بارت 25
رفع راسه وضم بشته وماامداه يخطي خطوات معدوده الا يجي محمد بسيارة بدر ويصدم نايف وينحاش
كل اللي واقفين عند الباب انذهلوا ..اللي وقف مكانه واللي اخذ رقم السياره واللي جرى عليه واخذه على المستشفى
بهاللحضه هذه وصل بدر وشاف هالمنظر اللي هزه,وشاف ابوه واقف عند البوابه
بدر مذهول: وش اللي صار؟؟
ابوه: لاحول ولاقوه الا بالله,صدموا نايف
بدر بخوف على نايف: ان شاء الله ما تأذى؟؟ومن اللي خذاه ؟
ابوه:اعمامه شالوه وودوه على المستشفى
بدر:خلاص اجل انت وابوه عشوا الرجال وانا بروح الحقهم على المستشفى
ابوه:افضل شي ..بس اسمع لايوصل للحريم هالخبر
بدر:ان شاء الله
ابوه: واسمع طمنا عليه اول ماتوصل
بدر:يصير خير
"ولكن ماامدى الحادث يصير الا واحتاج بس عشر دقائق عشان يوصل للحريم..
ويوم درت فاتن باللي صار.. رفضت انها تنزف واضطرت امها تقدم وقت العشاء وتضييف معازيمهم
وخذت عيوش فاتن بسيارة زوجها و وصلوها للبيت عشان تغير ملابسها ,وتستوعب الصدمه,بعيد عن هذيك الاجواء
:::::::::::::::::::
صباح الدوام
المستشفى
كعادتها داليا مداومه ولكن عقلها مع فاتن واللي صار امس ..ولا ارتاحت لين دقت عليها.
داليا:ها طمنيني وش قالوا لك على نايف؟
فاتن:يقولون انه تأذت رجله ,وضهره جات له رضوض قويه,غير كذا مخلينه ينتضرون نتايج التحاليل اللي سووها له
داليا:ومتى بتزورينه؟
فاتن:انتضر بدر للآن مارجع للبيت ولايرد علينا حتى
داليا:غريبه وين راح
فاتن:ماادري طمنا الفجر على نايف وبعدها ماصار يرد,وبعدها قفل الجوال
داليا:يله ان شاء الله"وقاطعها صوت اللي يسلم,اللي من شافته سكتت وعيونها عليه"
- سلام..قاطعتك؟
داليا متنحه:لا ابدا,اوكي فتون ادق عليك بعدين قلبي
فاتن:اوكي
د/احمد:كيف الحال؟
داليا: تمام,قالوا لي انك رجعت جده؟
د/احمد:انا مارجعت بس سافرت لشغل
داليا:....
د/احمد:اتوقع اكتر من شهر مرتاحه انتي وجولي مني
"داليا وبقلبها تقول أي راحه في بعدك ؟؟"
د/احمد:انتي معايا
داليا: ااا ايه اكيد معك ,انت نقلت دوامك للصبح ؟؟
د/احمد:صرت اداوم بالنهار والعصر
داليا:اهم الله يعينك على كذا
د/احمد:اوكي بس حبيت اسلم,يله اشوفك
داليا وقلبها يرقص من الفرح:اوكي..اكيد
:::::::::::::::
بالشرطه
المحقق:وشلون مااهي سيارتك وفيه شهود خذوا رقم السياره,وعلى هالاساس جايبينك
بدر:صدقني انا اخو العروس وشلون راح اصدم زوجها ,وبعدين انا قلت لك اكيد فيه احد كان يراقبني ويوم نزلت لمحل الورد,سرق السياره
المحقق:وليه ماجيت بلغت على طول؟
بدر:ماكان فيه وقت وكنت ابي استقبل المعازييم,وبعدين كل محلات الورود والمحلات اللي جنبها شافوا الرجال وهو يسرق سيارتي والكل قام يشرح لي وش اللي صار
المحقق:من شافه؟
بدر:معضم اصحاب المحلات كانوا واقفين عند باب محلاتهم و قالوا انه كان متلثم ,اخذ السياره وطار بها
المحقق:شف انا كل الادله اللي معي ضدك فمضطر تضل عندنا الى ان نتأكد من شهودك,ونجري بعض التحقيقات
بدر:طيب اذا تسمح لي ادق على الاهل ابلغهم
المحقق:عطني رقمهم وانا اوصل لهم الخبر
بدر:خذ رقم الوالد000000000
::::::::::::::::::::::::::::
بعد العصر
قام محمد من النوم وهو مستانس باللي انجزه امس..
قام وهو يشوف المسافه بينه وبين فاتن اقرب..
اخذ له دش بارد ونزل شاف امه
محمد:ام محمد وشلونك؟
اصاله:قلت لك مليون مره قل يمه
محمد:هههه يمه وياقلبي وياام محمد وياعين محمد وشلونك
اصاله:ماشاء الله وش هالمزاج الرايق!!
محمد:ههه يمه وين سمر؟
اصاله:اكيد انها جالسه بره
محمد:اها انا طالع لها تامرين على شي يالغاليه؟
اصاله:سلامتك
"وفعلا طلع محمد لمكان المسبح وشاف سمر تشرب قهوتها بهدوء"
محمد: سلام ياسوسو
سمر التفتت لعكس جهته:...
