عهدي بها قدام تلبس عبايه

[align=center]قصيده براءه اعجبتني واتمنى ان تحوز على رضاكم واستحسانكم


فقط لاعجابي الشديد بها نقلتها

******




عهدي بها قدام تلبس عبايه
وأنا بعد قبل ألبس شماغ وعقال


طفلين نتهجا حروف الكتابه
الله يامجمل سواليف الأطفال


كانت لنا في كل شارع حكايه
وكنا نقول علوم ماهي بتنقال


وكنت أتقاسم مامعاها معايه
من آيسكريم التوت لعلك أبو ريال


وكانت بعكسي شاطره بالقرايه
تقرأ جزء عمى وطه والانفال


وانا لك الله من مواري غبايه
مدري أبو نقطه هو الذال أو الدال


وكانت لأبويه تشتكي من شقايه
وتعلمه كيف أربط الباب بحبال


ياما على ظهري كسر من عصايه
يقول لي خلك وأنا أبوك رجال


وأمي تقول إدع لولدك الهدايه
خوفي يصيبه كثرة الضرب بهبال


لاشفتها مع أول الدرب جايه
ماأدري أنا اللي ملت وإلا الوطاءمال


أحس قلبي يرتجف في حشايه
ماكنه إلا الضيف لاهز فنجال


ياما عن السعلي تخبت ورايه
لاخوفوها فيه ثم شافت ظلال


تقول ... خلك يا(....)معايه
وأستانس ألعب عندها دور الأبطال


وأغاااااار حتى من عيون أصدقايه
لاطالعوها!!!قلت...تكفووون ياعيال [/align]

رآئعـــٍه . بمعنــى الكلمـــٍه ..


صــح لسسإإنـ كـآتبهإإإ ..

وسلمــت يميــن نـآقلهـــإإ..

تسلمين والله حياتي وكلج ذوق خوش كلمات