رواية احبك حب يا مجنون كاملة بدون ردود 2015

بسم الله الرحمن الرحيم

رواية احبك حب يا مجنون كاملة بدون ردود 2015



للكاتبة / وجودك يعنيني



الجـــــــ(1)ـــــــــــزء الاول
يوم الاثنين كانت جالسه بغرفتها وتسولف مع بنات عمانها وصديقاتها بالجوال ودق باب الغرفه
وجود: ادخل يافيصل
دخل فيصل وعلى وجهه علامه استفهام
فيصل: السلام عليكم
وجود: وعليكم السلام ،،،،،
فيصل: شخبارك؟؟؟؟
رفعت وجود راسها وردت: بخير اخبارك انت؟؟
فيصل:ماشي حالي بغيت اسألك وشلون عرفتي اني انا اللي عند الباب
ضحكت وجود:ههههههه وقالت تعال ليش واقف عند الباب
دخل فيصل وهو يقول :مارديتي على سؤالي؟؟
وجود : اذا ما عرفتك ياقلبي بعرف مين وبعدين وش فيك متضايق؟؟؟
ابتسم فيصل وقال: مافيني شي،،،،،،،،
وجود: هذا الكلام قوله لغيري مولي يافيصل
فيصل:مدري كذا فجاءه حسيت بضيقه
وجود: تخسي الضيفه تبي تضحك؟؟؟؟،،،،،،،
فيصل :لامالي خلق
وجود:ماهو على كيفك بتضحك غصب عنك
وقطع حديثهم صوت دانه وهي تصوت :وجود وجود
طلعت وجود من الغرفه :هلا دانه بغيتي شي ؟؟
دانه وهي تاخذ نفس: ايه جدي ناصر يبينا تحت وحتى فيصل معك
وجود: وش يبي غريبه؟؟!! ،،،،،
دانه: مدري علمي علمك بس بسرعه انزلي لاتتاخرين
بدلت وجود ونزلت هي وفيصل لقت الكل مجتمعين ابوي,جدي,ساره,مها,دانه,بدر,عبد الرحمن,ريتاج
سلمت ودخلت ناداها جدها: وجود ,,,,,
وجود: لبيه
جدي ناصر:تعالي عندي هنا وكان يأشر للمكان اللي بينه وبين ابوي جلست وجود
في المكان اللي قال لها جدها والكل كان متوتر من الاجتماع المفاجىء الا وجود وحبت تخفف التوتر شوي وقالت:من زمان ماجلسنا وسولفنا مو؟؟ محد رد عليها
قالت وجود:وش فيكم ميت لكم أحد؟؟
بدر: وجود ليه ماتسكتين عطته وجود نظره وجت بتكلم جدها الا جوالها يرن شافت الرقم وتذكرت انها سحبت على البنات وسكرت بوجه المتصل
جدي ناصر: من اللي متصل عليك؟؟
وجود: محد انا مشغله ،،،،،،،،،،،،،
،جدي ناصر: ايه وسكت شوي بعدين قال بكره بجيب عمكم يعيش معنا
الكل على راسه الف استفهام الا ابوي
فسئل عبد الرحمن: أي واحد من اعمامي؟؟؟
جدي ناصر: فيصل ،،،،،،،،،،،،،،،،،،
وجود:جدي منهو فيصل ماقد سمعت ان عندي عم اسمه فيصل؟؟؟
جدي ناصر:انا كنت متزوج من 24 سنه وجبت ولد الكل سكت من هول الصدمه
تكلمت وجود:هو وينه اللحين؟؟،،،،،،،،،،،،،،
استغرب ابوي سؤالي وجاوب:في بيته
وجود:وليش ماجاء؟؟؟ الكل كان مستغرب من تصرف وجود ليش تسأل هالاسئله
جدي ناصر:هو تعبان امه توها متوفيه من اسبوع
وجود: عظم الله اجرك وكملت متى بتجيبه؟؟؟
جدي ناصر:بكره ان شاء الله بروح انا وابوك
وجود: ابروح معكم
بدر: وجود عن الكلام اللي ماله داعي تروحين لرجال ماتعرفينه؟؟
وجود عطته طاف وقالت: يبه جدي بروح معكم ممكن؟؟؟
ابوي مصدووم :من جدك وجود؟؟؟
وجود: ايه بروح اشوف عمي فيها شي؟؟؟
جدي ناصر:لامافيها شي وكلم ابوي محد من اخوانك بيروح معنا؟؟
ابوي:لا
جدي ناصر: خلاص بكره ان شاء الله نروح
الكل طلع من الصاله ماعاد وجود وفيصل وابوي وجدي شافت وجود ان الجو مكهرب شوي وقالت :جدي انت شفت عمي؟؟؟
جدي ناصر: ايه
نقزت وجود قدام جدها وقالت:طيب هوشلون شكله حلو ولا شين يشبهك ولا لا؟؟؟
جدي ناصر:طق وجود بخفيف على راسها اكيد بيطلع يشبهني اجل بيشبه مين؟؟
ضحكت وجود وقالت: اموت ياثقه الا هو كم عمره؟؟؟
جدي ناصر: 18 سنه
وجود:يعني اصغر مني
ابوي:ايه
وجود: اجل اخليكم بروح فوق بس قبل منى بتروحون بكره؟؟؟عشان اجهز
جدي ناصر: انتي من صدقك؟؟
وجود: ايه بروح اشوف عمي
ابوي: العصر الساعه 4 خلك جاهزه
وجود :اوك سي يو
وقفه بسيطه اعرفكم بالشخصيات:
الجد ناصر:انسان هادي وعصبي بنفس الوقت عايش معنا بالبيت والبيت بدونه ماله داعي عنده 6 عيال عبد الله،سليمان ،سالم، محمد،سلمان ،فيصل وبنت وحده ريناد بس متوفيه
عمي عبد الله : اكبر عمامي عصبي جدا مايحب احد يعانده (ابو ناصر)>>>ماراح اتكلم كثير بتعرفون شخصيته بالاحداث
زوجته نهلهhttp://www.rewity.com/forum/images/smilies/frown.gifأم ناصر) انسانه طيوبه عسل بس فيها شويه عصبيه
عياله: ناصر27 سنه متخرج تخصص اداره اعمال يشتغل مع ابوه بالشركه
ندى 24 سنه مخلصه جامعه تشتغل بالبنك ،،،نوف 23سنه تخصص اداره اعمال
فهد20 سنه انسان هادي وبنفس الوقت مرجوج جسمه حلو ورياضي حنطي خشمه سيف شعره ناعم فيه غموض وعند كل شي الا دلال ومهند وتخصصه فيزياء ،
،دلال 19سنه انسانه طيبه حبوبه يس موسهله حنطيه جسمها حلو وطولها حلو مجنونه تحب تغامر لكن بحدود و تخصصها لغات وترجمه
،،سعود18 سنه اخر سنه ثانوي
سليمان :انسان هادي يحب يناقش أي شي بس فيه عصبيه مايحب يتعامل مع عياله بصراخ واذا عصب محد يكلمه محد يعرف يقنعه الا وجود(ابو بدر او عبد الرحمن)
فاطمهhttp://www.rewity.com/forum/images/smilies/frown.gifأم بدر او عبدالرحمن) انسانه طيبه حبوبه هاديه
عياله :ساره25 سنه متخرجه بس ماتوظفت ارمله وعندها ولد اسمه فيصل عمره15 سنه اممم يشبه خالته وجود بالشكل وتقريبا نفس شخصيتها بس ان الفرق الوحيد بينهم ان عيون فيصل زرقا مثل جده سليمان وقريب حيل من خالته وجود
مها23سنه قصيره مملوحه فيها رجه بس موكثيروشعرها يوصل لكتفه تخصصها ادره اعمال
دانه20انسانه حبوبه مرحه بس خوافه حلوه وجمالها هندي شعرها طويل طول ظهرها طولها حلو وتخصصها اداره اعمال مثل اختها مها
وجود19 سنه هي بطله الروايه اول سنه جامعه تخصصها طب جسمها حلو مناسب مع طولها جمالها عربي وعيونها وساع وكل من شافها ضاع في عيونها وشعرها طويل يغطي ظهرها كامل تحب الفله والمغامرات والازعاج بصفه عامه مجنونه حنطيه وغامضه وتحب تعاند وجريئه
بدر وعبدالرحمن18 سنه توأم جسمهم رياضي سمارهم حلو عيونهم تجذبك ورموشهم كثيفه اخر سنه ثانوي بدر هو قريب حيل من وجود لكن له3 سنوات وهو يجرح في وجود بالرايحه والجايه بالكلام والكل ملاحظ التغير بس ماقالو شي وسبب تغير بدر على وجود بنعرفه الاجزاء الجايه
ريتاج 17 سنه هاديه قصيره شعرها لنص ظهرها ثاني ثانوي
عمي سالم :هوثالث عمامي انسان عصبي جدا مايحب ينافش في اي شي اللي يقوله يتنفذ وبدون أي نقاش ونفس شخصيه جدي(ابو خالد)
سميه: (أم خالد) انسانه طيوبه وهاديه جدا على عكس عمي اجتماعيه تحب تجلس مع البنات كثير
عياله:خالد22سنه يدرس بالجامعه تخصص قانون ،،،
مهند 20 سنه شخصيته مثل شخصيه فهد وفهد توامه الروحي مايفارقون بعض وتخصصه فيزيا مثل فهد ،،،،، عايشه 19 سنه تدرس بالجامعه تخصصها محاسبه
اسماء 17 سنه
عمي سلمان: رابع عمامي طيوب ومايحب يزعل احد يحب يتناقش مع عياله وتقريبا نفس شخصيه سليمان(ابو نواف)
منىhttp://www.rewity.com/forum/images/smilies/frown.gifأم نواف) انسانه متفهمه ربه بيت حلوه
عياله:نوره 23 سنه تخصص محاسبه مخطوبه لولد خالتها ،،نواف 22سنه شخصيته حلوه وشكله جذاب الكل خاق عليه وهو وخالد مع بعض دايما تحصصه طب
زياد20سنه انسان مرجوج مثل فهد ومهند هم الثلاثي المجنون بس زياد غامض بس هم الثلاثه مايفترقون وتخصصه تحليل جنائي
اهات وملاك 19 سنه شخصياتهم هاديه بس فيهم حاله هبال تخصص اهات كيمياء حيويه وملاك محاسبه
عمي محمد:خامس عمامي انسان فلاوي لابعد درجه دايم مع الشباب يحب يعاند شخصيته حلوه هادي ومحد يعرف ينرفزه الا وجود وهي اقرب وحده له (ابو سلطان)
نوره: (أم سلطان) انسانه طيبه جامعيه تنحب بسرعه ودايم مع البنات وتستر عليهم جنونهم
عياله:سمر20 سنه انسانه حلوه طيوبه فيها من جنون وجود ودلال بس اعقل منهم شوي تخصص اداره اعمال
هيام وسلطان 19 سنه شخصيتهم حلوه فيهم من الهبال بس شويه تخصص هيام محاسبه وسلطان اداره اعمال،، سليمان18 سنه اخر سنه ثانوي
اخيرا عمي فيصل 18 سنه بتعرفونه في الاجزاء الجايه
نرجع لروايه:
طلعت وجود للحوش عشان تكلم دقت
دلال:هلا والله
وجود:هلا فيك سوري ياقلبي قفلت بوجهك كنت جالسه مع اهلي
دلال: لاعادي حبي بس كنت بشوف ليش سحبتي علينا
وجود: لاحبي كنت وسكتت
في بيت عمي عبدالله(ابوناصر)
كانوا ندى ودلال وفهد ونوف جالسين بالصاله يتابعون فلم رعب ومطفين النور وكانوا جالسين قدام التلفزيون فجأه دخل عمي عبدالله وهو معصب
عمي عبدالله: انتم مجانين؟؟؟ تخرعوا العيال ونقزوا وكمل عمي احد يجلس بالظلمه كذا كنكم سكن
نوف: يبه احنا
عمي عبدالله:ماشاء الله اكبرهم ومعهم مجنونه يله كل واحد على غرفته
فهد: يبه بنكمل الفلم ودعست دلال رجله وسكت
عمي عبدالله: وش قلت يافهد؟؟؟
فهد:اقول عن اذنك وانحاشوا كلهم لغرفهم وهو راح لغرفته
في بيت عمي محمد (ابو سلطان)
كان جالس مع زوجته نوره (أم سلطان)
عمي محمد: ماني مصدق ان عندي اخو من ابوي ولا بعد اخت بس توفت تخيلي يقولي اليوم انه بيروح يجيبه يعيش معهم في بيت سليمان
نوره(أم سلطان): استهدي بالله يامحمد هذا اخوكم يعني وين بيوديه؟؟
عمي محمد: كل هالسنين وينه ليش ماقال لنا قبل؟؟
أم سلطان: انت قلت كان عند امه وامه اولى فيه والحين امه توفت الله يرحمها وبعدين يامحمد هذا اخوك ولا ماتبيه؟؟
عمي محمد:ما قلت ما ابيه بس متفاجىء ان عندي اخو من ابوي ولا كبر واحد من عيالي!!!
أم سلطان:كبر مين فيهم؟؟
عمي محمد: كبر نايف
أم سلطان: الله يهديك يامحمد صلي على النبي (صلى الله عيله وسلم)وكل شي صار اهم شي لا تكره اخوك هو الصغير ويبي منكم كل شي حتى حبكم
عمي محمد: الله يعين ان شاء الله
نرجع لبيت (ابو بدر او عبد الرحمن)سليمان
دلال:لاعادي حبي بس كنت بشوف وش فيك سحبتي علينا؟؟
وجود:لاحبي كنت وسكتت لما شافت يد على كتفها ماتت من الخوف لفت وهي تدعي ربها مايكون ابوها (لان ابوها وعمامها صايره بينهم مشكله من 5سنوات وهي تكلم البنات من ورى ابوها)ولما لفت صار فيصل وجود:الله يرجك خرعتني
فيصل :وش فيك؟؟!!
وجود: دقيقه ايه حبي كنت عند جدي ايه خلاص بكره ان شاء الله وسكرت ولما لفت تدور فيصل مالقته مشت شوي بالحوش الا شافت دانه وفيصل على المراجيح راحت عندهم وهم يسولفون وجود:السلام عليكم
ردو: وعليكم السلام
دانه: وجود الكلام اللي قلتيه جوى صدق؟؟!!!