محمد: سموره..حبيبتي
سمر بزعل:نعم؟
محمد:وشفيه الحلو زعلان؟
سمر:لاوالله ,ولاكأنك سويت شي
محمد وهو يضمها ويقعد جنبها:انا وش سويت,خلي عقلك كبير ياسوسو ,وبعدين فيه احد يزعل من حبيبه
سمر:ايه دامك تذكر غيري .. بزعل
محمد بخبث ويبيها تقوله اخبار:خلاص ياحبي ,مو هي تزوجت يمديها الان بشهر العسل وانتي هنا زعلانه
سمر :حتى ولو لاتذكرها وتزعلنا
محمد:ازعلكم!! انتي ومن؟
سمر:انا والبيبي
محمد بفرحه:انتي حامل
سمر بدلع:اهم
محمد:هههه اجل بصير اب؟
سمر:ايه بتصير اب
محمد:هههه يابعدي والله ياسوسو
سمر:ههههه بس ترى مانسيت انك زعلتني وابي الرضوه
محمد:افا عليك انتي بس تدللي امري وش تبين؟
سمر:هو شي واحد اللي بيرضيني
محمد:امري
سمر وهي تناظر عيونه:ابيك بس لاعاد تذكرها ,وتنساها وتحبني من قلبك
محمد:...
سمر:وشفيه صعبه يعني؟ وبعدين هي خلاص تزوجت ويمديها اللحين بتموت من الفرح
محمد:ليه هي زوجها عائش؟؟
سمر:نعم!!!
محمد:ااقصد اممم زواجهم امس تم على خير
سمر:اكيد تم انت وش قاعد تقول
عرف محمد انها ماتدري عن اللي صار:مو مهم خلينا فيك ,وش اللي ببطنك ولد وله بنت
سمر:ههههههههههها حبيبي اللحين مايبان انا ببداية الحمل
محمد وهو يكذب:اها ,طيب اسمعي بروح اسلم على الوالده ماشفتها
سمر:اوكي حبي ..استناك لاتتاخر
محمد:ايه يله بس بسلم
"ودور على امه لقاها تلبس عباتها وطالعه"
محمد:يمه
اصاله:سم
محمد:امم ماقلتي لي وشلون زواج فاتن امس
اصاله بطولة بال:انت وبعدين معك؟
محمد:يمه بس اتطمن خلاص فاتن مثل اختي
اصاله:اكيد مثل اختك
محمد:ايه يمه افا عليك
اصاله بحزن:حبيبتي اكيد صابتها عين
محمد بإهتمام:ليه وش صار لها
اصاله:ابد زوجها صدمه واحد حسبي الله عليه
محمد:احم
اصاله:لا وبعد انحاش ياجعلهم يمسكونه
محمد وهو يحك شعره و يقاطعها :مات صح؟
اصاله:اعوذ بالله من الشيطان ,وش هالكلام يامحمد
محمد:ها لأ بس توقعت,يعني ...هو عائش؟
اصاله:ايه الحمد لله انتبه وابعد جسمه عن السياره لكن انصاب,الله يشفيه
محمد بضييق:وعرفوا من اللي صدمه؟
اصاله:ايه فيه من اخذ لوحة السياره وطلعت سيارة بدر
محمد:وان شاء الله مسكوه الشرطه
اصاله:انت وشفيك قاعد تدعي على العالم ,وخر بس خلني ازور ام سلمان
واتطمن عليها.
محمد:طيب يمه اول شي كلميني فهميني
اصاله: خلاص قلت لك كل شي وش تبي تعرف بعد؟؟
محمد:ابي اعرف فاتن وش ردة فعلها؟؟
اصاله: اه ياقلبي على بنتي,الحمد لله ان فاتن شخصيه قويه وله كان يمديها المسكينه فاقده اعصابها
محمد:وليه تفقد اعصابها لا حبته ولاتبيه
اصاله:محمد
محمد:نعم
اصاله:وخر عن وجهي احسن لك
محمد:ههه طيب يمه وانا صادق
اصاله:محمد زوج فاتن بياخذ فتره ويقوم وان شاء الله يصير احسن من قبل ,ويسعد ويعوض فاتن عن اللي شافته ..فلو سمحت وخر وخلني اروح ,ام سلمان تنتظرني
"خلاها محمد تروح وهو يحس بضيق توقع ان نايف مات لكن مخططاته للآن فاشله لأنها افكار وليدة ساعة غضب "
::::::::::::::::::
المستشفى
ابو فاتن دخل معها لغرفة نايف اللي منوم بها سلم عليه وتطمن على حالته الجيده وطلع عشان يروح مع المحامي لبدر لثاني مره .. وقال انه بيحاول يمر فاتن بعد ساعه...
اما فاتن منحرجه من نايف ومن اهله اللي جايين لزيارته
فاتن تكلم ام زوجها: حمد لله على سلامته
امه:الله يسلمك,والحمد لله انها جت على كذا
اخته:أي والله الحمد لله
اخته 2: ان شاء الله بس يمسكون اللي سواها
فاتن تتمنى انها ماجت وخايفه يدرون انهم متهمين بدر اللي هي متأكده انه ماسواها
نايف وهو يبتسم:اقعدي
امه:قومي يا نوف خلي فاتن تقعد بكرسيك
نايف:لا وليه تقوم خلوا فاتن تقعد هنا"واشر بجنبه على السرير"
بلعت ريقها فاتن:لا عادي انا مرتاحه
امه:اجل يله قوموا نخليهم يقعدون مع بعض شوي
اخته نوف:لا تو الناس
اختها موضي تاشر لها :خلاص نزوره بوقت ثاني,يله حبيبي ماتشوف شر
"وسلمو عليه وطلعوا,وجلست فاتن بالكرسي اللي جنبه,ساكته ومستغربه الوضع ,وهي تحس بإن نظرات نايف موجهه لها وهي شاغله نفسها بشنطتها الدفشه.."
