ببسي ومرندا وشاني حوار رائع
بسم الله الرحمن الرحيم
انا اول مره اشارك في موضوع وانشالله يعجبكم
الحوار,,, بين البيبسي والميرندا والشاني
الموقع : ثلاجة في دكان راعي الدكان إلي بحارتنا
الوقت : ثنعش الا ربع بالليل 11:45
البيبسي : اختي ميرندا ... قاعدة والا نايمة
ميرندا : هلا .. لالا قاعدة .. ليش تو الناس باقي ربع ساعة وبيسكر الهندي هالأنوار وبعدها بنام
البيبسي : هل لي بحوار جانبي معك ( ياربيييه على الاسلوب )
ميرندا : ايييييه عادي وش دعوا
البيبسي : ماهي نوعية الحوارات ..أقصد اللي تحبينها ,, ترا كيذا الاسلوب علشان يسحب معك الخط (اقصد الحوار.. خخخخخخخ )
ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق (صندوق الميرندا)
البيبسي ( فرحان ) : اييييه كلامي مايخلص ولا بكرة انا اصلا كانوا يقولون عني راعي طويلة. <<<ماكذب خبر
ميرندا : تدري أسلوبك وطرحك حلو بس أبوي يقول لا تمشون مع السود !!
البيبسي : ليه ترا والله ما نعظ ... أليفين بالحيل <<<واحليه
ميرندا : بس تصدق انا معجبة بسوادك ,,, كأنه سواد ليلة مافيها قمرا .. سواد كالح كنه فحمة من كيس هالفحم اللي في المستودع تحت ... انا معجبة فيك بصراحة
البيبسي : يؤ..يؤ..يؤ .. احرجتيني .. أمي والله صادقة
ميرندا : ليه وش قالت أمك
البيبسي : أمي تقول إن الميرندا أحلى من الشاني .. ماتدلعين زي الشاني
ميرندا : ياحظي .. قال شاني قال وش يخليني اتدلع
البيبسي : لا يعني لون الشاني .. احلى من لونك ... لونها احمر يشق الجبهة
ميرندا : نعم نعم نعم .... عيد بالله وش قلت انا وشفيه لوني
البيبسي : لا والله مو قصدي بس لونك كنه لون هالهندي اللي بالدكان اذا صار معصب ... برتقالي <<<مايعرف يصرف
ميرندا : والله حبيبي اذا مو عاجبك خلني اروح لصندوقنا بس
البيبسي : يؤ ..يؤ..يؤ... يالزعولة ليه زعلتي من كلامي ..
(وفي هاللحظة فتح الهندي الثلاجة وحط فيها شاني)
البيبسي : هلا والله وغلا بالشاني... يوووووووه يازينها زيناااااه .... تو مانورت الثلاجة .. <<< راعي الإثنين كذاب يابيبسي
ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق ..
شاني : ههههههههههههه ... وشفيها هذي معصبة كنها طقاقة ما نقطوها بحفلة زواج ها ها ها ها. <<<حلوة ذي
البيبسي : لالا ماعليك منها أنت بس قولي لي وش هالحلاوة وش هاللون الحلو ..
ميرندا : اقول يالدبا يالحمرا ء اللي لونك ماله داعي كنه روج ملخبط هههههههههه..
شاني : هئق ... هئق ( تشهق ) يالغيارة يالبرتقالية روحي بس ما احد شراك لك اسبوع هنا مرزوعة ما احد يبيك ..
ميرندا : والله ... ياشيخة تعالي دغدغيني احسن <<<لا تضحك ترا
البيبسي : ياجماعة كل وحده فيكم لها مميزات ولها صفات مستقلة خلونا بس في المفيد
وفي هاللحظة قاربت الساعة على 12 بالليل وجا زبون
وخذ معاه البيبسي والميرندا والشاني بكيس واحد
بيوديهم معاه للبيت..
( وهذا الحوار اللي بالكيس )
البيبسي : هذي الساعة المباركة يوم صرنا بكيس واحد متقاربين..
ميرندا : اقول وراك مقرب للشاني خلها تتنفس طيب حاشرها ( بدت الغيرة )
شاني : يؤ ... من سألك انتي الثانية بعد وش عليك!! خليك بحالك!!
بيبسي : لاتحرجوني !! انا اخجل من ظلي !!
يؤ..يؤ..يؤ....وخري ياميرندا شوي
ميرندا : هذا بعد الهندي ماحطنا بكيس كبير .. حشرنا بهالكيس هالبخيل..
في هاللحظة أخذ الزبون الشاني وفتحها !!وشربها وما بقي بالكيس الا البيبسي والميرندا
البيبسي : الحمد لله كانت مضايقتنا الشاني( منافق وماله خاتمة البيبسي )
ميرندا : يؤ ... توني صرت غالية عندك اقلب وجهك بس يالعبد مالك خاتمة
البيبسي :آه ... ضاعت علي الشاني والحين ضاعة الميرندا .... وش سويت انا ووجهي .. <<<قلتلك من أول
ميرندا : اذلف بس ووخر عني ولا عاد تكلمني !! <<<إلحين تتغلي وقبل شوي تغاري
البيبسي : آه .... والله احتريت ( ارتفعت درجة حرارته )
ميرندا : ايه عارفه من يوم راحت عنك الشاني وانت متجه علي وتعبتني وكسرت قلبي ..
البيبسي : اييييييييه والله مريضة لا أكون انا السبب
وفي هذه الاثناء اصبحت حرارة الميرندا مرتفعة وانشد البيبسي بهذه القصيدة
يصف حال الميرندا موجه كلامه للزبون اللي خذ الميرندا وفتحها وشرب منها جزء
بسيط وألقى بها في سلة المهملات ( لأن حرارتها مرتفعة ساخنة )
: وبكى البيبسي في هذه الاثناء وقال
قالوا حبيبك محموم فقلت لهم .... انا الذي كنت في حمائه السبب
عانقته ولهيب النار في كبدي ... فأثرت فيه تـــلك النار فالتـهب
<<<طلع شاعر الأخ بيبسي
انشاء الله يعجبكم الحوار ...[/size][/size][/size][/size][/color]