وجود: أي كلام؟؟
فيصل: بتروحين تشوفين عمك؟؟
وجود: ايه ليش؟؟؟
دانه بس لاني استغربت من ردك قلت يمكن كلام بس طلع صدق
وجود:ليه حرام الوحده تروح لعمها؟؟
: اذا كانت تعرفه مو أي واحد قالو عمك رحتي له
وجود:اتوقع ان جدي قال الموضوع قدامكم يعني هو عمي وبروح له واللي بيجي حياه الله
بدر:تدرين ياوجود انتي انسانه ماعندك احترام الحين كلنا ساكتين وانتي بس تتكلمين وبعدين الموضوع مايحتاج لوجودك ياانسه او تدخلك فخلك بالي تسوينه احسن لك وبعدين انتي
دانه:بدر خلاص هذي اختك الكبيره
وجود: خليه يادانه يقول اللي بقلبه علي انا من زمان حاسه كنت ابيه يتكلم من نفسه خليه ولفت لبدر كمل كلامك انا اسمعك
بدر كان مصدوم من الكلام وطلع غرفته بسرعه بعدين دخلت دانه وفيصل وجاء عبد الرحمن:وجود
وجود: لبيه
عبد الرحمن: انا اسف على
قاطعته وجود وقامت عنده وقالت:عادي حبي هو ماقال شي
عبد الرحمن:كل هذا وماقال شي؟؟؟
ابتسمت وجود وقالت: رح لأخوك وشف وش فيه؟؟
راح عبد الرحمن وراحت وجود لورا البيت عند المسبح وجلست وحطت رجولها في المويه وتفكر وشوي ودق جوالها وكانت مها
مها: وجود وينك؟؟
وجود موجوده امري
مها:مايامر عليك عدو بس يله عشا
وجود:انا مابي تعشوا انتوا
مها: وجدي وش اقول له؟؟
وجود: قولي له نايمه
مها :اوك
رجعت مها غرفه الاكل وجلست سئلها ابوها:وين وجود؟؟
مها: نايمه
دانه وفيصل يناظرون بعض بصدمه توها كانت معهم امداها تنام وعبد الرحمن كان يناظر بدر بلوم قام بدر من السفره ابوي:على وين يابدر؟؟
بدر:الحمدالله شبعان
جدي ناصر: وش ماكل عشان شبعان؟؟
بدر:توني ماكل شبس مشى طلع فوق بسرعه وراح غرفه وجود دق الباب بس مافي رد فتح الباب ماكان بالغرفه احد استغرب هذي اللي نايمه وراح غرفته
وجلس يفكر:انا ليش اسوي في وجود كذا حرام بس لازم عشان ماابيها تعرف بس والله اشتقت لها موت وقطع تفكيره صوت المويه راح للبلكونه وشاف وجود جالسه تلعب بالمويه وتفكر وتم يطالعها وبعد نص ساعه تقريبا قرر يكلمها ونزل عند وجود
بدر:ليش ماتعشيتي ؟؟؟
لفت وجود وناظرته بعدين رجعت تناظر المسبح:مالي نفس وكانت تقول في نفسها متى ترجع بدر اللي اعرفه متى
وبدر في نفسه:اقول لها ولا لا؟؟لا لازم اقول لها ماعاد اتحمل اكثر
بدر: وجود امممم ابيك بموضوع
ابتدى يوم جديد وفي بيت عمي سلمان (ابونواف) يوم الاربعاء:
زياد يصحي ملاك قومي بسرعه الساعه 7:30 يله تاخرتي على الجامعه
ملاك قامت مفزوعه وهي تناظره وكان شكلها تحفه وزياد مات من الضحك
ملاك:ياحمار اطلع برى تونا 5:30
زياد:هههههههههه شكلك تحفه واحمدي ربك احد يصحيك
ملاك: زياد برى
زياد:ماني طالع وش بتسوين؟؟؟
ملاك:طيب اوريك اخت الشحاطه وورى اخوها ومراكض في البيت على هالصبح لين وصلوا الصاله تحت وهاوشتهم امهم
منى(أم نواف):زياد ملاك متى بتعقلوون
زياد: انا مالي دخل هذي بنتك
ملاك:والله ودخل ابوهم (اللي هو عمي سلمان) وكل واحد هجد
عمي سلمان: وش هاالازعاج على الصبح؟؟يالله صباح خير
زياد وملاك بنفس الصوت والوقت:مافي شي يبه عن اذنك وانحاشو وهم يتوعدون ببعض
وفي بيت عمي سالم (ابوخالد)
كانوا على السفره يفطرون
عمي سالم: اجهزوا اليوم كلكم نرى العشاء في بيت عبدالله اخوي
الكل :ان شاء الله
عايشه:الله فله بس لوعمي سليمان وسلمان معانا ومامداها تكمل الا ابوها يناظرها وعيونه تطلع منها شرار
ودعس مهند رجل عايشه وسكتت وبعدين دق جوالها ولما شافت المتصل كان مكتوب خالد يتصل بك وخالد يأشر لها ردي وردت:الو هلا الحمد الله بخير لامع نوره ايه مع السلامه وسكتت
عمي سالم:ان عاد سمعتك تعيدين هالكلام ياويلك فاهمه
عايشه: فاهمه وقامت من السفره الحمد الله
وفي بيت سليمان(ابو بدر او عبدالرحمن)
الكل كان على السفره يفطرون الا وجود ما اكلت شي بس تلعب بالي بيدها
جدي ناصر: وجود ليش ماتاكلين؟؟
وجود: لبيه هاذاني اكل ياجدي بدر كان يناظر وجود وارسل لها مسج(ليش ماتفطرين؟؟)
وجود بس سمعت النغمه حقته ورفعت راسها تناظر بدر وتقوله وش تبي؟؟
بدر:افتحي الرساله
فتحت وجود الرساله وقرتها وردت عليه( انا مفطره قبلكم وشبعانه)
بدر فتح الرساله بس مااقتع بالكلام وتوه بيرسل لها الا وسمعها
وجود:الحمدالله عن اذنكم
ابوي:وجود على وين؟؟
وجود:بروح اجهز عشان الجامعه عن اذنكم وطلعت غرفتها ولحقها
بدر:الحمدالله عن اذنكم ولحق وجود لغرفتها توها مسكره الباب الا يدق
وجود:تعال يابدر
بدر:وشلون عرفتي انه انا؟؟
ابتسمت وجود وقالت: سر المهنه امر حبيبي وش عندك؟؟ وليش ماكملت فطورك؟؟؟
بدر:وجود انتي متضايقه عشاني ؟؟؟
وجود:لا ياحبي بس موضوع عمي شاغل بالي بس
بدر: طيب انا بروح معك حتى عبدالرحمن
وجود: اوك وكانت واقفه عند المريه تعدل شعرها قرب منها وضمها من ورى استغربت وجود من حركه اخوها لفت عليه ولقته يبكي انصدمت ورجعت ضمته وبعد شوي هدا وتركها جلسته وجود على السرير
وقالت:وش فيك؟؟
بدر: انا اسف ونزل راسه
راحت وجود لمه وقالت له:خلاص اللي صار صار انسى وانا مو زعلانه منك وخل راسك مرفوع دايم
قام بدر وضمها وبعدين طلع وكلن راح لدوامه
وفي الجامعه:كانوا البنات مجتمعين (وجود،دلال،سمر،روابي، اهات،ملاك،عايشه،هيام،مها،دانه،نوره،نوف)
كانوايسولفون بس وجود ماكانت معهم سألتها سمر:وجود وش رايك؟؟
وجود:ماردت
صرخت سمر:وجود
وجود:هلا وبعدين ليش الصراخ انا جنبك
مها:ههه جسمك بس ولا ععقلك اللي ماخذه يتهنى به
ابتسمت وجود: وش بغيتي؟؟
مها: ابي نرجع نجتمع مثل اول
وجود: انتي ماعندك صبر اللي صبرك 5سنين يصبرك سنه ولا شهر
مها :بس
وجود:لابس ولا غيره بعدين عن اذنكم محاظرتي بدت وصح بعد المحاظره ابيكم بموضوع ضروري اوك باي وراحت وبعدين الكل راح لمحاظرته
في المحاظره :
وجود كانت جالسه تكتب مع الدكتور بس عقلها بمكان ثاني ماصدقت خلصت المحاظره وطلعت على طول وراحت مكانهم اللي دايم يجلسون فيه ولقت دلال وقالت:السلام عليكم
دلال:وعليكم السلام وش فيك؟؟؟
وجود: المحاظره مابغت تخلص ثلاث ساعات ونص بغيت انجن
دلال: هههههههه احسن احد قالك ادخلي طب بس مو هذا اللي شاغلك انتي من جيتي وانتي مو طبيعيه
وجود:امممم والله مدري وش اقولك
دلال:وجود وش فيك قولي
وجود:قومي نتمشى واقولك مشوا شويه وبعدين
قالت دلال:وجود بتتكلمين ولا شلون؟؟
وجود: منين ابدا ممن عمي فيصل ولا بدر
دلال: عمي فيصل؟؟؟منهو هذا؟؟
وجود: اقولك عمي تقولين مين جدي كان متزوج من 24سنه وعنده ولد وراح يجيبه اليوم البيت
دلال:انتي تتكلمين من جدك ولا تستهبلين؟؟!!
وجود:لامن جدي واعمامي كلهم عندهم خبر بس مدري متقبلين الموضوع ولا لا؟؟
دلال: عشان كذا ابوي كان معصب لما رجع من عمي سالم ومحمد وسلمان
وجود: اليوم بنروح لمه عشان يجي يعيش عندنا
دلال:بنروح؟؟ ليش مين بيروح؟؟؟
وجود:جدي وابوي وبدر وعبدالرحمن وانا
دلال: انتي؟؟ليش بتروحين؟؟
وجود:بروح اشوف عمي
دلال:انتي من جدك؟؟وبعدين هو مو بحاجه لك؟؟
وجود: بالعكس هو بأمس الحاجه لشخص يواسيه وخصوصا ان امه مالها متوفيه الا اسبوع واكيد نفسيته زفت وابوي وجدي واخواني ماراح يعرفون يتفاهمون معه وراح يجيبونه غصب عنه وبيكون كارهنا وانا ابيه يجي وهو متشوق يعرفنا واحد واحد فهمتي؟
دلال:فهمت بس لو مارضى وماتقبلكم؟؟؟
وجود:انا بخليهم بالاول يحاولون معه اذا مانفع ابدخل انا واتفاهم معه ولو احتاج لوقت عادي انا ماعندي شي اجازه واذا اضطريت ابجلس عنده بالبيت
دلال:وجود عن الجنون؟!
وجود:لما اتعرف على عمي جنون؟؟
دلال:بس شلون بتقنعين عمي وجدي؟؟
وجود:راح اقدر ان شاء الله وبكل سهوله انتي لايهمك وبعين انا بقول للبنات بعد شوي بس بشرط انهم مايعلمون احد
دلال:براحتك طيب وشو الموضوع الثاني؟؟
وجود:أي موضوع؟؟
دلال:موضوع بدر!!
وجود:اها بدر انا قررت وسكتت
دلال: انتم تصالحتم؟؟!!ووش قررتي؟؟!!
وجود:ها ايه تصالحنا قررت..............