نايف:مافيه حمد لله على السلامه
فاتن وهي تناظر لرجله المجبسه:اجر وعافيه
نايف: انا اعتذر خربت فرحتك يالعروس
فاتن:لا ابدا,اصلا انا اللي حضي من يومه نحس
نايف:هههه,بالعكس
"فاتن وهي تناضره ومنحرجه تساله وش يعني بالعكس"
نايف:تدرين يوم كنا بتركيا انا كنت احارب على مشروع دائما يجيني الرفض فيه,لكن بعد جيتك انت وبدر بيوم واحد وافقوا عليه
فاتن وانحرجت اكثر وتبي تصرف:كأنه حر
نايف:لأ مو حر بس انحراجك هو اللي مخليك تحترين
بلعت ريقها فاتن :..
نايف قال بهدوء:فديته
فاتن ناضرت حولها:من هو؟
نايف:الحَمَار اللي انكسى به وجهك
"فاتن تقول بنفسها الله يلعن ابليسك خلاص"
نايف وهو يناضرها بإعجاب:اقول "وفكر ثواني وقال"اميرتي
ناضرت فاتن الارض: ...
نايف:ماودك تقربين اكثر ,ترى مااراح اكلك
فاتن:ااا لأ انا مرتاحه هنا
نايف:تدرين قالوا لي عنك اشياء كثير بس..نسوا اهم شي
"ظبطت فاتن جلستها وهي تتعبث بجوالها من الاحراج "
نايف:ماقالوا لي انك خجوله
"فاتن بداخلها تقول..والله من يفقع وجهك"
نايف: هههه
فاتن وتحس بمغص جاها : وشو؟؟
نايف: من جد من جد حمرتي وبقوه بعد.
فاتن وتعظ شفتها وتناجي عربجتها:وبعدين يعني
نايف: وش هو اللي بعدين؟؟
فاتن:يعني خلاص يعني عيب
نايف وبصوته الهادي: ووين العيب
فاتن وهي تدور بقاموس عربجتها: الكلام المحرج هذا ترا ماله داعي
نايف: الكلام المحرج!! بس انا ماقلت احبك او قربت لك او أي شي
فاتن:....
نايف:....
"ناظرته فاتن الا وتشوفه يناظر لها بطريقه خلت قلبها يضرب بقوه"
نايف: من اليوم ماراح اناديك الا اميرتي ممكن؟
"فاتن وشوي وتصيح"
نايف: انا يوم شفتك تتعاملين مع بدر بطريقتك ..قلت انك قويه حتى على مشاعرك..لكن اليوم انا عرفت عنك شي اتحدى ان احد قبلي عرفه
"فاتن تسمعه وهي كارهه الوضع وتهز برجلها من التوتر"
نايف: اكتشفت ان اميرتي تخفي بتصرفاتها القويه خجلها ورقة مشاعرها
فاتن وهي توقف: انا بطلع
نايف بإبتسامته الهاديه:وين,جا الوالد
فاتن:ااا ايه اممم بروح اا اكيد هو عند الباب
نايف: خلاص انا بكلم مصطفى يوصلك له
فاتن: لا لا مايحتاج ,انا ادل الطريق زين سلام
" طلعت فاتن لاستراحة الحريم وهي ترجف ,,ماكانت تدري انها ممكن بيوم تستحي لهالدرجه,,ولاتوقعت انها يوم بتكون مظطره تسمع لكلام حلو وترد عليه..ولا كانت تدري بانها لا خجلت يحمر وجهها بشكل ملحوظ لهالدرجه..
دقت على ابوها وقالت له انها بالاستراحه تنتظره ...ومع انه طول عليها ولكن شافت ان الانتظار افضل من سماع ذاك الكلام من نايف.
::::::::::::::::::::::
جده
سميره:ايوا ياخلود.. ماقُلتي لي كم ناويه تجلسي عندي
خلود:الله واعلم بس ان شاء الله مو كتير
سميره:طيب وايش عندوا زوجك مسافر؟
خلود:مااعرف
سميره:ايش هو اللي ماتعرفي؟زوجك ولا قال لك معقوله!!!
خلود:لأ ماقال لي
سميره:طيب واختك ماحتروحي تزوريها وله ايه ؟
خلود:الا طبعا,بس لأنو زوجها كان مسافر ورجع امس ماحبيت اضايقهم وهو تعبان وراجع من السفر
سميره:ايوا يعني عندك احساس ها
خلود:......
