قصيده الي زوج حبيبته .....
حظر المحبوب الهايم العاشق الي القصر الذي اقيم فيه حفل زفاف محبوبته...وكتب هذه
الابيات الموجه الي الزوج
[align=center]ابد ماجيت ابارك لك ولكن جيت باوصيك
علي اللي ناوي تدخل بها الليله معذبتني
ترا لولا الظروف اللي عطتك وحدت محاكيك
قسم بالله ماتدخل عليها لو علي رقبتي
ولكن النصيب اقوي ولا ادري ويش اسوي فيك
نعم صارت معزيتك ولا صارت معزيتي
كذا شاء الاقدار تحرمني لجل تعطيك
كذا لازم عشان تفوز انت اخسر بتجربتي
تراها غاليه جدا وتكفي والله يخليك
تدللها..تدلعها.. تنسيها مصاحبتي
انا من كثر مااغليها احس اني بديت اغليك
ولاتسال بايه حق ولا وش مناسبتي
لانك لو بتسالني بتسمع شي ما يرضيك
لذا ياخلو لاتسال ولا تسمع اجوبتي
ابيك تحطها في داخل عيونك وبين ايديك
وهي دلوعه اعتادت علي كثرة مداعبتي
فداعبها شوي شوي حتي تشتهي طاريك
وشاغبها الين تقول لك: بطل مشاغبتي
واذا هي مالها خلقك ولا تضحك ولا تسليك
تحملها واسالها يا عمري ليش عصبتي
وبالك اسمع انك يوم تضربها وهي تشتكيك
مايحتاج اوري لك بفن الضرب موهبتي
صحيح انك بتملكها ومعك العقد بالتمليك
وانا عارف حدود الله ومن حقك معاقبتي
ولكن قلها المجنون وصاني وهو يعنيك
يقول انه بينتظرك ولو شيب وشيبتي
وانا مجنونها اللي ما نساها وانت مايمديك
تغطي ذكرياتي في هواها وربع تجربتي
احس اني تماديت بكلامي والغضب حاديك
ولو انك مكاني ماتفكر في محاسبتي
كفاك اني تركت الليله اشغالي عشان اجيك
دخلت القاعه برجلي ولا ادري زيش عاقبتي
وانا ماجيت اخرب عرسك الليله ولا اذيك
انا جيتك عشان اخاطبك واسمع مخاطبتي
توصي وانتبه واحرص عليها الله يهنيك
ترا كل الكلام اللي طلع من ضيقي وكبتي
ولكن ماقدرت اني اقوله وانت مايخفيك
اخاف اني اذ قلته تقوم وتقطع رقبتي[/align]
نشره بتاريخ 9-10-2006
تحياتي سحر الانوثه
