الكــــــافر

احس بوحـده وضيقـه وهـمٍ يشبـه الكافـر
وحيدٍ عايشٍ لا لي رفيق ولا معـي صاحـب
واحس بداخلي راحـه تـدور للتعـب اخـر
انام من العنا ماكل واقوم مـن الشقـا شـارب
بعد ما فارق عيوني حبيـبٍ يسكـن الناظـر
وصار الشارق بعيني اشوفـه كنـه الغـارب
مشيت لاول الماضي وجيت لا خر الحاضـر
وجيت ورحت بيامي وجنبي حظي الناضـب
ادور في خيالاتـي مكـان يوسـع الخاطـر
عساي اجلس مع جرحي وقلبي ننطر الغايـب
عسى لا مرت اعيونه وشافت حالـي العاثـر
تقول لقلبه ويرجـع يحـن ويبنـي الخـارب
اصبر دمعي بكذبـة يدمعـي باكـر وباكـر
يجيني من ترك فيني غلاه وصدقـه الكـاذب
ويقبل باكـر وكنـه هـذاك الزايـر العابـر
ويقفي تاركٍ بعده سخـاه وجـوده الشاحـب
ويرجع دمعي بياسه حيـن ومنكسـر حايـر
ويطعن خافق اوعودي بديـن الايـم العاتـب
واعود اكرر الكذبه واقـول ان الفـرج باكـر
واسوي نفسي الصادق وصدقي م الاصل كاذب


تحياتي ::::

زغــــلــــولـ الزين