انــــــــــتـــــــــــــــهـــــــــــــــى الــــــــــــــجـــــــــــزء الاول:
1\وشو موضوع بدر اللي قاله لوجود وسبب لها كل هالقلق؟؟
2\ كيف بتكون رده فعل عمي فيصل لما يشوفنا او يعرفنا ؟؟وتتوقعون يوافق بسهوله يجي عندنا البيت؟؟؟؟
3\وش بيصير في اجتماع عمامي؟؟؟
4\ والاهم وش القرار اللي قررته وجود؟؟؟ وهو يخص بدر ولا لا؟؟؟

الجــــــــــــــــــزء الثــــ(2)ــــــــانــــــــــــــي
في بيت عمي عبد الله(ابو ناصر):
اجتمعوا عمامي عبدالله وسالم ومحمد وكانوا يسولفون
وقال عمي عبد الله:بتروحون تشوفون فيصل؟؟
عمي سالم:انا ناوي بس تتوقعون يستقبلنا؟؟
عمي محمد:ليش مايستقبلنا احنا اخوانه الكبار
عمي عبدالله:انا بشوفه بس اذا راح عند ابوي الا سلمان وينه؟؟؟
عمي محمد:سلمان صار مايجي يقول دام ابوي وسليمان مهب فيه ماني جاي
عمي عبدالله:بكيفه بس وسكت
عمي سالم:بس وشو ياعبدالله وش فيك سكت؟؟
عمي عبدالله: مافيني شي بس وين العيال ما اشوفهم
عمي محمد:جالسين بالخيمه برى
عمي عبدالله طيب
جوى عند البنات كل وحده نفسها بخشمها (نوف ودلال وندى وعايشه وهيام وسمر)
سمر:اف طفش
هيام: صادقه انا قايله مابي اجي بس جيت غصب اف
عايشه:اصلا الجمعه بدون عمي سليمان وسلمان وجدي موحلوه صح دلول
دلال:لارد
عايشه:دلال وتطقها مع كتفها انتي معنا؟؟
دلال:ها ايه معكم
سمر:باين معنا اللي ماخذ عقلك يتهنى به
دلال في نفسها:فاضيه لكم عقلي مع المجنونه مدري وش بتسوي؟؟
سمر:ياهيه وين رحتي؟؟
دلال:معكم بس راسي مصدع
ندى: يحقلك ولا في احد يرجع من الجامعه ولا ينام
دلال:بنات اسمحولي هالمره بس مصدعه الا ويسمعون (أم ناصر نهله)تصوت وتقول:يلا يابنات العشاء نزلوا البنات ماعاد دلال اتصلت في وجود بس وجود ماردت وقامت تقول بنفسها:لايكون راحت وقالت لهم الا ويدق الجوال ودلال اخترعت وردت: الو وينك ليه ماتردين؟؟؟
وجود:شوي شوي ماكنت عند الجوال
دلال: انتي وين؟؟ ليش ما اسمع عندك صوت لاتقولين لي انك سويتي اللي براسك؟؟؟؟؟
وفي مكان ثاني العصر الساعه 3:30 كانت وجود ومها ودانه توهم راجعين من الجامعه ووجود راسها مصدع دخلوا البيت هي وخواتها وهم يمشون في الحوش فصخت وجود عبايتها هذي عادتها ودخلوا مها ودانه بعدين وجود:السلام عليكم
الكل كانوا مجتمعين وردوا: وعليكم السلام
ابوي:هاشلونكم ؟؟
البنات :الحمدالله
وجود: عن اذنكم
جدي ناصر:وجود وين رايحه؟؟
وجود:بروح ابدل واجي
جدي ناصر: على خير انشاء الله
طلعت وجود غرفتها اخت لها شور وبدلت وتوها بتجلس على السرير الا ويدق الباب جلست وقالت:تعال يابدر
فتح بدرالباب وقال:وشلون عرفتي انه انا؟؟
وجود:سر المهنه وش بغيت؟؟
بدر:جدي يقول تعالي غدا
وجود:طيب روح وانا جايه وراك
بدر:لا جدي قال ماتنزل الا وجود قبلك اخذت وجود جوالها ونزلت مع بدر جلسوا على الطاوله وبدوا بالاكل الا وجود كانت تلعب بالسلطه وبدر وعبد الرحمن يناظرونها ضرب بدر رجل وجود ورفعت وجود راسها تناظره بمعنى وش تبي؟؟
بدربهمس:ليش ماتاكلين؟؟
وجود: اكلت وقطع عليهم ابوي وهو يقول لوجود :تجهزي بعد شوي بنروح لعمك
وجود: ان شاء الله وتقول في نفسها ان شاء الله يعدي الموضوع بسهوله
بدر:يبه،،،،،،،،،،،،، ابوي:نعم
بدر:بنروح معكم انا وعبد الرحمن لعمي
ابوي:طيب خلكم جاهزين وقام هو وجدي م السفره وقامت وراهم وجود
طلعت غرفتها وانسدحت على السرير تفكر :لو خلصنا موضوع عمي يبقى موضوع بدر وشلون امممم خليه بوقته احسن وقامت تتجهز وجهزوا وراحوا بيت(فيصل)
وصلنا ونزلنا من السياره ودق ابوي الجرس وشوي وجت الخدامه وفتحت الباب
جدي ناصر:فيصل جوى؟؟؟
الخدامه:ايه جوى
جدي ناصر: فيه احد داخل ؟؟؟
الخدامه:لامافي احد يجي من زمان
دخلنا البيت وكان هادي جلسنا سئل جدي:فيصل وين؟؟؟
الخدامه:فوق في غرفته من زمان ماطلع منها لفت وجود على هذي الكلمه وفي نفسها تقول :هذي اولها والله يستر من تاليها
وسئلت وجود الخدامه:من متى ماطلع
الخدامه:يمكن 4ايام
جدي ناصر: انا بروح فوق تجي معي ياسليمان
ابوي:ايه وقام وراح معهم بدر وعبدالرحمن ووجود راحت المطبخ وصلحت القهوه وبعدين ودتها لصاله وجلست هناك
فوق لما وصلوا لغرفه عمي فيصل طق جدي الباب
رد عمي فيصل :انا مابي شي روحي عني
جدي ناصر:هذا انا يافيصل قام عمي فيصل وفتح الباب وسلم على جدي بدر وعبدالرحمن تفاجئو بشكله كان له دقن وباين انه تعبان مره وكان لابس قميص
جدي ناصر:شلونك يافيصل؟؟
عمي فيصل: عايش
جدي ناصر:هذا اخوك سليمان وهذولا عياله بدر وعبدالرحمن رفع عيونه وناظرهم وقال:هلا والله وسكت
جدي ناصر:فيصل قم جمع اغراضك عشان تروح معنا البيت
عمي فيصل:انا ماراح اطلع من هنا هذا بيتي
جدي ناصر:بس يافيصل بتجلس لحالك تعال معنا وبعدين انت بتروح لبيتك بعد
عمي فيصل:انا ماراح اطلع من بيتي وخلاص
طلع جدي من عنده وهو متضايق ولحقوه الباقين نزلوا تحت ولما شافت وجوههم عرفت وش صار جلسوا وصبت لهم القهوه
جدي ناصر:يلا مشينا مايبي يجي عندنا
وجود: بس انا ماشفته؟؟؟
جدي ناصر:انتي مارحتي معنا فوق؟؟
وجود:لا
جدي ناصر:ماله لزوم هو يقول انه مايبي يجي
وجود: طيب عادي اروح اسلم عليه واجلس معه شوي اذا عندكم شغل روحوا وخلصوا وتعالوا وعندي بدر وعبدالرحمن
جدي ناصر: اجل يله ياسليمان مشينا طلعوا ولما جت وجود بتطلع فوق ناداها عبدالرحمن:انتي من جدك هو قال مايبي يجي يعني غصب
ضحكت وجود:ومن قال غصب انا بروح اسلم عليه واتكلم معه شوي وبنمشي فيها شي وكملت طريقها لفوق وسمعت
بدر يقول:اختك هذي دامها حطت عمك براسها بتخليه يروح معنا للبيت برضاه
وصلت وجود غرفه عمها وكانت متردده بس قوت نفسها وطقت الباب
عمي فيصل: يببه خلاص مابي اشوف احد رجعت وجود ودقت الباب مره ثانيه
قام عمي فيصل وهو معصب وفتح الباب:نعم قلت مابي اشوف احد خلاص
وجود خافت من الاعصار اللي جاها فجئه بس قوت نفسها
وقالت:ما اتوقع هذا اسلوب تقابل فيه اهلك!!
عمي فيصل:وش تبين؟؟؟
وجود:عظم الله اجرك في الوالده وريناد
انصدم فيصل ولف بسرعه وقال:جزاك الله خير بس وشلون عرفتي عن ريناد؟؟؟
وجود:مو مهم الطريقه ماتبي تعرف انت جالس تسولف مع مين؟؟
عمي فيصل معصب:ياليت تشرفيني لاني للاسف ماعرفتك؟؟
وجود بكل برود: انا وجود بنت اخوك سليمان وكانت ماده يدها
مد يده وصافحها وبعدين قال:خلاص عرفتك ممكن تتركيني لحالي
وجود تفاجئت من اسلوبه وكانت تناظره من فوق لتحت ثم قالت:اتوقع فيه اسلوب ارقى من عشان تكلم اللي اكبر منك
ناظرها وقال في نفسه:انا بنفجر من العصبيه وهي مافي ابرد منها وثم قال:وش تبيني اقول ياوسكت
وجود: وجود اسمي وجود ممكن اتكلم معك شوي
ناظرها ثم قال:نتكلم في ايش؟؟
وجود:بتخليني كثير على الباب
انتبه عمي فيصل:تفضلي
وجود:زاد فضلك دخلت والغرفه كانت ظلمه بس فيها نور بسيط مشت لين وصلت لستاره وفتحتها ودخل النور الغرفه
وصرخ عمي فيصل:ليش؟؟؟
وجود كانت متوقعه ردت فعله فجاوبت: بس وبعدين لمتى بتجلس بالظلمه مو كفايه اسبوع
عمي فيصل وهو معصب:انتي وش دخلك؟؟؟
وجود:اللي دخلني انك عمي سكت عمي وجلس على السرير وحط راسه بين يدينه ابتسمت وجود وجت جلست على ركبها قدامه وقالت:انت بيدك تطلع نفسك من هالحاله سكت وطالعها
وقال:انا مرتاح كذا ووقف طلعت وجود ورجع جلس على السرير
نزلت وجود تحت للمطبخ وسألت الخدامه:فيصل تغدا؟؟
الخدامه:لا ما اكل من كم يوم
وجود:طيب حطي له غدا عشان بطلعه له فوق
اخذت وجود الغدا وطلعته فوق كان الباب مفتوح فدخلت شافها فيصل وقال:وش هذا؟؟
ماردت عليه وجود وحطت الغداء على الطاوله عند السرير
عمي فيصل:من قالك جيبي اكل؟؟
وجود: انا قلت لنفسي وجلست على السرير وكملت كلامها ماتبي تاكل؟؟
عمي فيصل:لا
وجود:والى متى ان شاء الله انت عاجبك حالك كذا؟؟
عمي فيصل:ايه عاجبني
وجود في نفسها:اثر العناد وراثه في العايله وقالت:بس مايعجب امك واختك الله يرحمهم لف علي وظل ساكت مدت وجود الملعقه له وهو كان يناظرها وقالت: اذا كان لهم خاطر عندك بتاكل ومدت الملعقه اكثر أخذ الملعقه واكل ابتسمت وجود وقالت في نفسها:هذي اول خطوه ونجحت وان شاء الله الباقي اكل كم لقمه وحط الملعقه وقال: بس
ماقالت وجود شي اخذت كاس المويه ومدته له وهو كان معصب بس ساكت ولما شاف الكاس ضرب الكاس بقوه وانكسر الكاس بيد وجود وانتشر القزاز في الارض وبيد وجود كانت تنزف وبكل برود قامت سحبت قطعه القزاز من يدها وصارت تنزف اكثر بدر وعبدالرحمن سمعوا الصوت وبسرعه جو فوق ولما دخلوا الغرفه شافوا ايد وجود تنزف
عبدالرحمن:وجود وش صار؟؟؟؟
وجود: ناظرت في عمها فيصل اللي متفاجىء وقالت:انكسر الكاس اذا ماعليك امر جب لي شنطتي
بدر:بس يدك تنزف قومي المستشفى
وجود:جيب شنطتي وبس راح بدر وجابها بسرعه وعطاها طلعت المعقم والشاش وعقمت يدها ولفتها وقالت ممكن تخلونا لحالنا طلعوا برى بدون ولا كلمه
عمي فيصل: ممكن اعرف انتي وش تبين مني؟؟؟
وجود بكل برود:ابي عمي
عمي فيصل وهو في قمه عصبيته:انا موعمك عمت عينك
وجود ابتسمت وقالت:شكلك تحب تعاند
عمي وهو شوي ويضرب وجود:ايه ممكن تظفين وجهك
ابتسمت وجود وقالت:طيب ابسوي يبنا تحدي واللي يفوز بيسمع كلام الثاني
عمي فيصل:طيب وشو التحدي؟؟؟؟
وجود:هو اني بخليك اليوم تسهر معنا
عمي فيصل:ههههههههههه ضحكتيني
وجود:ماكملت كلامي اذاماسهرت معنا اليله بنرجع البيت وانت بتم في بيتك بس اليوم بنبات عندك بالبيت وبتسهر معنا واذا سهرت معنا بتروح معنا للبيت اتفقنا
عمي فيصل:اتفقنا وبعدين من الحين بقول لك اني انا الفايز لان ابوك ماراح يخليك تنامين عند واحد غريب
وجود: نشوف عن اذنك ونزلت تحت وقالت للخدامه تروح تجيب الغداء ولما راحت الصاله لقت ابوها وجدها وقالو يله
راحت وجود عند جدها وابوها وجلست بينهم ابوها شاف يدها وقال:وش فيها يدك؟؟
وجود:انكسر الكاس في يدي
ابوي: ليش مارحتي للمستشفى؟؟
وجود: مايحتاج الجرح صغيروسكتت ثم قالت ابي منكم طلب
ابوي وجدي ناصر: تفضلي
وجود:زاد فضلكم ثم قالت ممكن ابات اليوم عند عمي
الصدمه كانت على وجه الكل ثم قال جدي ناصر:ليش؟؟!!
وجود: هو نفسيته تعبانه شوي عقب وفاه امه عشان كذا رفض يجي معنا ابجلس عنده بس هاليومين وسكتت
جدي ناصر:وش تستفيدين اذا جلستي عنده؟؟
وجود:بغير نفسيته بس اوعدك انه بعد هاليومين او يمكن قبل بتلقاه عندك وسكتت ولما شافتهم ساكتين كملت هذا وعد اذا وفيته بتسوي لي اللي ابيه واذا ماوفيت سو فيني اللي تبي ان شاء الله تضربني راضيه كانوا ساكتين وسكوتهم خوفني وخفت يروح تخطيطي على الفاضي
قال جدي ناصر: خلاص اجلسي بس من يجلس معك؟؟
وجود:بسرعه في بدر وعبدالرحمن
قال ابوي:خلاص بس من بيجيب اغراضكم؟؟
وجود:انا بروح اجيبها وارجع
جدي ناصر:يله اجل قومي
وجود:ان شاء الله قامت تلبس عبايتها وراحت عند بدر وسئلته:وين تحط دواك؟؟
بدر:في الدرج اللي جنب السرير
وجود: اوك تبون شي اجيبه لكم غير ملابسكم؟؟
عبدالرحمن:لا
وجود:مع السلامه راحت للبيت واخذت اغراضها واغراض اخوانها وطلعت مع السواق ومرت سوبرماركت واخذت شبسات ومشروبات لزوم السهره ووهي تحاسب حست ان في احد يراقبها بس مااهتمت ورجعت بيت عمها دخلت البيت وقالت لاخوانها يجيبون الشنط ودخلت الاغراض اللي معها للمطبخ وطلعت لغرفه عمها ودقت الباب
عمي فيصل: ادخل
دخلت وجود وهي مبتسمه وقالت:ممكن تجي تورينا الغرف اللي بننام فيها
التفت عمي فيصل مصدوم وقال:من جدك!!!
وجود:ايه يعني غلبتك في النص اللي كنت بتغلبني فيه وابتسمت
قال عمي فيصل:تعالي اوريك الغرف وطلعت معه وقبل مايتكلم صوتت على بدر وعبدالرحمن وجو
عمي فيصل: هذي غرفتين
وجود:باقي غرفه
عمي فيصل:لمين؟؟!!
