للحصوول على عريس الغفله << هههههه
كيف تحصلين على عريس....؟؟ لاتفوتو الفرصة
الى كل بنوته ناشبه في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت
كيف تصطادين عريسك دون اللجوء للأساليب المعهودة والسقيمة. .؟؟
أهم نقطة
انشبي بالعجوز اللي حاطه عينك على ولدها
خليك مع أمك لاتروحين مع البنات وتستهبلين ماورى مااستهبلتي اصبري الى ان تتم العملية 2- امشي وانتي منزله راسك بين لاترفعينه حتى لو تنكسر رقبتك..!!
خلي الفكس دائما في متناول اليد ) علشان يقولون مؤدبة
3- كلمة خاله خليها على لسانك وخاصة لأم المتوهق .لامانع تنادين غيرها خاله علشان إذا مانجحت الخطه مع العجوزالاولى تنجح مع الثانيه
4- إذا بدت أمك تتكلم انغزيها بكوعك عشان تدخلك بالموضوع حتى لوك مالك داعي تطبيقا للمثل (كثر الطق يكسر الحديد)
أدري إن المثل ماله داعي بس مالقيت غيره 5- اخوانك الصغار طامري وراهم حتى لو مب عادتك !!
لأن هذا يوحي للعجوز بأنك حريصه على ذريتك (جعلهم عقبك )
6- اذا أكلت أمك أكل زين خليها تقول :نفس الأكل اللي تسويه بنتي
(حتى لو الاكل من المطعم الصيني )
7- اذا مديتي ايدك توجعي..؟؟
وخلي أمك تقول :قايلة لك لاتنظفين جدران الفله الخارجيه بس أنتي ذابحتك النظافه ايه طيب.!!.أجل بتنظفين جدران الفله؟؟
نظفي غرفتك أول اللي تقولين ثايره فيها قنبله ذريه؟؟؟؟
8- دايم ارتزي كأنك بالعة قصبه علشان ماينقص من طولك ولا سنتيمتر
للقصيرات فقط
9- اذا تكلموا الحريم عن الزواج اكتمي نفسك لين تحمر خدودك علشان يقولون البنت تستحي (بس لاتكتمين نفسك مرة أخاف تروحين فيها وأصير قتلت نفس بغير حق
10- شعرك افرديه لين يتحسحس لاتخلينه طاير وشوشه مهما كانت الموضه
لأن العجز مايدورون الا اللي شعرها ناعم.. واللي شوشتها طايره ماحد يلتفت لها
11- في العروس لاترقصين اقضبي ارضك واعتبري الرقص عيب وشق جيب
12- اذا جا طاري السوق خلي امك تقول بناتي مايطلعون للسوق أغراضهم أبوهم يجيبها (وانتي شكلك مقطعه السوق تقطيع
ممكن تكون ام المتوهق مخططه على بنت غيرك لكن بعد هالخطه ؟ بتغيررايها
الحين بتكون العجوز وقعت باالفخ
نرووووووووح لعريس احنا هالحين
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له
والله ودي تشوف البنت بدون ماتدري وانا عمك
وبعدين تشوفها على الطبيعه علشان ماتقول بعدين غشيتوني
وقبل يجي اليوم اللي بيشوفك فيه بحوالي اسبوع أو أكثر
ادهري من مشغل لمشغل (صبغه ،فرد،تنظيف بشره،...الخ)
ولما يجي المعرس خلي أخوك يوقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك يقول:العذر والسموحه وأنا عمك
ترى (البنت حوسه) مع انك طاقه كل زينك.!!
في هاللحظه الولد بينط على راس أبوك ويبوسه لين يشفط مخه وبيقول متى العرس ياعم؟؟؟؟؟؟؟؟؟؟؟
عاد الله يوفقك .. واياني واياك تعلمين العريس من اللي معلمك هالعلوم
** تحذير :
ادري انه صديقاتك بيلاحظون التغيرات المفاجئه ؟؟ واذا سألوك قولي لهم :انك عرفتي درب السنع
تدرين ليه؟؟
خوفا من سرقة الفكرة الادبية
هههههههههههههههههههههههههههههههههههههههههههههههههه ههههه
