تكفون هاكم عمــــــري اليوم تكفون
السلام عليكم ورحمــــــــة الله وبركاته........
كل عـــــــــام وأنتم بخيــــــــر وعساكم من عواده$222
$222
ياللي دفنتوا جثته .. ليه تبكون؟
لولا الحياء .. لأقول : معكم خذوني
منه انحرمت وكنت أنا عنه مسجون
ما أذكر لمحته .. غير مره بعيوني
شفته .. وكانت فرحتي مالها لون
عجزت لأوصف .. من لمحته شجوني
ياليتني .. كنت الكفن يوم تمشون
أبقى معه بالقبــــر ثم تدفنونـــــــــي
أو ليتني .. من خلفكم كنت (مجنون)
أتبع خطاكم والعذر هو : جنونــــــي
أبكي وراكم .. وأدعي ان كان تدعون
ما يكفي انه عاش عمره بدونــــي؟؟
تكفون هاكم عمري اليوم تكفون
برخص حياتي دام خابــت ظنونـــــي
مافادني صبري !! ولا فادني عون
ولافادني دمع (ن) .. حرق لي جفوني
ياما بكيته والبكي يحرق عيون
ميت أو إنه حي .. دمعي بعيوني
العام / كان بفرحته .. يعزف لحون
واليوم / تحت الأرض .. ماهو بكوني
لكن أنا في فرحته .. كنت مدفون
فوق الثرى .. واليوم موته سجوني
(سميت قلبي عقب فرقاه ملعون)
هو والليالي .. عن هناااه امنعونــي
ياليتني .. ماعشت لحظه بهالكون
وياليت ربعي .. في سكات اذبحونــي
وياليتكم .. عن همي اليوم تدرون
منه انحرمت ومن عزاه .. احرموني
حتى بوفاته .. يوم أنا طحت مطعون
أخفيت طعناتـــي .. قبل يفضحونـــــي
بكيت !! لكن .. ماتظاهرت بالهون
أبكـــي وأقول : الموت سبة طعونـــي
وإن كان في حبي أنا .. ما تحسون
دلونــي لقبره .. ثم اتركوووووووني
منقـــــــــوله أتمنى تعجبكم........
أختكم //أصــــــــايل نجـــــــد$222