وجود:لي
عمي فيصل:مافي غرفه فاضيه قامت وجود تناظر في الدور وثم
قالت:اللي جنب غرفتك مو غرفه فاضيه؟؟
ارتبك عمي فيصل وقال:لا بس لها سنين محد جاها ويبي لها تنظيف خوذي غرفتي وانا بجلس تحت بالمجلس
وجود:لاباخذ هذي الغرفه وبنظفها وبجلس فيها و قالت روح خذ لك شور وحلق عشان نتعشى مع بعض ونزلت وتركته
وفي بيت عمي عبدالله (ابو ناصر) كانو عمامي مجتمعين وراحوا البنات عشان يسلمون عليهم دخلوا البنات
عمي محمد:هلا والله بالبنات شخباركم؟؟؟
ندى:الحمدالله بخير شلونك انت؟؟؟
عمي محمد:بخير بشوفتكم
ندى:دوم وكملوا سوالف ودلال جالسه بس عقلها مو معهم سألها
عمي سالم:دلال وش فيك ماتسولفين؟؟؟
انتبهت دلال وقالت:مافيني شي
عمي محمد:لافيك شي منتي دلال اللي نعرفها وراح جلس جنبها
دلال:مافيني شي بس تعبانه شوي عقب الدوام ومن جلس عمي محمد حنبها وهي خايفه يشوف الجوال سمر كانت عارفه بالموضوع وكانت خايفه وقالت:يبه
لف لها وقال : نعم
سمر:وش رايك تطلع تمشينا؟؟
عمي محمد:الحين؟؟
سمر:ايه بسياره ناخذ كم لفه ونرجع
دلال اخذت نفس وشافت الجوال الموضوع ومافيه(ان وجود معهم على الخط)المهم عدى الموضوع بخير ووافق عمي محمد يطلعهم وراحوا يلبسون عبيهم ودلال وسمر كلموا وجود وقالت لهم:ابي منكم خدمه
سمو ودلال: امري
وجود:مايمر عليكم ظالم بس اذا ركبتوا السياره بدق على وحده منكم وابيكم تكلموني على اني واحد من اخوانكم وبعدين اعطوا عمي الجوال طيب؟؟؟
سمر:واذا عصب؟؟
وجود:ان شاء الله لا واذا عصب سوو فيني اللي تبون اوكي
طلعوا البنات ووجود كانت تكلمهم بالحوش خلصت مكالمه ودخلت الصاله وشافت عمها وقالت:احلى كذا طلع وجهك موقبل وابتسمت ويوم جت بتمشي مسك يدها ووقفها وقال:اسف عشان يدك
ابتسمت وجود وقالت:عادي ايدي مافيها شي ودق جوالها وقفل استئذنت من عمها وطلعت الحوش ودقت على دلال وكانت خايفه من اللي بتسويه بس قوت نفسها وكملت
دلال:عمي
عمي محمد:نعم
دلال وهي خايفه:فهد يبيك
عمي محمد:وليش مادق على جوالي؟؟
دلال: مدري عنه ومدت له الجوال وكانت تدعي انه مايهزئها بعد شوي
عمي محمد:الو
وجود:شلونك؟؟؟سكت عمي الصوت موغريب عليه بس له فتره ماسمعه وكملت
لهدرجه ماتبي تسمع صوتي خمس سنين ياعمي انا ماابيك تتكلم او تقول شي بس حبيت وسكتت لانها كانت تبكي ثم كملت حبيت اتطمن عليك لاني اشتقت لك مابي اعطلك اكثر مع السلامه وقبل لاتسكر
عمي محمد:لحظه فهد ووقف السياره ونزل
دلال تقول لسمر:الحين بيجي ويطحني هنا
سمر:تفائلي بالخير
دلال: ان شاء الله
نرجع لعمي محمد:شلونك؟؟؟
وجود: عايشه انت شلونك؟؟؟
عمي محمد:انا بخير بس انتي وش فيك تبكين؟؟؟
وجود:مافيني شي ومن قالك اني كنت ابكي
عمي محمد:مو علي ياوجود انا اعرفك زين
وجودد: زين الخمس سنوات مانستك وجود
عمي محمد:وجود وش هالكلام؟؟؟
وجود:انا ما اطول عليك روح للبنات بس ممكن محد يدري اني كلمتك ودلال لا تسوي فيها شي
عمي محمد:ان شاء الله ودلال بروح احب راسها لانها خلتني اسمع صوتك كان ودي اسمعه من زمان وسكت
وجود:متى مابغيت كلمني رقمي ماتغير اذا كان رقمي باقي معك بس ابي منك تحللني مع السلامه وسكرت
عمي محمد:استغرب احللها ليش؟؟؟وراح لسياره وعطى دلال الجوال بس ماقال شي واما رجعوا البيت نزلوا البنات وكانت دلال اخر وحده نزلت وكانت ميته من الخوف مشت الا وتسمع صوت عمي محمد:دلال
دلال ماتت من الخوف ولفت وقالت:لبيه
عمي محمد جاء لعندها وقال لها:مشكوره بس بسألك فهد تعبان؟؟؟
دلال من الصدمه ضاعت عندها السالفه:لافهد مو تعبان
طقها عمي على راسها :اقصد وجود
دلال:لا ليش وش قالت لك؟؟؟
عمي محمد:قالت وسكت
دلال:وش قالت؟؟كانت خايفه لان وجود لو بتسوي شي ماتاخذ راي احد
عمي محمد:قالت حللني
دلال انصدمت بس ماقالت شي
عمي محمد:هي بتسوي شي صح؟؟؟
دلال:ما ادري
عمي محمد:هي ماتقول كذا الا اذا ناويه على شي هالمره الله يستر
دلال:كلمها واسألها اذا ببتسوي شي بتقولك اكيد ولا ناسي انت وشو بالنسبه لها
عمي محمد:كنت مهم بالنسبه لها
دلال:ولازلت ولا ماكان خاطرت وكلمتك وراحت وتركت عمها بحيرته
نروح لشباب في الخيمه كانوا جالسين
(ناصر،سعود،سلطان،نايف،سليمان،خالد،مهند،فهد)
فهد ومهند وسليمان وسلطان كانوا يلعبون كيرم وخالد ونايف يلعبون بليستيشن وناصر وسعود متفرجين
ومن الحماس صرخ نايف:لحظه بلا غش ياخلود
خالد: انا ماغشيت انت اللي تغش وتمو يتهاوشون من اللي غش وشوي الا فهد قام وطلع برى الخيمه وشاف عمه محمد وراح لمه وناداه:عمي محمد
لف عمي محمد:نعم
فهد:ليش جالس لحالك
عمي محمد ناظره وابتسم فهد استغرب الابتسامه وقال:عمي فيك شي؟؟؟
عمي محمد من شاف فهد تذكر وجود وقال:لامافيني شي يله نروح عند الشباب ودخلوا الخيمه وخالد ونايف يتهاوشون وناصر وسعود يسولفون وجلس معهم وشوي ويدق جواله وكان سالم:وينك انت؟؟؟
عمي محمد:انا في الخيمه عند الشباب
عمي سالم: خلاص اجل احنا جاينكم وسكر
وقال عمي محمد لشباب: ترى اخواني بيجون يجلسون معنا شوي وجو عبدالله وسالم
وسالم من شافهم يلعبون كيرم قال لهم :واحد فيكم يوخر بلعب بداله قام مهند وجا عبدالله بيلعب معهم بعد فوخر سليمان وكملوا لعب
الا وبصرخه من نايف:لاخلود اعقل
عمي عبدالله:وجع ان شاء الله اسكت سكت نايف وهويتوعد بخالد المهم بالعبه طلع عبداللع من العبه وطلع سلطان وبقى سالم وفهد
عمي سالم يقول لعمي عبدالله:ولدك احسن منك بالعبه
فهد:اكيد تربيتكم عمامي كملوا لعب وفاز عمي سالم وقال:الله يذكر سليمان بالخير كنا نجلس على هالعبه بالساعات وبعدين يفوز علي الكل سكت من جاء طاري سليمان ثم انتبه سالم لنفسه وطلع من الخيمه على طول
وعمي محمد كان يفكر بكلمه وجود حللني ليش قالتها اكيد فيها شي ولا ماتقول كذا انا لازم اكلمها خلاص بعد شوي ان شاء الله
وفي بيت عمي سلمان(ابو نواف)
كانوا (نوره،زياد،نواف)جالسين بالصاله يتابعون التلفزيون وشوي الا وملاك واهات يدخلون الصاله
ملاك:ياناس طفش
اهات:شويه طفش الابموت من الطفش التفتت على زياد وقالت زياد وش رايك تمشينا؟؟؟
زياد:انا ماني فاضي لك
ملاك:هذاك جالس ماعندك شي؟؟
زياد: قلت لا يعني لا
اهات:لوو اننا في بيت احد عمامي كان الحين مستانسين
وجاهم صوت تبون اوديكم لعمامكم الكل التفت على الصوت وكان ابوهم
قالت نوره:لايبه البنات يستهبلون
عمي سلمان:وانا اتكلم من جد اذا تبون بوديكم
نوره:وانت بتدخل؟؟
عمي سلمان:لا انزلكم واروح
نوره :اجل احنا بنجلس في البيت اصرف
وفي بيت عمي فيصل
خلصت وجود من المكالمه ودخلت البيت راحت الصاله وشافتهم جالسين يسولفون فقالت:تبون العشا الحين ولا بعد شوي؟؟؟؟
عبدالرحمن:الحين احسن عشان ابنبدى سهرتنا
وجود: اوك راحت نجهز العشاء وودته لغرفه الاكل ويعدين نادتهم جلسوا على الطاوله وكان العشا خفايف وبطاطس مقلي وكذا بدو ياكلون
ووجود اخذت نصف صاموليه ويمكن اقل ودق جوالها وشافت المتصل وابتسمت ثم ردت:هلا
دلال:هلا فيك انتي وش قايله لعمي يامجنونه مسكني تحقيق يبي يعرف وش سالفه حللني هاذي ها؟؟؟
وجود:شوي شوي اذني حرام عليك ماقلت لها شي واخر شي قلته عادي ولا؟؟
دلال:انتي عندك احد؟؟؟
وجود:ايه
دلال:اها ليش قلتي له كذا حرام عليك جالس يفكر وش فيك؟؟!
وجود:دقيقه لفت لهم ولقتهم يطالعونها وقالت ليش تطالعوني تعشوا بعدين قامت ورجعت تكلم دلال:عادي خليها تفكر شوي وش وراها؟؟
عمي فيصل:وجود وين ماكملتي عشاك؟؟؟
وجود:الحمدالله شبعت وطلعت الصاله وقفلت من دلال وقالت للخدامه تسبقها فوق لغرفه ريناد وراحت لهم وقالت: انا بطلع انظف الغرفه انزل القاكم مخلصين اللي على السفره وبدر لاتنسى دواك وراحت فوق ولما بدو تنظيف استغربت ان اغراض عمتها موجوده راحت غرفه الملابس ولما فتحت الدولاب طاحت كراسه حجمها وسط اخذتها وجود وفتحتها وكان مكتوب على اول صفحه
(الى احلى اخت بالدنيا اتمنى تعجبك اخوك فيصل)
فتحتها وكانت رسومات روعه شافتها كامله ولقت اخر رسمه صوره عمتها راسمها فيصل اخذت الكراسه وحطتها على الكمدينه وراحت تشوف جوالها اللي دق ولما خلصت تنظيف اخذت شور ونزلت تحن وهي تهدي نفسها وتحاول تتماسك دخلت غرفه الاكل لقتهم يسولفون جت بتشي الصحون بس
عبدالرحمن:وجود خليه احنا نشيله انتي يدك توجعك
وجود:انا مافيني شي ويوم جت بتشيل الصحون مسك عبدالرحمن يدها وقال: خليها
وجود بحده:قلتلك مافيني شي وشالت الصحون وطلعت راحو الصاله وجت وجود بكاس مويه وقالت:بدر
بدر:لبيه
وجود:اكلت دواك؟؟؟؟
بدر: موالحين
وجود:متى ان شاء الله ومدت الكاس وقالت: اخذه وانت ساكت وجلست وهي معصبه ودق جوالها مسج وعصبت اكثر خلينا نرجع وقت ماكانت تنظف الغرفه فوق وجاها مسج وكان من عمها محمد يقول فيه(انا بجي بيتكم ابي اشوفك)
ردت وجود(انا مو بالبيت وبعدين وش تبي)
تنرفز عمي من اسلوبي ورد(ابي اشوفك وبعدين وش سالفه حللني هذي؟؟)
ردت وجود(مو ضروري مافي سالفه حرام اذا الواحد طلب من احد يحلله)
رد عمي(بس انتي غير ماطلبتي هاطلب الا وراك شي)
ردت وجود(اذا بسوي شي ماراح اخذ رايك)
رد عمي(طيب ليش قبل يومين رحتي للمستشفى)
ردت وجود(مالك شغل)وكانت مستغربه شلون عرف
رد عمي وباين من رده انه معصب(شوفي اختاري واحد من الاثنين ياتقولين لي وش كنتي تسوين بالمستشفى او ادق على ابوك واقوله)
عصبت وجود(يعني الواحد مايروح المستشفى)
رد عمي(واللي يروح مستشفى يجلس ساعتين )
ردت وجود وودها تكفخه(عادي)
رد عمي(لا موعادي اذا ماقلتي لي ترى بجي البيت ولا ادق على ابوك واقوله)
وجود في نفسها ويهدد بعد(مو قايله واذا بتجي البيت حياك هذا بيت اخوك واذا بتقول له بعد عادي)
رد عمي(طيب ابشوفك بكره)
ردت وجود(مابي)
رد وهوفي قمه النرفزه(ليش شان شاء الله )
وجود وهي مستانسه انه تنرفز(والله بكيفي) وكانت مقهوره منه وشوي وتنفجر من القهر
رد عمي(ان بكره استناك في مطعم..........)
وجود(قلت لك ماراح اجي)
بدر يطالع بوجود ومستغرب انها معصبه وهو له فتره ماشافها كذا دق جوال وجود وشافت المتصل وكان عمها محمد ماردت عليه وقامت جابت لوازم السهره ورجعت
ووزعت المشروبات استغرب عمها فيصل لما عطته المشروب
قال عمي فيصل:وشلون عرفتي اني اشرب هذا المشروب؟؟ضحكوا عبدالرحمن وبدر وقال بدر:مبعد شفت شي منها هذي تعرف الشي قبل مايصير
ضحكت وجود وجلست الا ودق الجوال وكان مسج من عمها محمد(ليش مارديتي علي؟؟) ماردت عليه قامت ونادت بدر وطلعوا للغرفه فوق
بدر:وش بغيتي؟؟
وجود:عمليتك الاسيوع الجاي يوم الاربعاء
انصدم بدر وقال:وشلون مافي متبرع؟؟؟؟
وجود:لقوا متبرع دق الدكتور علي اليوم وقالي انهم لقوا متبرع وسكتت
قال بدر:وابوي؟؟؟
وجود: ابوي بيوافق خله علي رجعوا تحت وتفرجوا على فلم ولما خلص كانت الساعه 3 الفجر جلسوا يسولفون لين اذن الفجر وراحوا يصلون طلعت وجود غرفتها ولما رجعوا من الصلاه طلع كل واحد على غرفته الا فيصل راح لغرفه وجود وكان متردد مايبي يدخل لان هالغرفه مادخلها من 4سنوات بس دق الباب
وجود:تعال ياعمي
دخل وسئلها السؤال المعتاد:وشلون عرفتي انه انا؟؟؟؟
وجود:سر المهنه وش بغيت؟؟؟
عمي فيصل:ابجلس معك ممكن؟؟؟
وجود:اكيد حياك
عمي فيصل:مشكوره
وجود:على وشو؟؟
عمي فيصل: على كل اللي سويتيه
وجود:ماسويت شي
عمي فيصل: كل اللي سويتيه وماسويتي شي؟؟
وجود:أي وحده مكاني بتسوي اللي سويته واكثر
عمي فيصل:انا قررت اروح معكم للبيت خلاص انتي فزتي بالتحدي
وجود:اذا ماتبي تروح ماراح اجبرك على اساس التحدي
كملوا جلستهم وبعدين راحوا غرفته وبدوا يجمعون الاغراض عشان بيرجعون البيت اليوم والساعه 9 الصبح صحت وجود اخوانها عشان بيروحون البيت
وصلوا البيت بس وجود قالت لهم عمي فيصل لايدخل الا اذا ناديته طيب ودخلت لقوا الكل صاحي او بالاصح مبعد ناموا سلمت عليهم وجلست عند جدها وسئلها :شلونك؟؟؟
وجود:دامي شفتك بخير
جدي ناصر:ليش رجعتوا عمك رفض يجي صح؟؟
وجود: عمي وسكتت ثم قالت لحظه بروح انادي بدر وعبدالرحمن وراحت للمطبخ سلمت على امها وقالت لها لاتطلع من المطبخ لان عمي موجود وطلعت الحوش ونادت عليهم ودخلوا الكل انصدم وخصوصا ابوي وجدي
راح فيصل يسلم على جدي:شلونك؟؟؟
جدي:بخير سلم على الكل وجلس ووجود كانت عند جدها بعدين قامت
سئلها جدها:على وين؟؟؟
وجود:بروح انام مانمت
جدي :نوم العوافي مر الوقت والساعه 5العصر صحت وجود اخذت لها شور سريع وصلت واستشورت شعرها واخذت جوالها واما فتحته رسايل واتصالات فحطته سايلنت ودخلته بجيبها ونزلت تحت مالقت احد بالصاله راحت المطبخ وسوت لها كاسه شاهي وطلعت برى مرت من عند المجلس وسمعت فيه اصوات فدخلت لقت جدها وابوها سلمت وجلست معهم وشوي
وجود:جدي انا نفذت وعدي باقي تنفذ وعدك
جدي:أي وعد؟؟؟
وجود:انا وعدتك اذا جبت عمي انك تسوي لي اللي ابي
جدي:اها طيب وش تبين؟؟
سكتت وجود بعدين قالت:هو مولي هو لبدر
جدي:بدر؟؟
وجود:ايه بدر تعبان ومحتاج عمليه بأسرع وقت
ابوي:تعبان وش فيه؟؟؟!!!!