سميره: طيب بدل ماانتي قاعده خدي العيال ذاكري لهم
خلود بتواضع: طيب
سميره وبتمادي :ايش طيب يله دحين ذاكري لهم
خلود وهي قايمه:طيب..يله حبايبي نذاكر
"تعودت خلود على سماع "طيب" وتعودت على الاستغلال,,وتعودت على ضعف شخصية خلود وانتهازها "
::::::::::::::::
وقت العشاء
بيت اهل فاتن
فاتن بضييق على حال بدر:يمه يله قومي تعشي
امها:لا مالي نفس
ابوها:قومي يابنت الحلال ولدك ان شاء الله بيطلع بكره
فاتن:جد يبه
ابوها:ان شاء الله جبنا راعين المحلات والكل شهد ان سيارة بدر انسرقت
فاتن:الحمدلله يارب,يله يمه عاد وش احلى من هالبشاره
امها:انا مابرتاح الا لاشفت ولدي قدام عيني,لو سمحتم خلوني بحالي
ابوها:لاحول ولاقوة الا بالله ,ارفعي الاكل يافاتن مااحد له نفس ياكل
فاتن:لاحول ولاقوه الا بالله..طيب
وبعدها دخلت فاتن غرفتها ودخلت المسن وتلاقي داليا بنك..
عاليه وانا بنت ابوي وطول عمري غاليه: مرحبا فتون
كل يوم بحال يادنيا:اهلين
عاليه وانا بنت ابوي وطول عمري غاليه: قولي لي كيف نايف؟
كل يوم بحال يادنيا: لاماعليه سليم ولسانه جريئ ويخوف بعد
عاليه وانا بنت ابوي وطول عمري غاليه: هههههه اجل مثير للإهتمام
كل يوم بحال يادنيا: يمه ياداليا لأول مره بحياتي انحرج بهالطريقه,,من جد ماهو بصاحي
عاليه وانا بنت ابوي وطول عمري غاليه: ههههههه اما استحيتي يالعربج!!!
كل يوم بحال يادنيا: والله انا استغربت من نفسي اكثر منك
عاليه وانا بنت ابوي وطول عمري غاليه: ههه يعني بدا القلب يدق
كل يوم بحال يادنيا :ههه لاياشيخه فلم هندي هو شفته امس وحبيته اليوم وبكرا بيموت
عاليه وانا بنت ابوي وطول عمري غاليه: اعوذ بالله منك ومن لسانك
كل يوم بحال يادنيا: شب بس ,وقولي لي ماعرفتي اخبار عن د/احمد؟
عاليه وانا بنت ابوي وطول عمري غاليه: ابشرك رجع يافتون بطير من الفرحه
كل يوم بحال يادنيا: لا اجل الف مبروك
عاليه وانا بنت ابوي وطول عمري غاليه: اه مر علي وسلم وناويه بكره اسير عليه بمكتبه
كل يوم بحال يادنيا: ههه وش ذا يااللزقه !! اثقلي شوي
عاليه وانا بنت ابوي وطول عمري غاليه: ههه حرام عليك والله اني نسمه
كل يوم بحال يادنيا:ههههه ياحبك لمدح نفسك
عاليه وانا بنت ابوي وطول عمري غاليه:بشري وش صار على بدر؟
كل يوم بحال يادنيا:لا الحمد لله بكره راح يطلع
عاليه وانا بنت ابوي وطول عمري غاليه:قولك من اللي سوى هالشي
كل يوم بحال يادنيا:الله واعلم ,بس نايف عموما رجل ناجح وممكن له اعداء
عاليه وانا بنت ابوي وطول عمري غاليه:الله يستر بس
كل يوم بحال يادنيا:أي والله
عاليه وانا بنت ابوي وطول عمري غاليه:يله انا بنام اخاف تطلع لي هالات سودا وانا بكرا عندي دوام ولقاء خخخ
كل يوم بحال يادنيا:هع حلوه لقاء يله احطي
عاليه وانا بنت ابوي وطول عمري غاليه:ههاي باي
:::::::::::::::
اما ببيت فوزيه
فوزيه:تؤتؤ
زوجها ماجد: سلام زوزو وش فيك؟
فوزيه وهي تروح وتجي: ماجد بشر سددت جوالي؟
ماجد:وانا اقول في شي قلتي لي عليه ولاقدرت اذكره,نسيت ياقلبي
فوزيه وانقلب وجهها وهي تكلم نفسها:يالله كيف اعرف وش صار مع سارونه وخالها
ماجد:وش تقولين
فوزيه:ها لا مااقول شي
ماجد:اذا تبين تكلمين خذي جوالي وانا اللحين بسدد لك اياه
فوزيه:لا خلاص بس سدد جوالي اهم شي
ماجد:ههه يله اللحين
فوزيه:اقول ماجد
ماجد:هلا
فوزيه:وين كنت؟
ماجد:وديت اغراض لأمي
فوزيه:اها..وطيب وشهي الأغراض؟
ماجد:طلبت خضره وشوية اغراض
فوزيه:اها,اكيد في احد بيروح لها,غريبه مادقت علي
ماجد:زوزو خلك من امي
فوزيه وهي تمسك تلفون البيت وتدق:طيب بس بكلمها اسلم عليها
ماجد:من هي؟؟
فوزيه:امك
ماجد وهو يروح للغرفه :هههه لاحول ولاقوه الا بالله
