-
عمى البصيره
ممنون لك جرحي و((شكرا)) كبيره
من قمه احباطي الى اخمص الآة..
ممنون ويتشكر رضاك بمصيرة
يومك تبعت الصمت واقفيت وياه..
ماوقفك عهد العشيره عشيره..
ولاتقصيت الخطا وين مبداه
ولاثنى عزمك دموع غزيره..
ولاسألت الحال الى وين مسراه
الحــال!! مزعجني هقاوي وغيره
ورث عزيز منك يصلاني واصلاه
يحرق حطب جوف يسرك عبيره
شبت على عطر المحبه حناياه
الهبتني..!! شوق ,,وصبر,, وحيره ..
والفكرضايع في متاهات مضناه..
يرمي عليه البعد من زمهريره..
حسبي على برد لحق ذهني واشقاه..
بعدك ترى عين الاماكن ضريره..
تستجدي من شوفك بريق فقدناه ..
وش قولك بجلست غلا مع سفيره!..!
لجل نتجمل بالوفا وناخذ اقصاه...
نرجع نراجع صمتنا ونستشيره ..
يمكن يرد الود لعيون تفداه..
وان كان رشفك من جفاي وغديره..
يرويك!! تسمح لي بهالبيت ادناه..
اصعب عمى للعين فقد البصيره
واعمى البصيره ضايع الحكي وياااااه...!!!
شاعرتها--- تميميه
-
تميميه
هلابك في تواجدك بيننا قصيدة رائعه يسلم بوح
شاعرهااا--
غلاي-- من شروط همس القوافي أن يدون الشاعر
أسمه بداية او نهاية القصيده لأثبات نسبهااا له
هنا ينشر الشعراء قصائدهم من بوحهم الخاص بهم
وحين لانجد الاسم تنقل لقسم همس القوافي للقصائد
المنقوله -- نعيدهااا حين نجد أجابتك هنا بأنها من بوحك
أعتذر للنقل --
هلابك--
الحوراء-بنت نجد
-
اختي شكرا لتنبيه
وهي من كلماتي
-
هلابك تميميه
تعاد لقسم همس القوافي وعذرآ لدخولي للقصيده
وتدوين أسمك ------------- هلابك مجددآ أشكر لك
تفهمك---------
-
ممنون لك جرحي و((شكرا)) كبيره
من قمه احباطي الى اخمص الآة..
صح السانك يالتميمية
قصيده رائعه من شاعره رائعه
تقبلي
تقديري