وجود: عنده فشل كلوي وله فتره يسوي غسيل لانه مالقى متبرع
ابوي:وليش ماقال من اول ؟؟؟؟
وجود:ماحب يضايقكم على باله شي بسيط وبعدين هو ماقالي الا من فتره وانا رحت لدكتور وتفاهمت معه واتصل علي امس وقالي انه لقى متبرع وقال لي ان العمليه بتكون الاربعاء الجاي بس ناقص موافقتك
ابوي:انا موافق بس بشوف المتبرع
وجود:انا قلت لدكتور بس قالي انه رافض يشوف احد واننا بنشوفه يوم العمليه قبل مابيدخل بيكلمك.
مر الاسبوع حلو على البعض والعكس مع الباقي
اليوم الاربعاء يوم العمليه رجع بدر من الدوام وراح المستشفى مع ابوي وعبدالرحمن عشان يخلصون الفحوصات
ولما جت الساعه 1 الظهر وصلت وجود المستشفى دخلت غرفه بدر وسلمت عليه وطلعت وشافت ابوها جالس برى
وجود:يبه
ابوي:لبيه
وجود:انت تبي تعرف مين بيتبرع لبدر؟؟؟
ابوي:ايه
وجود:انا اللي بتبرع
سكت ابوي بعدين قال:لا انتي لا
وجود:اسفه بس انت وقعت على الموافقه انا بروح اجهز نفسي للعمليه بس مابي بدر يعرف اني تبرعت له الا اذا طلعنا من العمليه
دخلت وجود غرفتها ودقت على دلال اللي بتموت من الخوف وطمنتها وقالت لها:مابي احد يدري لما اطلع من العمليات راح اكلمك وسكرت من دلال وارسلت رساله للكل تطلب منهم انهم يحللونها وحطت الجوال صامت وجهزت نفسها وعلى الساعه 1:30 مساء دخلوا وجود وبدر غرفه العمليات
دلال: من كثر ماهي خايفه على وجود دقت على فهد:الو فهد وينك؟؟
فهد:تحت مع عمي محمد
دلال في نفسها:هذا وقتك تجي وقالت:طيب ابيك توديني المستشفى
فهد:ليش فيك شي؟؟؟؟
دلال: بقولك بسياره بس يله تكفى
قام فهد وسئله عمي محمد:وين؟؟؟
فهد:دلال تبي تروح المستشفى مدري وش فيها
عمي محمد: هي تعبانه؟؟؟
فهد لا بس انها كانت تبكي
عمي محمد: اجل وجود
فهد: أي وجود؟؟؟
نزلت دلال وطلعوا للمستشفى وفي الطريق سئل عمي محمد دلال:وجود بالمستشفى صح؟؟؟
دلال:لارد
صرخ عمي محمد:صح؟؟
دلال خافت:صح
فهد توه يستوعب انهم يتكلمون عن وجود بنت عمه ثم قال:ليش هم بالمستشفى؟؟
دلال:بدر عنده فشل كلوي ووجود بتتبرع له
انصدموا من الكلام ثم قال عمي محمد: عشان كذا حللني وصلوا المستشفى وراحوا لقسم العمليات شافوا ابوي وعبدالرحمن جالسين راحت دلال بسرعه عند عمها عرفه ان معه سكر وخايفه عليه وماقدرت تشوف وجهه لانه منزل راسه فقالت:عمي انت بخير؟؟
رفع ابوي راسه وشاف وحده ثم قالت دلال :انا دلال بنت اخوك عبدالله نزل ابوي راسه وجاء عمي محمد وحط يده على كتف ابوي وقال:الله يقومهم بالسلامه وعبدالرحمن واقف منصدم من اللي يصير قدامه
رفع ابوي راسه وقال:ان شاء الله
جلسوا شوي الا ويدق جوال دلال تخرعت لما شافت ان المتصل ابوها
ردت دلال وهي خايفه:الو
عمي عبدالله:الو دلال وينك فيه؟؟؟

يتبع.....

تابع.......


دلال:انا في المستشفى
عمي عبدالله بخوف:وش تسوين بالمستشفى؟؟؟
دلال:وهي متردده والكلام يله يطلع عند.......عم
عمي عبدالله:تكلمي زين
دلال: عند عمي سليمان وكانت تستنى تجيها صرخه بس اللس سمعته غير
عمي عبدالله:ليه وش فيه؟؟؟ومن موديك؟؟؟
دلال ترد وهي مصدومه مو رد ابوها :مافيه الا العافيه بس بدر ووجود بغرفه العمليات واللي جابني فهد وعمي محمد
عمي عبدالله:انتم باي مستشفى؟؟؟
دلال: مستشفى ال.............
عمي عبدالله: مسافه الطريق وانا عندكم
راحت دلال عند عمها محمد وقالت له :ترى ابوي بيجي مارد عليها وبعد ثلث ساعه عبدالله وسالم وسلمان في المستشفى راح عمي عبدالله عند ابوي وحط يده على كتفه وقال:الله يقومهم بالسلامه ياسليمان
ابوي:ان شاء الله وسكت وعبدالحمن مصدوم من الي يصير قدامه وبنفس الوقت خايف على اخوانه جوى وبعد 3ساعات ونص طلع الدكتور
ابوي: بشر يادكتور وشلونهم؟؟؟
الدكتور:الحمدالله العمليه نجحت بس كنا بنفقد المتبرعه بس الحمدالله كانت قويه وساعدتنا بعد فضل الله طبعا وبننقلهم الغرف بعد كم سااعه لما نتاكد انهم بخير
عمي محمد:طيب نقدر نشوفهم؟؟؟
الدكتور:اكيد بس ماتطولون
عمي محمد: ان شاء الله
بعد ربع ساعه نقلوهم لغرف العنايه وراحوا يشوفون وجود لان الخطركان عليها اكبر دخلوا لغرفه كلهم واولهم دلال اللي راحت بسرعه عند السرير ومسكت يد وجود ووجود كانت شبه صاحيه
فتحت عينها وشافت دلال وقالت:ليش جيتي؟؟
دلال:الحمدالله على سلامتك
وجود:الله يسلمك ولفت راسها وانصدمت لما شافت عمامها حولها ابتسمت وقالت:الله لايحرمني من شوفتكم
ابوي:الحمدالله على السلامه
وجود:الله يسلمك بس بدر شلونه؟؟؟
عمي محمد:انتي ماتتركين طبعك اخوك بخير بس انتي اهتمي بنفسك
وجود: انا بخير بعدين قالت يعني ماتجتمعون الا اذا واحد فيكم مرض واذا مات واحد فيكم توكم تتصالحون وغلبها البنج ونامت طلعوا من عندها ومروا على بدر لقوه نايم وطلعوا
عمي عبدالله:قوم ياسليمان روح ارتاح
ابوي: شلون ارتاح ياعبدالله وثنين من عيالي بالمستشفى
عمي عبدالله: هونها وتهون ياخوي وعيالك بخير ان شاء الله يله مشينا للبيت ومحمد بيجلس هنا
وبعد كم ساعه نقلوا وجود لغرفتها وكان بالغرفه في عمي محمد وفهد وعبدالرحمن ودلال من دخلوا وجود طلع فهد
راح عبدالرحمن لوجود على طول ومسك يدها:ان عاد سويتي هذي الحركه مره ثانيه ياويلك
ابستمت وجود بعدين قالت:بسألك اعمامي جو ولا انا اتخيل؟؟؟؟
جا عمي محمدوقال:لا ما تتخيلين احنا هنا
انصدمت وجود وسكتت بعدين تكلم عمي محمد:عبدالرحمن رح شف فهد وين راح
طلع عبدالرحمن وراح عمي وقف مكان عبدالرحمن وقال لوجود:لهدرجه ماتبين تشوفيني؟؟؟ لفت وجود الجهه الثانيه عشان دموعها ماتخونها مد يده ولف وجهها لجهته وقال:ليش تبكين؟؟؟؟
وجود:ما ابكي دلول تعالي
جت دلول وقالت لها وجود:انا ماقلت لك مابي احد يعرف واذا طلعت بدق عليك
دلال:ماقدرت كنت خايفه عليك
قال عمي محمد:وليش ماتبينا ندري؟؟؟
وجود:عشان ما اعطلكم عن اشغالكم بزيارات مالها داعي وسكتت
مر اسبوعين على خروج بدرووجود من المستشفى وكانوا عمماي يزورونا
وفي احد الايام كالعاده دخلت وجود عشان تسلم على عمامها وسلمت عليهم بجفاف سولفوا شوي بعدين طلع جدي من المجلس وهو مستانس ان بعد 5 سنين اجتمعوا عياله
قالت وجود:مشكورين على وقفتكم معي بس اذا بتكسرون قلب جدي مره ثانيه مابي اشوفكم واتوقع جيتكم عشاني وعشان بدر ولا انا غلطانه؟؟؟
عمي محمد:وجود وش هذا الكلام؟؟
وجود:ماقلت شي غلط واذا كنتوا باقي شايلين على بعض بخصوص وسخ دنيا فأنا اسفه جدي يسواكم كلكم ووقفت بسرعه ووجعها مكان العمليه وكانت بتطيح ومسكها عمي محمد فكت يده وقالت:انا ما احتاج احد عن اذنكم
الكل كان مصدوم من كلام وجود وكانوا ساكتين بس مادروا ان الجد سمع كل شي انقال
لما طلعت وجود كانت تمشي وهي منزله راسها لانها تبكي وماكانت تدري ان الشباب توهم طالعين من جوى وهي تمشي صقعت بواحد وكانت بتطيح بس مسكها مع خصرها
فهد:اسف عسى ماتعورتي؟؟؟
رفعت وجود راسها وانصدمت بفهد وعلى طول نزلت راسها ومشت بسرعه لورا البيت ودخلت الغرفه اللي هناك
فهد واقف مكانه مصدوم من اللي شافه مايدري منهي البنت اللي شافها وكانت بقمه الانوثه مع انها كانت سنبل لابسه(بنطلون اسود وبلوزه حمراءعليها حزام من الوسط ورافعه شعرها ذيل حصان طايحه على وجهها خصل ومكحله عيونها)
بس استغرب انها كانت تبكي راحح عند الشباب وعقله مع البنت اللي شافها
في المجلس كان الجو متوتر عقب كلام وجود
قالت دلال:ترى وجود ماتقصد الكلام اللي قالته بس نفسيتها تعبانه شوي اعذروها وطلعت تدور وجود دخلت البيت وطلعت فوق مالقت احد ونزلت لورى البيت بسرعه مالقت احد راحت للغرفه وفتحت الباب وكانت الغرفه ظلما كانت وجود تبكي من الالم العمليه اول لانها قامت بقوه وبعدين ركضت
فتحت دلال النور وشافت وجود منسدحه على السرير وتبكي راحت لها بسرعه دلال:وجود وش فيك؟؟؟
وجود:لارد
دلال:وجود تكفين ردي علي انا دلال جت وجود بتجلس لكن ماقدرت ورجعت طاحت على السرير وطلعت منها :اهـ
دلال ماتت من الخوف:وجود وش فيك تبين نروح المستشفى؟؟
وجود والكلام عليها صعب:لا وبكت ساعدتها دلال انها تجلس وضمتها وجود كانت تبكي
دلال:خلاص وجود لاتبكين ووجود كانت نبكي كانها تطلع اللي حابسته من 5سنوات
دلال:وجود انتي تعبانه خلاص لاتعبين نفسك اكثر ودق جوال وجود شافت دلال من المتصل وكان عمي محمد ماردت رجع دق 2و3و4 مافي رد ولما دق المره 5 اخذت وجود الجوال وذبته على الجدار واتكسر تفاجئت دلال بس اللي سوته انها ضمت وجود تحاول تهديها استغرب عمي محمد ان الجوال صار مغلق قام وطلع من المجلس وطلعوا البنات وبقى عمامي بس وجدي بعد اللي سمعه راح غرفته
دخلوا الشباب المجلس وهم يضحكون واستغربوا هدوء عمامي جلسوا وكانوا يضحكون
فجأه صرخ عمي سالم:اسكتوا ولا انقلعوا برى انصدموا الشباب وسكتوا
وفهد كان يفكر بالبنت اللي شافها يعني عمامي مهاوشينها ومهند كان يكلمه وهو سرحان
دقه مهند:فهيدان اكلمك ليش ماترد
انتبه فهد وقال:وجع كنت سرحان ماانتبهت وش تبي؟؟
مهند:سرحان في الحبيبه ها
فهد:مهند ليش ماتسكت وسرح انا اشلون افكر بهذي البنت وحبي خلاص وش صار يعني شفت وحده من بنات عماني انا وش دخلني فيها
طقه مهند:وصمخه اكلمك ليش ماترد عصب فهد وطلع من المجلس
شاف فهد عمي محمد جالس بالحوش وشكله يستنى شي راح لمه
فهد:عمي محمد وش فيك جالس هنا؟؟؟
عمي محمد:انتظر مكالمه
فهد:اها الا وش فيهم عمامي معصبين؟؟
عمي محمد ماسك نفسه لايطق فهد:ماصار شي دق على اختك ابي اكلمها
فهد ببلاهه:أي اخت فيهم
عمي محمد:دلال ادق عليها ماترد
فهد:اذا ماردت عليك بترد علي
عمي محمد وهو يرص على اسنانه:دق وانت ساكت دق فهد على دلال
دلال لما شافت الرقم ردت:هلا فهد لفت وجود على طول وكانت تناظرها
فهد:ليش ماتردين على جوالك؟؟؟
دلال:ليش انت دقيت من قبل؟؟؟
فهد:لا
دلال:اجل ليه التفلسف
فهد:هذا عمي يبيك
دلال:عمي أي واحد؟؟؟
فهد:عمي محمد هذا هو معك دلال سكتت ماتدري وش بتقول لانها عارفه هو وش بيسأل اشرت لها وجود تحطه سبيكر
حطت دلال سبيكر عمي محمد:دلال ليش ماتردين على جوالك؟؟؟
دلال:كنت حاطته سايلنت وتوني شفته جيت ابتصل عليك ودق فهد
عمي محمد:طيب وجود وينها ادق عليها كان يرن بعدين صار مغلق