فوزيه :الو خاله وشلونك؟؟
::::::::::::
اما بالمستشفى
د/احمد: ايوا تفضل
داليا:مرحبا
د/احمد وهو مندمج بكتابه: اهلا أي خدمه
داليا ومنقهره لأنه ماعرف صوتها: تفضل
د/احمد يرفع عينه : !!! دينا
داليا بإبتسامتها: حبيت اقدم لك القهوه اليوم
جينا السستر:خلاص دكتور شرب كفي
د/احمد: لاعادي ماهي مشكله مشكوره
داليا:دكتور
د/احمد:نعم
داليا وهي تطلع :انا داليا مو دينا
ابتسم د/احمد وشرب قهوتها اللي لها مذاق خاص
::::::::::::::::::::::::::::::
رساله لجوال فاتن
المرسل..اصوله
(يابنيتي اليوم تعبت فجأه واحس اني مااني بخير ودي تزوريني,وتطمني محمد اخذ زوجته بالصباح وسافروا مااحد بالبيت الا انا والخدامه)
كانت فاتن لابسه عباتها وبتروح مع ابوها زيارة نايف لكن يوم قرت هالرساله خافت على اصاله وحست ان قلبها قبض ..وبنفس الوقت ماراح تقدر تقول لأبوها انها بتروح عند اصاله لانه ماراح يوافق
ففكرت شوي تم راحت لابوها"
فاتن:يبه,انا ماراح ازور نايف اليوم
ابوها:افا ليه
فاتن وهي ترتجل:توه جاني مسج ام وحده من البنات تعبانه مره وووممكن انها تودع لازم ابديها وازورها
ابوها:لاحول ولاقوة الا بالله, والله عيب
فاتن:طيب وش اسوي ودي اروح لنايف ,بس البنت مسكينه مااحد عندها حتى يواسها
ابوها:طيب يله اخذك بطريقي
فاتن:لا اا داليا بتمر علي,لانها هي بعد بتروح
ابوها:راحتك ,بس دقي على رجلك واعتذري له
فاتن: اممم اوكي
::::::::::::::::
اما بالتوقيف
"بدر مقهور وهو يروح يمين وشمال ويحاول يفكر ويكتشف من اللي سوا فيه كذا..
من اللي له مصلحه يأذيه؟؟
واكيد دامه اخذ سيارته بالتحديد عشان يصدم نايف بالتحديد ..هو شخص يعرفه زين,ويعرف نايف ..ويبي يورطه ويأذيه..
محمد محمد محمد
مااحد غيره اللي يجي براس بدر,,مع ذلك يحاول يلاقي احد غيره..ويحاول يشوف أي شخص ثاني ممكن يستفيد بأذيته هو ونايف..
ولكن مايلقى أي شخص ثاني"
الشرطي: بدر
بدر:هلا
الشرطي: تعال معي
"طلع بدر معه وهو يحس بضيق من كثر الظغط اللي حس به ,ولا ارتاح لين شاف ابوه"
ابوه:هلا بولدي
بدر وهو يحب راس ابوه: هلا يبه
ابوه:يله الحمد لله هانت
بدر:وش صار معكم؟
ابوه: اللحين ياخذون اقوال الشهود وان شاء الله الليله بتطلع
بدر:الله يجزاك خير على هالخبر,والله ان الجلسه هنا تتعب الاعصاب
ابوه: الحمد لله انها جات على كذا .
::::::::::::
وبالسياره
داليا: زين انك دقيتي وله كنت ناويه اروح وانــــــــــــــام
فاتن:اشوه اني لحقتك,وله كان ماقدرت اروح لها ,تدرين ابوي مانعني اروح لاصاله بالمره
داليا:طيب هي وشفيها ماقالت لك؟؟
فاتن:ماادري بس شكله ضغطها,والمصيبه انه محمد وسمر سافروا قبل لاتطيح عليهم
داليا:ياالله,طيب من اسعفها؟؟
فاتن:اكيد خدامتها سنتيا,مافيه غيرها
داليا:اشوه إن عندها احد المسكينه ,بس ترى انا ماراح انزل ,انتضرك بالسياره, تراني تعبااانه وابي انام
فاتن:اوكي ,ماعليه ادري مدوختك معي بس وش اسوي .
داليا:عاتي يابنت الناس وبعدين اهدي ان شاء الله مافيها الا العافيه
فاتن:ياربي الله يعلم اني احبها واغليها كثير,وهي بكوم وبدر حبيبي اللي الله العالم فيه
داليا:لاتخافين ,ان شاء الله اصاله مافيها الا العافيه,وبدر على قولتك طالع الليله
فاتن: ان شاء الله , خلني بدق اعتذر لنايف
داليا:ايه دقي وحطي سبيكر,عشان اتعلم واستفيد
فاتن: ههععع تبين تتعلمين مني انا .. اقول اهجدي بس .
داليا:ههههههههه يامامي منك
فاتن:الو
نايف: هلا بأميرتي
فاتن:سلام
نايف:وعليك السلام والرحمه ,وينك مو كأنك تأخرتي؟
فاتن:اا صراحه ماراح اقدر اجي اليوم
نايف : انتي بخير؟؟
فاتن: ايه لا انا بخير الحمد لله.
