انا العآقل .. انا الصآحي .. انا المُختل .. انا المجنون !!!
[align=center]السلام عليكم ورحمة الله وبركاته ..
إليكم هذه المتواضعه ... من بعد طول غياب ...
أترككم معها
[poem=font="Simplified Arabic,5,black,normal,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]
تعالي يا بعد حيي تعالي يـا ضـوى هالكـون=تعالي للذي يرسـم جمـال الحـرف لعيونـك
انا العاشق انا الصادق انا الكاتب وكلي فنـون=انا لجلك اكوّن مـن عبيـر الـورد مضنونـك
انا الهايم انا العايم ف..بحرك يا وسيع النـون=نويتيني وجبتينـي ب..لمـح العيـن مزيونـك
انا ماني على شوري...على شوري انا مغبون=نواها هالصّدر نيّه..على عجزه ب..مضمونـك
انا اللي يرجس الجزله على المعنى حليّ الهون=والحّنها على كيفي..على هونك علـى هونـك
انا العاقل انا الصاحي انا المختل انا المجنـون=انـا كيفـي يسمّيني..يسمّينـي علـى كونـك
صدق منهو يقول إنّي تعدّد بـي كثيـر لحـون=مدام العين قيثـاري وعـودي روعـة فتونـك
اعزف الناي باوتار الغـرام وفوحـة القانـون=وسمّوني على لوحة خفوقـك (دوم مجنونـك)
احبك كلمة ٍ تزعل.. الامـن عدّتـك مضنـون=وأعشقك تجفل وتقفـي .! تقـول الله ياعونـك
اموت الفين مرّه وآرتدي لجلك هوانـا كفـون=وسط قبرك انا مرتاح.. ولابي الدنيا من دونك
اشوف القافيه تهتز ! وسط حرف ٍ ضرير فتون=واشوف الشعر كلّه فيك كما نقطه فبحر لونـك
الا يالله يا ستّار يا مُلهـم عبـدك .. المفتـون=تهوّنها على قلبي ..عسانـي اليـوم مكنونـك
صحيح اللي يقول إن الهوى درب ٍ وعر ملعون=وانا ماشي على نهجه..واحب اللـي يحبّونـك
انا ماني على كيف القصيد المُتـرف المزيـون=مدامي عاشق ومُغرم..خفوقي وشعري يفدونك
فداك الكون يا خلي فـداك العمـر والتلحـون=فداك اللي فـدا نفسـه فـداك اللـي يهمّونـك
انا ماني مطوّلهـا .! وانـا داري ولا مليـون=ديوان ٍ يوفّي لـك غـلاك وروعـة شجونـك
بتل الآآه من صدري واقول اني انا المجنـون=باعوف العقـل دامنّـه بعيـد ٍ يالغـلا دونـك
وختام اللي نوى قفلة جزيلات ٍ تحوف اللـون=تراها فلسفة شاعر (نوى يعشق علـى لونـك) [/poem]
.
.
.
دمتُم بكل خيرْ وودْ ..
.
.
.
فتى من تميم[/align]