دلال:بغرفتها ليش بغيت شي؟؟
عمي محمد:ابتطمن عليها هي تعبانه وعقب اللي صار بتتعب اكثر ماشفتيها لما جت بتطلع من المجلس وسكت بعدين قال انا خايف عليها (وجود كانت تسمع كلامه وتبكي)طيب اقدر اشوفها؟؟؟
دلال:الحين لا هي تعبانه وبترتاح
عمي محمد:طيب طمنيني عليها
دلال:ان شاء الله
قامت وجود بعد مجهود قامت من السرير وحاولت تمشي عادي ودخلت دوره المياه وغسلت وجهها وطلعت دلال مستغربه
قالت وجود:انا بطلع غرفتي ومشت شوي وهي تقاوم اوجاعها ووقفت وقالت:انا قررت اروح سكن الجامعه
دلال بصدمه:ليش؟؟؟
وجود:ابي ارتاح من الكل
دلال:بس وشلون بتقنعين عمي
وجود:بقنعه بطريقتي وطلعوا من الغرفه وراحوا فوق بدون محد يشوفهم وراحت وجود تنام
وبعد العشا كل واحد راح لبيته بعد هاليوم المتعب للكل
يوم السبت كل واحد راح لدوامه ووجود داومت بعد غياب اسبوعين
خلصت محاظره وجود وراحت عند قسم السكن وسئلت اذا فيه غرفه فاضيه
قالت لها الموظفه(سعاد):فيه بس مافيه معها احد
قالت وجود:طيب احجزي لي وراح أأكد لك خبر بكره ان شاءالله وطلعت من عندهم وراحت لمكانهم المعتاد ولقت روابي كانت متأخره وانطردت من المحاظره
سلمت وجود وجلست بس روابي ماردت عليها طالعتها وجود وقالت:لاتضايقين نفسك وبعدين ايدك وش فيها؟؟؟ كانت ملفوفه
روابي:ماعليك بسيطه
وجود:الى الان يضربك
روابي:وللابد
خلونا نتعرف على روابي وعايلتها:
انسانه طيبه على نياتها حبوبه تدخل القلب بسرعه وحلوه بسم الله عليها وعيونها ناعسه وحنطيه وطولها حلو وشعرها طويل واسود وعايشه مع ابوها وزوجته لها اخوان من ابوها لكن مايحبونها وابوها على الرايحه والجايه يضربها ومحد معها بالبيت ويدافع عنها الا اخوها بندر ورائد
بندر اخوها من امها كان مايقل عن جمال اخته مهتم فيها لابعد الدرجه عمره 24سنه موظف عنده كل شي الا روابي كانت بالنسبه له كل شي بعد وفاه امه
رائد 20سنه ثاني سنه جامعه تخصص فيزيا بنعرفه اكثر في الاجزاء الجايه
نرجع لروايه:
روابي:ابي ارتاح تعبت خلاص ياوجود
وجود:طيب ليش ماتجين السكن؟؟؟
روابي:ودي بس ابوي رافض
سكتت وجود تفكر ثم قالت:انا راح اجي هنا وانتي اقنعي ابوك بطريقتك
روابي:عجزت من قبل راح جاب لي باص وصار ياخذ مكافئتي
وجود:لقيتها
روابي:وش هي؟؟؟
وجود:قولي لأبوك ان راعي الباص زاد سعره وانك اذا جلستي في السكن بتوفرين عليه فلوس الباص
روابي:والله فكره بس تتوقعين يوافق؟؟
وجود:ان شاء الله
روابي:متى بتقولين لاهلك؟؟؟
وجود:ان شاء الله اليوم عشان بكره ولا بعده انا بالسكن
روابي:اجل بقوله اليوم وان شاءالله يوافق
وجود:ان شاءالله بس عطيني خبر وش يصير معك اوك
الساعه 3 وصلوا دانه ومها للبيت ودخلوت سلموا
سئلت فاطمه (أم عبدالرحمن اوبدر):وين وجود؟؟؟
دانه:وجود في الجامعه
امي:ليش بالجامعه ادوام انتهى؟؟؟
دانه:لاماانتهى صار فيه تأخير وزياده في وقت المحاظرات ماراح تجي الا5:30 او6 الكل استغرب بس سكت لين تجي وجود يصير خير
في بيت روابي
كانت جالسه بغرفتها وتفكر ابوي بيوافق ولا لا؟؟؟؟طيب اذا وافق ابوي بندروشلون اقنعه؟؟؟ورائداتركه؟؟وشافت الساعه كانت 4 راحت لابوها بغرفته وطقت الباب
ابو بندر:ادخل
دخلت روابي وهي خايفه قالت:يبه ابيك بموضوع ممكن؟؟؟
ابو بندر:اخلصي وش عندك؟؟
روابي:راعي الباص زاد علينا السعر ويقول يبي فلوسه قام ابوها معصب وصار قدامها ماتت روابي من الخوف
وقال ابوها:وليش ان شاء الله على كيفه هو؟؟؟
قالت روابي:طيب انا عندي حل يريحك من فلوس الباص
ابو بندر:وشوحلك ياام الحلول
روابي:اروح لسكن الجامعه وانت توفر فلوس الباص لك
سكت ابوها يفكر بعدين قال:هولازم ياخذ فلوسه؟؟؟
روابي:ادفع له مثل العاده لانه الزياده على الشهر هذا
قال ابوها:خلاص طيب
روابي:يعني اروح لسكن خلاص؟؟؟
ابوها:ايه يله فارقي عن وجهي
روابي كانت بتطير من الفرحه بعدين تذكرت بندرشلون بتقتعه ورائد وش بتقول له ودقت على وجود بس ماردت
الساعه 5:45 رجعت وجود من الجامعه وهي هلكانه لما دخلت البيت وفصخت عبايتها وهي تمشي كالعاده ناداها بدر لفت لمكان الصوت شافته في المجلس اللي ماينفتح الا اذا عمامي موجودين استغربيت
وجود:لبيه
بدر:كيف الدوام::كانت مبتسمه لكن من شافت اللي ورى بدر راحت ابتسامتها قالت:ماعليه انت اخبارك؟؟؟
بدر:الحمدالله بخير
تكلم عمي محمد:شلونك وجود؟؟
وجود:عايشه الحمدالله عن اذنكم ودخلت البيت لقتهم مجتمعين بالصاله سلمت وردو عليها
ابوي:وجود ليش ماجيتي مع خواتك؟؟
وجود:زادو عندنا المحاظرات وصار عندي تأخير
ابوي:وخواتك ليش مازادوا عليهم؟؟؟
وجود:قسمهم مايحتاج انا قسمي طب فشي اكيد بيكون فرق صح ولا لا؟؟
ابوي:طيب كل يوم كذا؟؟
ابتسمت وجود نص ابتسامه وقالت:اليوم بدري بكره 7 توني ادخل البيت عن اذنكم وجت بترقى وتذكرت ورجعت وقالت :يبه عمي محمد برى مع بدر ورقت فوق أخذت لها شور عشان تصحصح ونزلت اخذت كوب شاهي ورجعت غرفتها وجلست تذاكر لان بكره عندها اختبار الساعه 7:30 خلصت مذاكره بدلت وراحت عند ابوها وكلمته بموضوع السكن وبعد جهد وافق وارتاحت وجود جزئيا باقي جدها واخوانها راحت غرفتها وشافت جوالها لقت اتصال من روابي ودقت عليها
وبهذا الوقت كانت روابي مع بندر تقنعه ودق جوالها وردت:هلا والله
وجود:هلا بك زود ياقلبي شخبارك؟؟؟
روابي:تمام وانتي شخبارك؟؟؟
وجود:دوم انا تمام بشري وش صار؟؟
روابي:تدوم انفاسك الحمدالله وافق لكن بندر مو راضي
وجود:ليش؟؟
روابي:مدري عنه
وجود:بس المفروض يوافق عشانك اولا انتي شايفه نفسيتك كيف؟؟وبعدين اذا هو متعود عليك بيقدر يزورك في الويك اند صح؟؟؟
سكتت روابي شوي بعدين:وجود انا احبك اموت فيك
استغربت وجود بس ردت:وانا احبك بس وش صار؟؟؟
روابي:بندر وافق بعدبن قالت بقولك شي
وجود:قولي
روابي:محد اقنعه الا انتي انا من ساعه ونص احاول فيه وما اقتنع
وجود وهي مستغربه كلام روابي:شلون اقنعته؟؟؟؟
روابي:بس ماتزعلين
وجود:ماراح ازعل
روابي:انتي تتكلمين كنت حاطته سبيكر وسمع بندر كلامك ووافق
وجود:روابي انتي تتكلمين من جدك؟؟؟
روابي:ايه
وجود:ياخايسه انا اوريك
روابي:خلاص وربي توبه ماعاد اعيدها وبندر يضحك ودق الباب ودخل رائد
وجود:استني بس اشوفك بكره لاكفخك
روابي:لاوجود توبه
وجود:خليني اشوفك ويصير خير اجل احجز لك معي؟؟؟
روابي: ايه بس متى؟؟؟
وجود:بكره جهزي اغراضك عشان اليوم اخر يوم في البيت
روابي:اوك باي
رائد:وشو اللي اوك؟؟
روابي:بروح السكن واليوم اخر ليله لي بالبيت
رائد:بتروحين وتخليني؟؟؟
روابي:عندك بندر انا ماعاد اقدر استحمل اكثر من كذا واتوقع انت عارف انا وش اقصد
رائد:سوي اللي يريحك
وكملت روابي السهره مع اخوانها
في بيت عمي عبدالله(ابوناصر)
كانوا دلال ونوف جالسين بالصاله يتفرجون على التلفزيون ودخل فهد وجلس بس كان سرحان البنت اللي شافها موراضيه تطلع من راسه
ودلال كانت تفكر ان عمها بيرفض ان وجود ترح السكن وتتمنى ان وجود تدق عليها وتقول ابوي رفض بس بهالوقت كانت وجود تجهز شنطتها وتسمع اغاني منطربه وقطع عليها جوها اتصال دلال
وجود:هلا والله
دلال:هلا فيك
وجود:شخبارك؟؟
دلال:بخير
وجود:وش فيك تتكلمين بدون نفس مين مزعلك؟؟؟
دلال:مافيني شي، انتي
وجود:انا وش مزعلتك فيه قولي؟؟؟
دلال:قلتي لعمي على موضوع السكن؟؟؟
وجود: ايه قلت له وسكتت بعدين قالت وافق
سكتت دلال
وجود:دلال حرام عليك لاتصعبين الموضوع علي اكثر ماهو صعب انتي ادرى بظروفي اللي خلتني اقرراروح السكن
دلال:بس هذا هروب
وجود:مومن عادتي اهرب لكن مخزون الصبر عندي نفذ بروح عشان ارجع لكم وجود اللي تعرفونها لاني لو جلست وجود بتموت
دلال:خلاص بس شوي واغرق من دموعك انتبه فهد لاخر كلام قالته دلال فسئلها فهد:مين تكلمين؟؟
دلال:وجود
وجود:لبيه
دلال:مااكلمك اكلم فهد
سكتت وجود بعدين قالت:اكلمك بعدين بخلص شنطتي عشان بروح اسهرمع اخواني اليوم اخر يوم لي بالبيت
دلال:لهدرجه مستعجله؟؟
وجود:شي موبيدي
دلال:خلاص اجل اخليك بس انتبهي لنفسك وسكرت وكان باين عليها انها متضايقه
سئلها فهد:وش فيك؟؟؟؟
قامت دلال وراحت غرفتها
فهد سئل نوف:وش فيها دلال؟؟؟
نوف:ما ادري عنها
طلع فهد فوق وراح لغرفه دلال ودق الباب
دلال:مين؟؟
فهد:انا
دلال:وش تبي يافهد؟؟؟
فهد:افتحي الباب عشان اقولك وش ابي
دلال:فهد تعال بعدين انا بنام
فهد:بتنامين الحين؟؟وبعدين الموضوع ماراح ياخذ منك وقت
دلال:ايه الحين فهد قلتلك بعدين
فهد:طيب افتحي
دلال:ماراح افتح
فهد:طيب انا بتم عند الباب ومتى مافتحتي بكلمك
سرحت دلاا بكلام وجود (لو تميت هنا بتموت وجود)وقطع تفكيره صوت الجوال وكان مسج فهد من سمع النغمه حط اذنه على الباب على باله اتصال لكن خاب ظنه وطلع مسج
وجود(اذا منتي راضيه اروح السكن خلاص مابروح)
دلال(بكيفك)
ردت وجود(انتي راضيه ولا لا)
دلال(لا) بعدين تذكرت كلام وجود (لو تميت هنا بتموت وجود) ودقت عليها بسرعه
ردت وجود:هلا
دلال:راضيه والله راضيه
وجود:متأكده
دلال:متأكده مليون بالميه اوك اخليك وسكرت ودق الباب
دلال:مين؟؟
فهد:انا فهود
دلال:فهد وش تبي؟؟؟
فهد:ابي اكلمك
دلال:قلت لك بعدين
فهد:وانا جالس هنا ماعندي شغل وبعد عشر دقايق دق الباب
فتحت دلال الباب وعارفه انه فهد:نعم
فهد:ابيك بموضوع
دلال:اللي هو؟؟؟
فهد:كذا عند الباب لا ادخل ولا تفضل وكان قد دخل الغرفه لكنه وقف لما شم ريحه العطر
دلال:طيب اخلص
جلس فهد وقال لها:تعالي اجلسي جلست دلال وسئلها:انتي باخه عطر؟؟؟
دلال:ايه
فهد:بس هذا موذوقك
دلال:وش عرفك؟؟؟
فهد:انتي دلول مو أي احد ثاني
دلال:ايه هذا عطر وجود
انصدم فهد:وجود؟؟ (لانه نفس عطر البنت اللي صقع فيها)وحب يتأكد
دلال:ايه وجود احب احط منه اذا كنت متضايقه عشان احس انها معي
فهد:وليش متضايقه؟؟؟علميني مين مضايقك عشان امحيه من الدنيا
دلال:تسلم لي ،عادي موضوع عادي
فهد:عادي وكل هالضيقه انتي من كلمتي وجود تحت وانتي متضايقه وهو خايف وجود فيها شي؟؟؟
دلال:وجود بتطلع من البيت
فهد:نعم؟؟
دلال:بتروح السكن
فهد:ليش طيب؟؟؟
دلال:تبي ترتاح
فهد:من ايش؟؟
دلال:من كل شي وخصوصا عمامي