نايف: خلاص اجل راحتك
فاتن بإحراج:مو عشان شي بس صديقتي بمستشفى ثانيه مسويه عمليه وبروح ازورها
نايف بهدوءه:انا ماسئلتك,وعادي مايحتاج تبررين
فاتن ومتعجبه من تفهمه :اوكي
نايف:مع السلامه
فاتن: اا..مع السلامه
داليا:ههههههههههههههه بغيتي تقولين له احط ههههههههههههههههاي
فاتن:بايخه
داليا:ههه وش قال لك
فاتن:عادي عنده,تصدقين شخصيته غريبه هالادمي
داليا:ليه وش قال؟
فاتن:قال عادي
داليا بإستهبال:شايله هم انه زعل
فاتن:ياسخفك ياداليا
داليا:ههههه عاتي حنا صقيقات قولي لي لاتستحين
فاتن:اقول الحمد لله اني وصلت بأنفك من وجهك
داليا:ههههاي,انا بنام لين تجين لاتتاخرين
فاتن: اوكي
:::::::::::::::::::::::::
مكالمه من
نسرين:هاي ووينك؟
خلود:انا بجده ياقلبي سوري مامداني اسلم عليك
نسرين:عن جد؟؟
خلود:حبيبتي من جد سوري بس تعرفي عندي واحد مجنون
نسرين:تأبريني ياالبي انتي
خلود:تسلمين لي حبيبتي
نسرين:دخلك,من هني الرجال اللي عند جوزك اليوم ازعاج منو طبيعي
خلود:ليه هوا جارح بالبيت ماسافر؟؟
نسرين:لأ شو سافر
خلود:والله مااني عارفه للرجال دا ,وكدا وله كدا خلاص ماعاد تفرق
نسرين:شو هوي اللي مابتفرق تئبريني هيدا جوزك
خلود:لكن مايبغاني ولا يبغى حياتنا تستمر ,ايش ابغى فيه
نسرين:شو يعني؟
خلود:يعني خلاص ماراح ارجع لوا ,واللي شفتوا من العيشه معاه يكفيني وزياده
نسرين:عن جد عم تحكي
خلود:انا ماصدقت انها تجي منوا ويقول لي سافري
نسرين:.....
خلود:واحد مايبغاني ولايحبني ولاناوي يجيب مني طفل ولا حتى معطيني حقوقي ايش ابغى فيه وله هوا اصلا ايش يبغى فيني؟؟
"قطع كلامها سميره اللي كانت تسمع للمحادثه وهي تقول:نعم ياقلبي ايش انتي ناويه تعيشي عندي !!
خلود:نسرين حبيبتي اكلمك بعدين
نسرين:خلاص راح انطرك
خلود:اوكي باي
:::::::::::::::::::
نرجع لفاتن يوم دقت جرس بيت
اصاله
فتحت لها الخدامه,ودخلت فاتن..
واول مادخلت حست براحه,,حست ان هذا هو بيتها وانها مفروض عائشه هنا مع حبيب قلبها محمد
سنتيا:يله مدام فاتن ماما اصاله تستنى انتي
فاتن وهي تناظر لتفاصيل البيت: ...
سنتيا: مدام فاتن
فاتن: يله طالعه لها
سنتيا: تبغى شاي او قهوه؟
فاتن:لا ماراح اتأخر بس بشوفها واطلع
سنتيا:اوكي
وطلعت فاتن لغرفة اصاله وشافتها متغطيه حتى مو قادره تجلس تستظيفها .. قربت لها ورفعت عنها اللحاف وتشوف المخدات بمكانها ..وماسمعت غير صوت تقفيلة الباب ...
ويوم تلتفت ..
شافت محمد يقفل الباب وحط المفتاح بجيبه.
انصدمت فاتن ورجعت على ورا وفتحت عينها: محمد!!!
محمد وكله هيام بفاتن:اشتقت لشوفتك
فاتن استوعبت ورمت الطرحه على وجهها ..قرب منها محمد وسحب طرحتها ورماها بالارض وقال:تأخرتي وشوقي زاد لك
فاتن وهي ترجع بخطواتها وعينها عليه متأهبه: محمد انا اللحين على ذمة رجال غيرك
محمد عصب:انتي للحين بنضري زوجتي
فاتن وهي تحس الدنيا تدور بها:محمد الله يخليك لاتأذيني انا عمري ما اذيتك وخر عني خلني انزل
محمد:صدقيني حتى لو ابي مااقدر اخليك,فتونه انا اشتقت لكل شي فيك..
عيونك..جنونك,,نضرتك"وقرب منها" حتى ريحتك اشتقت لها
فاتن قامت تصرخ:اصاله اصاله
محمد:هههه امي وسمر خليتهم يسافرون واخذت جوال امي من شنطتها من غير لاتدري عشان ارسل لك ,شفتي قد ايش مخليتني مبدع
فاتن بترجي:محمد الله يخليك خلني امشي
محمد وحاصر فاتن بالجدار وصارت مقابله له تماما غمض عينه وشم انفاسها وقال:خليتيني بنَضَر العالم مني رجال ,سمحتي لأخوك يفرقنا ورضيتي بإهانتي ومع ذلك "مسك بيدينه كتوفها وقال" احبك وابيك لي
فاتن وهي تصيح وتحاول تبعده: محمد ابعد وافهمك اللي صار الله يخليك محمد لاتأذيني
محمد:وشلون قبل لا اخذ بحقي ها
فاتن حست انها فقدت الامل فيه وحاولت تجاريه:اوكي
محمد وهو يحاول يركز:اوكي؟ّ!!
فاتن:ايه لكن خلنا نتفاهم بالاول واوعدك بيصير اللي تبيه
محمد:ههه لعبتي علي كثير وهالمره ماراح اصدقك
فاتن:محمد حبيبي الله يخليك خلنا نتفاهم
محمد:...
