ً بعض من روائع ديوآن محمد بن عوض الديحاني
السلام عليكم ورحمة الله وبركاته
اليكم البوم الشاعر محمد عوض بن سرور المطيري الجديد
طبعا جزء من قصائد الديوان وليس جميعها
ان شالله يعجبكم
الفيصليـــــــهـ
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله انه يذكرك بالخير يانجد العذيهـ = ياغرام المغرم الي مالقى بغيرك غرامهـ
والله اني عاشقك والعشق ماهو في يديهـ = لو بعض هالناس تلحقني مشاريه وملامهـ
واشهد انه زاد عشقك بعد برج الفيصليه = والخميس عصير والرذراذ وطعوس الثمامهـ
والبلا من جيتي بهاك النهار بحسن نيهـ= يوم شفت الشوفه الي قومة في القيامهـ
جادل ماخلت من الزين لو انهـ شويهـ = شفت فيها الزين كلهـ من بهامهـ لي بهامهـ
مهرتــ(ن) لاشبهوها بالحكيله والعبيهـ =ذكرتني خيل تغلب والمشهــّر والنعامهـ
ان بغيت اصد عنها كل ابوها جاذبيـهـ= وان بغيت اقرب واسلم قلت يارب السلامـهـ
وان تثنت قلت مال الخيزران الا التحيهـ =وان تخطت قلت ياحي التخطّــي والزعامهـ
وان تبين خدها شفت الصباح وقلت حيهـ= يابعد شوف المساء والليل والليل ظلامهـ
وان تبســّم ثغرها قلت ارحبي يالعقربيهـ= والله انه كنه البراق فطراف الغمامه
وان سكت قلت آه ياغلو الذهب لولا حليهـ= وان تكلم قلت ياحلو الشهد لو لا كلامه
اذكر اني قلت اناديها ياوضاح الثنيهـ = وآهني الي يشوفك لو يشوفك في منامهـ
وروحت يبرالها قلبي وودعتهـ هديهـ = والله اني مااملك اغلى منه ياكود الكرامهـ
صاحبي وان شفت بي ماعفت لاتشره عليـهـ= وان تغير في رفيقك شئ لاتنشد علامهـ
عذري اني كنت ناوي خير والنيهـ مطيــهـ= وعيبي اني ماقدر اخون المروه والشهامهـ
والا أنــا ماخذت منها غير طعناتــ(ن) خفيهـ = وأدري ان الله رحمني بالعباة وبالثامهـ [/poem]
الوســـــــــمـ
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوسم برقه لاح لاح وناض ناض = سرى سرى وانا على نوه سريت
والوبل هل وعل لين الغيض فاض = وافيض من فيض المشاعر مافضيت
ادري على العارض ولا فيهـ اعتراض= ياليتني يوم استوى الممشى مشيت
افرد لهـ ضلوعي ولهـ صدري فياض= واروى وكني في ضماي ولا رويت
البل الا وردت ضما تاطى الحياض= وانا اليا كرعت في حوضك ضميت
ياحي وجهك وجه ياصافي البياض= وياحي صوتك صوت ياحلى اوبريت
مشتاق لك ياغض غضات الغضاض= أنا اشهد اني عنك لحظه ماسليت
ليت الكويت تصير هالحين الرياض = وليت الرياض تصير هالحين الكويت [/poem]
أذكــــــــر أني
اذكر انــــــي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والله اني ذاكر ومانيب ذاكر = وأكثر الي فات عمري ماذكرتهـ
أذكر اني كنت اجازف وكنت اغامر= وكل دربــ (ن) يتعب الهقوى عبرتهـ
واذكر اني كنت قبل أكون شاعر =والشعر لو ماشعر بي ماشعرتهـ
واذكر اني كنت اصيد وكنت شاطر = كم غزالــ(ن) مرني عجل وعثرتــهـ
بس عيبي كل عيبي كـــــــــنت أكابر= ومن يصد بنظرتهـ عني حقرتهـ
ليتـــنـــي ياليتـــنـــــي يابنت خابر = كان عيبي يوم صادفتك سترتهـ
لين تروى من ماجرك المحــــاجر = وان روت رديت للستر وشكرتهـ
أنتي اصلا شئ ماهوشئ عابـــــــــر= كم تمنيتهـ وكم ليله نطرتـهـ
ودفترك لايابعد كل الدفاتر= أعتبرته ليل عشاق وسهرتهـ
شاعره وتروضين اغلى المشاعر= مرهفهـ واحساسك المرهف حظرتهـ
جوهره منتي مثل كل الجواهر= ياحلو فيك القصيد اليا نشرتهـ
وكانها وصلت لحمران النواظــر=كيف ابذخر شئ ماعمري ذخرتهـ
ويكفي انك ذاكره والوقت ذاكر=ولا انا ياكثر غيرك ماذكرتهـ[/poem]
يابـــــــدر
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابدر تكفى قوم ماعاد لي خلق = نبشت جرحي الدويش وتضايقت
ذكرتني واشقيتني والصدر غلق = بالوقت امنيه وعذابه من الوقت
ليت السما صافي وليت الهوى طلق=وليتك ثنيت اقصى ضلوعي و وايقت
وتشوف قلبي وش فلق ثومتهـ فلق= الا هوى الي في هواها تعلقت