فهد:دلول تكلمي بلا الغاز قالت له دلال السالفه اللي صارت لين سالفه يوم الاربعاء
فهد مصدوم بعدين قال:هي وش كانت لابسه؟؟؟
دلال:اممممم
فهد:بنطلون اسود وبلوزه حمرا ورافعه شعرها؟؟
دلال:ايه
فهد في نفسه:هذي وجود مومعقوله ماكنت متوقع انها هي تغيرت كثير كان نفسي اشوفها وشفتها وانا من فتره احاول اشيلها من بالي مو قادر وقطع عليه تفكيره دلال وهي تقول:انت شايفها؟؟؟
فهد بتوتر:لاوين اشوفها انا توقعت وصار صح
دلال:حسبالي
أنـــــتـــــهــــــــى الــــــــجـــــــــزء الـــــــــثـــــــــانــــــــــــــي:
1\وجود وروابي كيف بيتأقلمون مع السكن ونظامه ؟؟وبعدهم عن اهلهم لصالحهم ولا لا؟؟
2\ وش رد فعل فهد لما عرف ان البنت اللي شافها وجود؟؟؟ومين اللي يحبها؟؟
3\شخصيات جديده بتدخل تتوقعون يغيرون شي بحياه ابطالنا ولا لا؟
الشباب ماتطرقنا لهم بهذا الجزء ان شاءالله الجزء الجاي

أنتظر ردوركم

الــــــــــــــجـــــــــــــــــزء الـــــــــ(3)ـــــــــثـــــالــــــــــــــــث

عند الشباب دخلوا الجامعه (فهد،مهند،نواف،زياد،خالد،سلطان،)
وكانوا مستعجلين لانهم متاخرين على المحاظرات
بدايه فهد ومهند ورائد اخذوا تاخير ساعه وتهزيء ودخلوالمحاظره وفهد كان مسرح يفكر بوجود طقه مهند يقوله :انتبه ترى الدكتور عيونه علينا (تخصص فيزياء)
وعند نواف وزياد اخذوا تاخير ساعه وفوقها تهزءه محترمه بس عوضوها بالاختبار اللي كان عندهم(تخصص طب وتحليل جنائي)
وخالد هو الوحيد من حسن حظه ان الدكتور متأخر (تخصص قانون)
خلصت المحاظرات وطلعوا كل واحد يبي ينام بس لانهم ماناموا الا الساعه 3 الفجر باقي لهم محاظرات وراحوا جلسوا بالكفتيريا وشوي وجاهم خالد وعبدالعزيز فهد ومهند كانوا يستهبلون فاصلين ماعليهم شرهه اتفقوا انهم يولعون جرس الانذار وراحو وسو اللي اتفقوا عليه وصارت حوسه بالجامعه وخلص اليوم وهم هلكانين كل واحد يدور فراشه
##############################
وفي نفس هذا اليوم انتقلت وجود وروابي لسكن ودخلوا غرفتهم وحطوا اغراضهم وطلعوا لان عندهم محاظرات ولما شافوا البنات سلموا
قالت وجود:بنات انا انتقلت لسكن عصبوا البنات وهاوشوا وجود بس قدرت عليهم الا سمر زعلت منها وماكان عند وجود وقت لان محاظرتها بتبدا وراحت وتركت البنات
وهي داخله قاعتها سئلتها بنت:لو سمحتي اختي هنا محاظره التشريح؟؟؟
وجود باستغراب:ايه هنا انتي طالبه جديده؟؟؟
البنت:ايه انا عبير
وجود ابتسمت:هلاوالله انا وجود
عبير ابتسمت:هلافيك اسمك غريب بس لو سمحتي المحاظره متى تبدا ؟؟؟
شافت وجود ساعتها وقالت:بعد عشر دقايق شكلك مستعجله؟؟
عبير:ايه بروح اشوف اذا في السكن غرفه فاضيه
وجود:ولا يهمك تخلص المحاظره واروح معك
عبير:مشكوره بتعبك معي
وجود:لا عادي بالخدمه 
#############################
بعد مرور اسبوع كانت عايله سليمان مجتمعه المغرب ماعاد عمي فيصل وفيصل
ابوي:ترى يوم الاربعاء عندنا عزيمه محد رد عليه بعدين قال تراني اكلمكم وبعدين فيصل وين؟؟
دانه فيصل مين عمي ولا ولد ساره؟؟
ابوي:فيصل ولد ساره
دانه:مدري اتوقع انه يذاكر فوق وسكتوا
(وهذا حالهم من طلعت وجود لسكن والبيت هادي وحتى اذا اجتمعوا كانت وجود دايم تستعبط على الكل والحين كلهم ساكتين كلهم فاقدينها واكثرهم فيصل ولد ساره لدرجه انه ينام بغرفتها) قطع عليهم افكارهم والهدوء صوت الجوال رد
ابوي:هلا والله الحمدالله بخير انتي شخبارك؟؟
الكل التفت عليه لانهم عرفوا انه يكلم وجود لانها كل يوم تكلمهم هذا الوقت
################################
وفي مكان ثاني كانوا فهد ومهند وزياد مجتمعين في الكوفي
فهد ومهند كانوا يستهبلون على الرايح والجاي وزياد باله بعيد طقه فهد:اللي ماخذ عقلك يتهنى به ابتسم زياد وسكت
نط مهند عنده وقال:ماوارى هالابتسامه الا شي كبير قول وش عندك؟؟؟
زياد:يعني الواحد مايبتسم الاوراه شي؟؟
فهد:مو شي الا اشياء زيود لاتخبي قول خلاص
قام زياد وطق فهدوقال:زيود اصغر عيالك انا
ضحك مهند وقال:قول وخلصنا ياخي
زياد:وش اقول؟؟
فهد:قول انك تحب
تفاجىء زياد وسكت
مهند:ترانا كلنا نفس المعاناه يعني لاتخبي
زياد:انتم من جدكم؟؟
فهد:ايه وغرقانين لين شوشتنا
مهند:منهي؟؟
زياد:سمر بنت عمي محمد وانتوا؟؟؟
مهند:دلال بنت عمي عبدالله
فهد سرح يفكر بوجود طقه مهند:نكلمك احنا
فهد:هلا
زياد:منهي اللي خلتك مثل المجنون؟؟؟؟
فهد:وجود بنت عمي سليمان
مهند قال لفهد:وش رايك نسحب على زياد ونخيله يحاسب
ابتسم فهد ابتسامه شيطانيه وطلعوا بدون مايحس فيهم زياد وبعدين دقوا عليه شاف المتصل فهد ولف مالقى احد عرف انهم سحبوا عليه دفع الحساب وطلع وهويتوعد فيهم
انتهى اليوم حلوعلى البعض حزين على البعض
################################
مع بدايه يوم جديد الساعه 5:30 كانت وجود صاحيه بدت تتعدل نفسيتها شوي وسوت لها شاهي وجلست بالصاله تفكر كيف تراضي سمر اللي زعلانه منها من اسبوع وتفكر في دلال تحب شخص مايدري عنها وتفكر وتفكر بكل شي قطع عليها تفكيرها صوت عبير:صباح الخير وجود
ابتسمت وجود:صباح النور
اعرفكم على عبير انسانه حبوبه طيبه لكنها عنيده سمارها حلو طويله وجسمها حلو شعرها لين كتوفها ملامحها هنديه وجنسيتها بحرينيه انتقلت هنا عشان ابوها غير شغله وجو الرياض
جلسوايسولفون شوي بعدين دق جوال وجود وكان فيصل على طول ردت لانه امس مارد عليها وكانت خايفه عليه
وجود:هلاوالله حبي
فيصل:هلافيك شخبارك؟؟
وجود:اخباري مثل اخبارك شخبارك انت؟؟
فيصل:انا ماشي حالي
وجود:نعم!!!!
فيصل:اقول انا بخير بس ناقصني شوفتك
وجود:ان شاءالله قريب بس انت وينك ادق عليك امس ماترد؟؟؟ خوفتني عليك
فيصل:كنت اذاكر
وجود:العب غيري أنا وجود يافيصل
فيصل:كنت عند المسبح
وجود:تصدق اني اشتقت لهاالمكان ولبلكونتي
فيصل:قولي والله
ضحكت وجود:والله انك واحشني موت ياقلبي
سكت فيصل بعدين قال:انا تأخرت مع السلامه
ضحكت وجود:مع السلامه بس انتبه انفسك وسكرت
سألتها عبير:وجود انتي مملكه؟؟؟
ضحكت وجود وقالت:لا هذا ولد اختي
عبير:اها على بالي تكلمين زوجك ووجود من سمعت كلمه زوجك وهي ميته ضحك ولاسكتت وعدى اليوم حلو على وجود ورضت عليها سمر
#######################
وعند الشباب في الجامعه
زياد من شاف فهد ومهند طار عليهم وكفخهم وقال:انا تسون فيني كذا وكمل كفخ ومهند وفهد ميتين ضحك وشوي جاءرائد وشاف زياد يطق فهد ومهند وصار يطق مع زياد وشوي الا وقال مهند: رائد انت من سمح لك تطق ؟؟؟
رائد:فزعه مع زياد
فهد:لاوالله والفزعه ماتجي الا علينا
رائد:من زمان ودي اكفخكم وتوها تجي الفرصه وماتتعوض وتوهم بيطقون رائد الاعبدالعزيز جاي بسرعه وكان يصوت فهد مهند ولفوا ولما وفق اخذ نفس بعدين قال:الدكتور صالح يبيكم
فهد:مين؟؟؟!!!!
عبدالعزيز:صالح دكتورنا
مهند:وش يبي؟؟!!
عبدالعزيز:مدري انتم وش مسوين؟؟؟هو مايطلب احد الا اذا مسوي مصيبه
فهد ومهند يناظرون بعض عارفين ليش ناداهم وقالوا :الله يستر وراحوا لدكتور صالح (وش بيسوي فيهم الدكتور صالح بنعرف بعدين؟؟)
#########################
وفي الثانويه
عبدالرحمن وبدر وعمي فيصل وسعود ونايف كانوا في حصه رياضيات
وكانو نايف وعبدالرحمن يسولفون انتبه لهم الاستاذ وقال:عبدالرحمن اطلع على السبوره وحل المسأله
رفع عبدالرحمن راسه وهو مصدوم وقال:انا
الاستاذ:في احد غيرك هنا اسمه عبدالرحمن؟؟ فيصل وبدر وسعود كانوا يضحكون طلع عبدالرحمن لسبوره وهو مايدري وش السالفه كتب القانون وبعدين قال:ياستاذ انا مافهمت
الاستاذ:مافهمت وجالس تسولف مع نايف
عبدالرحمن:كنت اسأله عن المسأله
الاستاذ:خلاص ارجع بعدين قال:تعال ياسعود حل المسأله وانكب سعود وعدى عليهم حلو
#########################
مر شهر على وجود في السكن وطول هالشهر مازارت وجود اهلها وتحسنت نفسيتها ورجعت وجود مثل ماكانت واحسن ودلال كانت تحاول تتجنب حبها لمهند وفهد يبي يعرف أي شي عن وجود ودلال ما عطته أي معلومه زياد هايم بسمر لحد الجنون لكن سمر ماتدري ومهند يحب دلال ويحسب انها ماتحبه وهي ميته فيه وبندر واعجابه بوجود بيغير شي بحياه وجود ولا لا هذي احداث ابطالنا خلال هالشهر
#############
وفي بيت عمي عبدالله(ابوناصر)
دلال كانت جالسه بغرفتها تذاكر ودق الباب
دلال:مين؟؟
فهد:انا
دلال:ادخل
فهد:دخل وشاف حوسه دلال على الارض والاب مفتوح وقال:انتي وش تسوين؟؟
دلال:اذاكر
فهد:احد يذاكر بهذي الحوسه؟؟
دلال:انا عندك مانع
فهد:لاعندي فتون
دلال:سخيف اخلص وش عندك؟؟؟
فهد:امممممم
دلال:اللي بعده اخلص
فهد:بسألك عن شي وابيك تجاوبيني وبدون استفسار
دلال:راح اجاوبك بس لازم استفسر
فهد:يعني؟؟
دلال:بستفسر بعدين اجاوبك
فهد:لازم يعني؟؟؟
دلال:اجل ماراح اجاوبك
فهد:لاخلاص وجود شخبارها؟؟؟
دلال:بخير
فهد:مرتاحه في السكن؟؟؟
دلال مستغربه من الاسئله:الحمدالله
فهد:طيب ليه ماتزور اهلها؟؟؟
دلال:اول ممكن اعرف سبب الاهتمام الزايد بوجود؟؟؟
فهد:بنت عمي واسأل عنها
دلال:والباقي مو بنات عمامك؟؟
فهد:الا بس هم عند اهلهم مومثلها
دلال:انت من قبل تروح السكن وانت اهتمامك فيها غير انت تحبها؟؟؟
سكت فهد وقام بيطلع بس دلال مسكته وقالت:يعني تحبها؟؟
فهد:ايه
دلال:وليش ماتكلمت من اول
فهد:اتكلم عن ايش؟؟؟
دلال:يعني الحين دقيقه يعني كل هالفتره اللي فاتت وانت تاخذ اخبارها مني وكل شي قبل مايصير عشان كذا في المستشفى وسكتت ثم رفعت راسها وقالت انت شفتها صح؟؟؟
فهد:لارد
دلال:فهد تكلم انت شفتها؟؟؟
فهد:ايه لما تهاوشت مع عمامي وطلعت تبكي وصقعت فيني
دلال سكتت وفهد جلس على السرير وقال:انا بس ابي اعرف اخبارها مابي شي ثاني وطلع وخلى دلال باللي هي فيه
##########################
وابتدا يوم جديد للكل
بعد الدوام كانت روابي بتروح بيتها بتجيب لها بعض الاغراض واخذت وجود معها وصلوا بيت روابي نزلت ودقت الجرس وكلمتها مرت ابوها من ورى الباب وقالت لها:انتي مالك شي هنا كل شي ذييناه رجعت روابي لسياره ودموعها بعيونها
سئلتها وجود:وش فيك؟؟؟
روابي:مافي شي
وجود:ليش مادخلتي؟؟؟؟؟؟
روابي:قالت لي مرت ابوي انهم ذبوا كل اغراضي
وجود مصدومه:انتي متأكده؟؟؟!!!!!