فاتن: بليز نتفاهم
محمد:حبيبك؟؟
فاتن وهي تحس بصعوبة الحروف اللي تنطقها:ايه حبيبي وقلبي ويشهد الله اني ماحبيت احد مثل ماحبيتك
محمد قرب منها وكان بيحبها لكن مدت يدها ومنعته وقالت :مو بالحرام
محمد:فاتن انا احبك
فاتن:وانا بعد بس ,مو كذا الحب هذه خيانه يامحمد
محمد وهو يصرخ بوجهها: الخيانه انك تزوجتي غيري وماراح اخلي احد يمسك قبلي,ولا له احد حق فيك مثلي
فاتن وتحس انها ماهي قادره توقف ولكن تعصر عقلها ودها تقنعه قبل لايضيعها:انا تزوجت عشان ارجع لك
محمد: لاتكذبين
فاتن:محمد انت تزوجت لأنك تبي تغيضني,بس انا تزوجت غصب عني
محمد وهو يداعب بإيدينه وجهها:من قال لك اني تزوجت عشان اغيضك,لأ
فاتن:....
محمد وبدت ملامح الحزن بوجهه:انا تزوجت عشان اتخيلها انتي
كنت اخليها تحط عطرك,وتلبس الوانك اللي تحبينها ,حتى شعرها كنت ابيه يكون مثلك,لكن عمري ماحبيتها ولا حسيت انها انتي
فاتن وهي تصيح:خلاص يامحمد تكفه لاتعذبني
محمد:فاتن انا احبك,ليه تصيحين انا مااقدر اضرك والله مااقدر اضرك
فاتن وهي منهاره:وانا مااقدر اعيش بدونك,بس مو بهالطريقه
وخر عنها محمد خطوات وجرت للباب تحاول تفتحه بس لقته مقفل وقالت:محمد الله يخليك افتح الباب
محمد وهو يجلس على اقرب كرسي:مو قبل لانتفاهم
فاتن:على ايش؟
محمد:انتي قاعده تلعبين علي ولاتبين ترجعين لي صح؟
فاتن:انا قلت لك قلبي معك وحبي لك,لكن نايف لازم منه بحياتي
محمد:الى متى؟
فاتن:باقرب وقت راح ارجع لك
محمد وبعيون مصره:انتي لو مارجعتي لي راح اقتل نايف انا مجنون واسويها
فاتن بخوف:لا يامحمد انت اعقل من انك تنهي حياتك وحياتي بعدك
قرب لها محمد وهو يدور الصدق بملامحها:جد تحبيني
فاتن: مثل ماانت تحبني ,بس انت عارف موقفي من الخيانه انا مااقدر اخون ,محمد اذا تحبني جد افتح لي الباب وخلني اروح وانا اوعدك انفذ كل اللي وعدتك فيه
قرب محمد منها اكثر وضمها حس بخوفها وانفاسها السريعه وصوت بكاها اللي خلاه يفتح لها الباب وتروح وتجري من قدام عينه
"كانت فاتن تحس بثقل خطواتها وتحس ان انفاسها راح تخونها وتوقف ماصدقت تشوف السياره وتركبها ,فزت داليا من صوت بكاها وقامت وهي تقول": وشي ماتت؟؟
فاتن بتلعثم:امشي يا كومار بسرعه امشي
داليا بخوف:فتون وش فيك؟؟وش اللي صار؟
فاتن وهي تشهق بين كلماتها:محمد محمد
داليا:محمد!!
فاتن:داليا وين شنطتي شنطتي
داليا:كانت معك يوم نزلتي
فاتن:ياالله شكلها عنده,أي اكيد طاحت مني
داليا:فتون اهدي شوي وفهميني
فاتن:جوالي بالشنطه اخاف يرد على نايف لادق
داليا:يالله,اكيد ماراح يسويها ,لاتقلقين..بس انتي فهميني وش صار؟؟
:::::::::::::::::
نرجع لجده
عند خلود وسميره تحديداً
سميره وبصوت عالي:اسمعي اذا حتجلسي على قلبي يوم اسبوع بالكتير ماشي,لكن انا مستحيل اسمح لك تعيشي عندي اكتر من كدا فاهمه؟
خلود وبإنكسار: اذا ماتبغيني اجلس ببيت اخويا فين ممكن اعيش؟
سميره:في أي داهيه مايهمني اهم شي ماتقعدي في خلقتي وتقرفيني
خلود:لو عندي مكان تاني كان رحتوا
سميره:عندك بيت اختك
خلود: مو معقوله بيت اخويا فيه واروح اسكن ببيت زوج اختي
سميره:قلت لك انا مايهمني
"وبدخول خميس من بره"
خميس:خير ايش بكم اصواتكم واصله برا؟؟
سميره:ولاحاجه حبيبي بس خلود الله يهديها معصبه وتقول ماتبغى ترجع لزوجها وانا احاول افهمها ان الحرمه مالها غير زوجها وبيتها
خميس:ايش!! وليه ان شاء الله ماحترجعي لزوجك؟؟
خلود:في اشياء كتير صايره وكنت حجلس معاك على رواق واقولك عليها
سميره:حبيبتي خلود زوجك انسان طيب وكريم ومافي رجال كامل كل شخص فيه عيب ماهي مشكله
