنجد سيفه يسلّـه
اعيال وايل وانشد الشمس بعصيـر
من هو يظل الغير لازال ظلـّـه
وانشـد عن التبـّع وجنــد ٍ مغاويـر
وعـرش ٍ طوينـا فـوق راسـه سجلـّه
حتى جبل خـزّاز منـا قلـب جيـــر
وكسـرى جمعنـا جيشهـم وسطِ سلـّه
مجـدٍ لك الله شـاع بيــن الأساطيــر
ومافيـه زيـن الاّ نصــاه ووصلـّه
اجموعنا وان صحت جونـي طوابيـر
ليـن العـدو ينحـاش مع ما حبلــّه
اعيال وايل وان صـرخ حـد خرخيـر
يسمع صدى صوتـه جبال وسهلـّه
من حد عرعر لين بيضاء وابو النير
وطريف لسكاكا وحـــد الجبلـّه
ومن نجـد ليــن معكّفـــات المناقيــر
وحايـل بنـا يفـرح وذا منوة ٍ لـــه
والشـام ليـن مكسّــرات المواسيـر
بجبـال ِ لبنــان الجليــد احتفـل لـه
ومن الحفـر لبـس الذهـب والأساويـر
تاج لـ (خليجك) مابـه الزيـف للـه
اسم ٍ لك الله فوق كل المشاهيـر
نرقى به العليا على كل ملـّه
الشرق الأوسـط يرتجف بالصقاقير
ان قلت وايل ؟ ردد الكون كلـّه
حكام من حكام يعنـي كذا غيـر
وانشـد واذا تبغـى تجيـك الأدلـّه
الجد وايل كاتبــه بــس تذكيـــر
لـ امثـال شخصـك دام حكيك عثلـّـه
ياصاحبي عيب ٍ على مثلك يثيـر
ويسب غيره دون ذنب ٍ حصل له
وان كـان ردّ الغير يأتي بتقصير
وبان الزعل والدمع وجهك يبلـّه
افهم معي لحظـه واذا قلت تكسيـر!!
قصـدك كـذا بعيـون شعـري احلـّه
يعني تصوغ الشعر لجـل القواريــر
وان مايـرد الزيــن تبــداء تغلـّـه
تبحـث عن الشهـره بـدون التقاريــر
وكل الخطاء بأبيات شعرك تصلـّه
شاعر فلس شاعر خرافـه وتزويـر
يعنـي كــذا اسمّيــك شاعـر مجلـّه
وسلامتكم
اخي ان كنت احسست بغلطه تجاهك من شخص فما ذنب الزيــر ....
نعم هل صار الزيــر لعبه لكل من يسوى ولا يسوى
واتمنى اخي قبل ان تبداء بكتابة حرف واحد ان تحشم الفاظك لكي يحشمك الغير ...
وكل شاعر فوقه شاعر ان بداء بالقافية الصعبه ... يرد عليه بنفس القافيه .....
لا اقصد بذلك ردي عليك ... لا بل ماقصدته ان كل داهيه هنالك ادهى منه .
اخي انا لم اقصد لك الإساءه كما اسئت لي ولقبيلتي ...... نعم اقول قبيلتي عندما يذكر اسم الزيـــــــــــر
ارجو منك اخي ومن الجميع بعدم الإساءه والتجريح للغيــــر..
مع تحيات
قبل افرّ الحرف افرّك
دمتم بخيــــــــــــر