غيــد(ن) اليا طبت مكان اشغلت خلق = والله مااشغلني سواها من اخلقت
من يومها وانا على شوفها قلــق= ياليتني في حبها ماتوهقت[/poem]
بـــــــاكر مسافر
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باكر مسافر بس مدري على وين = قبل الوداع اذكرك بالوديعه
بالله لطريت السفر لاتضيقين =اخاف لاضقتي تضيق الوسيعهـ
وانا السفر عندي مثل ما تخبرين = طبيعه وياحلوها من طبيعهـ
مثل الزعامهـ في عيون السلاطين = حكام نجد مقومين الشريعهـ
ومثل المعزه في نفوس العزيزين=اخوان جوزا اهل السلوم الرفيعهـ
ومثل البشاشه في وجيه الجمالين = وساع الصدور اهل النفوس المطيعهـ
ومثل التفاخر في طبوع الشعالين= بامجاد اهلهم والحصون المنيعهـ
يعني طلبتك ياعذاب المزايــن = لاتطلبيني شئ مااستطيعهـ
اليا غدا الصمان مثل البساتين= واخفى خريف الصلب واقبل ربيعهـ
وكلمت ابو تركي طليق الحجاجين= وقال الوعد روضـ(ن) شمال الرفيعهـ
سريت من دارك على خير هالحين = هالحين لاباكر ولاهو تبيعهـ
وليا غدا في عيني اليل ليلين = وصت الهوى وصوت السباع المجيعهـ
ماعندي ايميــل وبريد وعناوين =الا الصحاري والخطوط السريعهـ
وليا زملت اذكر فعول الدياحين =وارضى ببعض الي مضى عن جميعهـ
يطري علي لافي وهزاع وحسين = اخر رموز معنزين النزيعهـ
والدار موحش والجماعهـ مقيمين = والحر مايرضى بغير الطليعهـ
وانتي مطاليبك على الراس والعين= ماارضى علي ولا عليك الهزيعهـ
والغدر ماهو من طبوع الاصيلين= والله يامني ماتجيك الخديعهـ
بس السفر كانك بديتي تلحين= يمكن تجي بيني وبينك قطيعهـ
ودامك عشقتيني على الزين والشين= قولي كذا .. ان ماطاعك الوقت طيعهـ
وليا زعلتي والله انك لترضين= لن من شرى قلبي يحرم يبيعهـ
وأنا بقول وسوي الي تسوين= غير جبال ولا تغير طبيعهـ[/poem]
باشــــة البيض
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تبسمي ياباشه البيض والسمر = وش عاد باقي للخجل ياخجولهـ
سمي فداك العمر يابهجة العمر= عمر(ن) تزاحم به سلوم الرجوله
تدلعي .. تدللي .. أمري أمر = الي سواتي مايحب بسهولهـ
في مبسمك تعانق الثلج والجمر= وان قيل لأ .. قولي محمد يقولهـ
ودريت عن عشق السراجيف للضمر = شافــ(ن) نحل خصرك ولاهن بحولهـ
ومثل الغروب اطراف حد الشعر حمر= ولا جديلك ليل لأرخي سدولهـ
كني اعرفك يوم كان الحصى تمر= وانتي نهار القات مادار حولهـ
يابنت هذا العشق مالي عليه امر= سحر الانوثـــهـ جاب راس الرجولهـ[/poem]
الرزيـــن
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الرزين الي يوردني على حياض المنايا= انصحوه اليا شربت الموت لايرجع يصبهـ
كان عيا لا يطيع النصح واسرف في الخطايا= علموه يصد عن هاك المكان ولايطبهـ
رأفة ً بآهل القلوب الخضر شبان وصبايا= شلتــ(ن) تغار منه وشلت(ن) تبلى بحبهـ
والله انه لو درى بالي ورا عوج الحنايا= مايروح لين يطفي جمرته من عقب شبهـ
ان نشدتوني وشلي شفت فيه من المزايا =قلت لو اقول كل المدح فيهـ تقول اسبهـ
اشهد ان الزين لمهـ لم وضاح الثنايا= واشهد انه ماترك للبيض عقبه ربع حبهـ
واشهد اني لو بغيت اشبهه ماله حلايا= ويش اشبه فيه حتى بصورته ماينتشبهـ
فيه ثقل وفيه عقل وفيه يابيض النوايا= وفيه من دم البداوه دم والدم ومصبهـ
فيه شيـ(ن) من مطير . وفيه شئ من الطنايا= وفيه شيــ(ن) من بني وايل عسا ياقاه ربهـ
باكر ان رتبت جرحي مع قصيدي والهدايا= واقلعت طيارتي لديار ربعي من مربهـ
علموه اني مشيت وباقيــ(ن) مني بقايا= وعلموه اني احبه وانشدوه وش كثر حبهـ
وعلموه اني من الي بيدوا جرد السبايا= من رجالـ(ن) خيلهم مع كل فج وقل قبهـ
وعلموه اني موصى واخر سمان الوصايا =واحد(ن) ماهو مثله لو تعلق في اكبهـ
وبشروه اني بعد فرقاه عقلت المطايا= وانصحوه يصد عن هاك المكان ولا يطبهـ[/poem]
وسلأمتكم