خميس وهو رايح غرفته:اسمعي كلام سميره وبلا كلام فاضي وبلا قلة حيى
خلود بقهر:سميره انتي ماانتي عارفه الرجال دا قد ايش يهينني,ومايبغاني
سميره بعد ماراح خميس قربت لخلود وقالت :انا حخلي ايامك اسود اذا عشتي عندي فاهمه
"وطلعت من عندها"
::::::::::::::::::::
بالرياض
اتصال بين
سمر:حبيبي انت للآن مالحقتنا,مو قلت بتجي بطيارة الليل؟؟
محمد بضيق:ايه لكن صارت مشاكل اكبر بالشغل ولاراح اقدر اجي
سمر بقهر:اجل ليه الحييت علينا نسافر دامك ماانت متأكد من وضعك
محمد:خلاص اللي صار صار ,غيروا لكم جو يومين وارجعوا
سمربدلع:حبيبي ماابي لازم تجي
اصاله :هاتيه انا بكلمه
- محمد من جدك؟
محمد:يمه ماراح اقدر
اصاله:وش فيك حبيبي؟؟ وش فيه صوتك
محمد وهو يحس بشوقه لفاتن بيخنقه:يمه بسألك
اصاله:امر
محمد:يمه ..ااا .. وله اقول ,خلاص ماله داعي
اصاله:قل وش فيك؟
محمد:لا ولا شي يله تامرين على شي
اصاله:خذ زوجتك تبيك
محمد:لا يمه ماابي اكلمها سلام
"وقفل واغلق جواله وقعد يفكر بلحظاته القليله مع فاتن ..وان هالدقائق كانت عنده اهم من كل الوقت اللي عاشه مع سمر..
كان يغمض عينه ويحاول يتذكر
تفاصيلها ..
عيونها ..
ريحتها انفاسها خوفها..
كل شي فيه كان ينبض لها هي مو لأي احد غيرها...
وقعد يفكر ..
هل يطلق سمر..او يخليها تربي اللي ببطنها..
يخليها على ذمته ..او يطلقها ويِثبت لفاتن صِدقه..
واذا بيطلقها فمتى متى متى...
ووشهو الوقت المناسب اللي بيطلقها فيه..كان بيسئل امه هالتسائولات اللي ملت راسه بس.. ماحب يضايقها...
::::::::::::::::::::
اما فاتن
اول مادخلت لبيتهم شافت بدر, واول ماشافته نست كل اللي صار لها و جرت عليه وضمته,حست به الامان..حست به الظهر,حست به الانسان اللي يحميها ووجوده يحسسها بالراحه والطمأنينه.
بدر وهو تعبان: هه خلاص يابنت وخري تراك خانقتني
فاتن: وحشتني يالدب حمد الله على السلامه
بدر:الله يسلمك يارب
امهم: وخري عن الولد شوفي وجهه صاير مثل الفسدق
"ابتسمت فاتن ووخرت عنه,وهي تشوف ملامح التعب اللي على وجهه"
بدر وهو يشوف نفس الملامح على وجهها: وشفيك فتونه؟؟
فاتن: ابد ااا بس توني راجعه من عند ام صديقتي مره تعبانه
بدر:والله اني تعبان انا بعد حتى مافيني اخذ دش,بأدخل انام,يله تصبحون على خير
امه:ادخل ياقلبي وانت من اهله.
اما فاتن شافت بدر وهو يروح عن نظرها وبعدها دخلت غرفتها هي بعد وبدت بالتفكير وللآن محتاراه ولاتدري وش الحل..
اخليكم مع تفكيرها..
اه ياربي ماادري وش اسوي.. ما ادري ان كان الحل اني اقول لبدر..او اسكت..
اقول لبدر؟؟
لا لا يافاتن لا تسوينها..لو قلت لبدر على اللي صار راح يقتله ..
اكيد بيقتله..بدر نار وماعنده تفاهم,,حتى لو قلت لأبوي راح يقول لبدر..
طيب انا وش اسوي ؟؟
معقول ماعندي خيار الا اني انفذ اللي وعدت فيه محمد؟!
لكن وش يضمْنّي محمد؟؟
ممكن ينجن ويتصرف بتهور ويخرب كل شي ويرجع الموضوع اسوء مماهو عليه,,
يا الله انا احبه واموت عليه لكن و ش ذنب نايف؟؟
وش ذنبه؟؟
وانا لو مااذيت محمد هواللي بياذيني؟؟
انا لازم اخلِص لنايف لكن ياخوفي من جنون محمد,انا لازم افكر بحل
انا احب محمد لكن متزوجه من نايف..
اه ياربي ..
يافاتن قوي نفسك..قوي نفسك قوي نفسك
الصح صح والغلط غلط..
انا عمري ماخنت ولا راح اخون والصح حتى لو صعب لازم اسويه,,
"وبعد تفكير طويل قالت لنفسها "
خلاص مابقى غيرحل واحد ولازم اضغط على قلبي واجازف واسويه.
:::::::::::::::
- تتوقعون فاتن بتقدر تتصرف بهالمواقف؟؟
- هل ممكن جرءة داليا تخليها تفصح عن مشاعرها؟؟
- سميره واللي ممكن تسويه بخلود
البارت الجاي شاعري
كونوا بالقرب
دمتم كما تحبون
فتومه