روابي:لا
وجود:طيب انزلي نتأكد
نزلوا وروابي تسأل وجود وش بتسوي ووجود تقولها بتشوفين ودقت الجرس وفتح لها اخو روابي وقال :نعم
طالعته وجود وقالت:هذا بيت ابو بندر
حسن:ايه
مسكت وجود ايد روابي ودخلت البيت وهو يصرخ وراهم ودخلوا غرفه روابي وسكروا الباب روابي بتموت من الخوف وراحت تدور اغراضها وسمعوا صوت مفتاح وراحت روابي تركض للباب ولقته تقفل وجلست تبكي عند الباب
راحت لها وجود وقالت:ماعندك نسخه في المفتاح روابي هزت راسها بلا
قالت لها وجود:قومي بنطلع
ورابي:وشلون نطلع والباب مقفول
وجود وخري عن الباب وطلعت سكينه من شنطتها وفتحت الباب وطلعوا وهم يمشون بيطلعون الا سمعت صرخه روابي لان اخوها مسكها وهي تصيح
وجود:فك البنت
حسن:ماراح افكها هذي اختي وبتم بالبيت
مشت وجود لين وصلت عنده وعلت صوتها:قلت لك فكها
مد حسن يده ولف يد وجود بحركه سريعه وروابي صرخت:اتركها وكانت تبكي
لف حسن على روابي وصرخ عليها وهي سكتت من الخوف ووجود في هذا الوقت رفعت رجلها وضربت حسن مع بطنه بركبتها
فكها حسن وفك روابي سحبت وجود روابي ولما جو بيطلعون تحرك حسن وضرب وجود بيده مكان العمليه الضربه كانت قويه بس الموقف نسى وجود وجعها كل اللي تفكر فيه كيف يطلعون من هنا فرفعت رجلها بحركه سريعه وضربته بصدره وطلعوا بسرعه على السياره وروابي كانت منهاره تبكي وجود تهديها
وقالت لسواق يحرك ودق جوال روابي وعلى طول ردت لانه كان بندر
بندر:هلاوالله روبي شخبارك؟؟ روبي كانت تبكي
بندر وهو خايف:روابي وش فيك؟؟؟ زاد بكاها وطاح الجوال منها رفعت وجود الجوال وكانت متردده تكلمه ولا لاوبعد تردد رفعت الجوال
وجود:الو
بندر:روبي وش فيك تكلمي؟؟؟؟
وجود:انا صديقه روابي
بندر:وش فيها روابي؟؟؟
وجود:كنا في بيتكم وصارت هوشه مع حسن وضرب روابي
بندر:نعم!!! انتوا وينكم؟؟؟؟
وجود:دقيقه وعطت السواق عشان يوصف له مكانهم وبعد ربع ساعه هدت روابي
روابي:وجود انتي فيك شي شي يوجعك؟؟؟
وجود وهي تحاول تغير الجو:صباح الخير توك تسألين
روابي بخوف:ليش فيك شي؟؟؟
وجود:بس نكبتيني مع اخوك
روابي:صح نسيته وش صار؟؟؟
جت وجود بتتكلم الا بندر وصل دق على شباك روابي فتحت روابي الشباك
بندر:السلام عليكم
وجود وروابي:وعليكم السلام
بندر:روابي جاك شي حسن سوى فيك شي وكان معصب وبعدين قال وش موديك البيت اصلا؟؟؟
روابي:تجاهلت اول سؤال وبعدين قالت كنت ابي كم غرض
بندر:كان جيتي لي الشقه
روابي:أي شقه؟؟؟
بندر:انتي من طلعتي طلعت انا ورائد في شقه واغراضك كلها عندي
روابي:وليش ماقلت لي؟؟؟
بندر:نسيت يلا تعالي معي الشقه وخوذي اغراضك
روابي:اوك
قالت وجود لروابي:روحي انتي معه انا برجع السكن
روابي:لا رحنا مع بعض نرجع مع بعض
وجود: بس ياروابي
روابي:لابس ولا شي وراحوا شقه بندر ودخلوا كانت الشقه روعه ويبين ان ذوقه راقي المهم دخلوا غرفه روابي وبعد ماخلصت اغراضها طلعت تشوف بندر
وسألها بندر:وش صار؟؟؟؟ وقالت له روابي كل شي حتى عن وجود اللي انطقت وطقت عشانها ولما جو يطلعون شكر بندر وجود
ردت وجود:روابي اختي ومابينا فرف وطلعوا لسكن وكانت وجود تتناسى الالم
وتركوا بندر يفكر بوجود المره الاولى لما اقنعته بكلمتين عشان روابي تنتقل السكن والحين دافعت عن اخته واكلت ضرب وصار يكلم نفسه وبقول:يالبى قلبها من عرفتها وانا ضايع هذي وهي كلها كلمتين اجل لو هي من اهلي كان الحين هي زوجتي وانتبه لنفسه وش زوجتك انت بعد وراح الكوفي عند ربعه (تفكيره بوجود نساه عصبيته واللي كان ناوي يسويه بحسن)
###########################
اذا لقيت تفاعل كملت البارت

مساء الخير شخباركم ؟؟؟ ماراح اطول عليكم هذي تكمله البارت الثالث

،

نرجع لشباب في الجامعه لما طلبهم الدكتور صالح
مهند يقول لفهد وهم يمشون:الله يستر
فهد:اموت واعرف وش يبي فينا؟؟؟واذا كان على اللي سويناه شلون عرف انه احنا؟؟ الجامعه مليانه
وصلوا عند الدكتور صالح ودقوا الباب
الدكتور صالح:ادخل دخلوا وكانوا خايفين وسلموا
رد الدكتور السلام وقال:اجلسوا جلسوا
قال الدكتور:انتم عارفين ليش طالبكم؟؟؟
فهد:لا
الدكتور صالح:اللي سويتوه بالجامعه مايسونه شباب كبركم وعقاب للي سويتوه اختبار بكره بيكون لكم بنص الدرجه ومافي عملي وابيكم تسون لي بحث عن هذا الموضوع
فهد ومهند مصدومين وقال فهد:يااستاذ هذا كثير النظري وقلنا ايه بس العملي
الدكتور صالح:اذا جبتوا البحث كامل راح تاخذون درجه العملي كامله
مهند:بس
الدكتور صالح:انتهى اللي عندي والبحث ابيه بعد شهرلااكثر ولا اقل
طلعوا من عنده وهم متحطمين ويسبون في صالح ويبون يعرفون مين اللي معلم عليهم عشان يورونه شغله
############################
نروح لوجود لما رجعوا السكن راحت لغرفتها وانسدحت على السرير بتحاول في الالم يخف عليها ودخلت عليها روبي وسئلتها:وجود تبين عشا؟؟
وجود:لا ابي انام وقامت بدلت وانسدحت ودق جوالها وكان عمها عبدالله متصل استغربت وجود اتصاله وردت:هلا
عمي عبدالله:هلافيك شخبارك؟؟
وجود:بخير اخبارك انت؟؟
عمي عبدالله:الحمدالله بخير شلون الدراسه معك؟؟
وجود:الحمدالله شلون خالتي والباقين؟؟
عمي عبدالله:كلهم بخير يسلمون عليك
وجود:الله يسلمهم امر ياعمي؟؟
عمي عبدالله:مايامر عليك ظالم بس هالاسبوع نبيك تجين البيت
وجود:ليش؟؟
عمي عبدالله:الكل مشتاق لك
وجود:بس ياعمي
عمي عبدالله:لابس ولا شي تعالي
وجود:مااوعدك
عمي عبدالله:ابوي يبي يشوفك صار له شهر واسبوع تعالي عشانه بس وبعدين روحي
وجود:جدي على راسي بس ما اقدر
عمي عبدالله:انتي ماشتقتي لاهلك لك شهر واسبوع ماشفتيهم
وجود:لارد
عمي عبدالله:كمل ومااتوقع ان شوفه البنات بالجامعه تكفي حتى هم فاقدينك هاذا وهم يشوفونك كل يوم فما بالك بالي لهم شهر ماشافوك
وجود:بحاول ياعمي مو اكيد
عمي عبدالله: فكري زين انا اللحين بخليك مع السلامه
وجود:مع السلامه نامت وجود لكن بعد معاناه من الالم والتفكير بانها تروح ولا لا
#############################
بدى يوم جديد بالشركه
كانوا ابوي وعمامي كلهم مجتمعين بالشركه ومعهم ناصر ويستنون المحامي شوي ودق الباب ودخل المحامي يحيى والمحامي بندر سلموا وجلسوا وبعد السلام
قال المحامي يحيى:هذا بندر اشطر محامي وهو ان شاء الله قد المسؤليه اللي بتسلمونه اياها
ابوي (سليمان)سئل بندر:كم عمرك؟؟
بندر:24سنه
عمي محمد:صغير على هالشغل
بندر:خلصت دراستي وتوظفت الحمدالله وهذا انا جربوني واذا ماكنت قد الثقه تقدرون تفنشوني
عمي سالم:لا احنا واثقين فيك دام يحيى جابك
بندر:تسلم عمي
عمي سلمان:الله يوفقك
بندر:امين
عمي عبدالله:بتبدى الشغل من اليوم وبعد اسبوع بنقولك اذا ثبتناك ولا لا؟؟
بندر:ان شاءالله
ابوي(سليمان):وهذا ناصر معك بيعلمك كل شي ويحيى معك وبالتوفيق
طلعوا بندروناصر وانسجموا مع بعض لانهم كانوا طول اليوم مع بعض(عرفتوه هذا بندر اخو روابي)
وبعد وقت دخل عليهم ابو حمد وقاموا سلموا عليه وسولفوا وسئلوه عن شغله وقالهم انه استقال وجاي يدور وظيفه هنا لانه انتقل لرياض خلاص اقترحوا عليه انه يشتغل عندهم وقال لهم انه بيفكر ويرد لهم خبر
(ابو حمد بحريني وهو صديق قديم للعايله واذا تذكرون عبير هذا ابوها )
انتهى الدوام كان متعب على بندر وناصر بس كان حلو
##############################
اليوم الاربعاء
وجود كانت صاحيه من الساعه 4الفجر وكانت تفكر تروح اليوم ولا لا؟؟طلعت لصاله وسوت لها كاسه شاهي وجلست في الصاله وهي تفكر استئذن من المحاظره واجهز عشان اروح لاماينفع ومحاظرتي مهمه بس عبير فيه لا بروح اشوف من عندنا اليوم ومشى الوقت ووجود جالسه تفكر ماحست الا الساعه 5:30 لما جتها عبير:صباح الخير
وجود:صباح النور وقامت بتنزل تحت ونزلت عند سعاد عشان تسئلها
قالت سعاد:استني ادق واسأل اذا الدكاتره موجودين ولا لا ودقت سعاد وبعد خمس دقايق سكرت وقالت :اليوم عندكم اوف
وجود مصدومه:من جدك؟؟
سعاد:ايه الدكاتره اليوم مو موجودين
وجود:يس وباست سعاد وراحت فوق وهي مستانسه ماتدري لي شواما دخلت الغرفه
سئلتها روبي:وش فيك؟؟؟
وجود:اليوم عندنا اوف
عبير مصدومه:قولي والله؟؟؟
وجود:احلى شي مابغوا يحطون
عبير:هيه وناسه
روبي:يعني تقهروني
وجود وعبير:لا بس اول مره يسونها ويعطونا اوف طول السنه هذي اول مره
وقررت وجود انها بتروح تزور اهلها والساعه 1 بدت تجهز اخذت لها شور وستشورت شعرها واللي اخذ ساعه منها وبعدها جلست تفكر وش تلبس وبعد عناء قررت تلبس(بنطلون ابيض وبدي تركوازي مع شوز اسود كعب مع الشنطه وشعرها رفعته من جهه وحده وخلت الباقي مفلول)وعلى الساعه 3الا ربع طلعت من السكن ومرت محل حلويات وشرت سله شوكلت ووصلت للبيت الساعه 3:30
وبنفس الوقت فهد كان في البيت عند عمي فيصل بيتغدى عنده المهم دخلت وجود البيت وهي مشتاقه له حيل وكالعاده فصخت عبايتها وحطتها على يدها وكانت تعدل شعرها وبنفس الوقت فهد كان بيطلع يغسل يده فتح الباب الا وجود قدامه وتعدل شعرها انصدم وجلس فتره يطالعها وبعدين انتبه لنفسه وصك الباب ورجع جوى
سئله عمي فيصل:وش فيك رجعت؟؟؟
فهد:ها تذكرت اني مغسلها قبل شوي وجلس وتفكيره بوجود وكان شوي ويطير من الفرحه انه شافها
وعند وجود مانتبهت وكملت طريقها لجوى البيت دخلت ماكان فيه صوت شافت الساعه كان وقت الغدا ابتسمت وراحت حطت عبايتها وشنطتها واخذت جوالها وحطته بجيبها وراحت غرفه الاكل دخلت وقالت:السلام عليكم
الكل لف للباب مومصدقين قالت وجود:طيب ردو السلام
ردو السلام ودخلت وجود وراحت عند جدها وباست راسه قام وضمها ولما فكها جدها راحت لاامها وبعدين ابوها وبعدين ساره وبعدين نقزوا عليها مها ودانه وريتاج ووجود مامانعت بالعكس كانت مستانسه تركوها البنات وجى عبدالرحمن وبعدين بدر ولما راحوا بقى قيصل
قالت وجود:ماتبي تسلم علي وقام فيصل وضم وجود وبعد السلام جلست وجود معهم على السفره على اساس تتغدا معهم وبعدين قالت:عمي فيصل وين؟؟
بدر:برى
وجود:بروح اسلم عليه وطلعت وهي تركض وصلت للمجلس وفتحت الباب وهي تقول :عمي فيصل وكان فهد بوجهها من شافته على طول صكت الباب ورجعت لجوى البيت ركض
لف عمي فيصل:هذا صوت وجود
فهد:لارد واقف مسبه باللي شافها
عمي فيصل:وجود جت عن اذنك وطلع وخلى فهد في عالم وجود
رجعت وجود لجوى وجلست على السفره وعبدالرحمن وفيصل وبدر يطالعونها
قال عبدالرحمن:لايكون رحتي المجلس اللي فيه عمي؟؟؟
وجود:صباح الخير
عبدالرحمن:لايكون وضحك ضربته وجود برجلها وهو ميت ضحك وشوي الا بدر وفيصل معه
جدي:وش فيكم تضحكون؟؟؟
بدر:سلامتك بس تذكرت نكته
جدي:اها طيب اسكت
بدر يناظر وجود اللي تلعب بالسلطه عشان تنسى الاحراج وكان واضح عليها والعيال ميتين ضحك بس على الصامت عشان جدي مايهزئهم ولما خلصوا غدا راحت وسلمت على عمها وبعدها اجتمعوا بالصاله وسوالف
قالت وجود:اذا جو عمامي لا تقولون لهم اني هنا طيب
ابوي:سوي اللي يريحك
وجود:عن اذنكم ورقت فوق هي ودانه ومها ودخلت غرفتها وهي مشتاقه لكل ركن بالغرفه حطت اغراضها واتفقت مع دانه انها تجيب البنات هنا وشوي الا وسمعوا صوت سيارات راحت وجود طيران للبلكونه وجلست على طرف البلكونه تشوف عمامها واهاليهم دخلوا الحريم والبنات وجلست تتفرج على العيال ومن شافت فهد ابتسمت
اجتمعوا البنات بالغرفه(سمر،دلال،دانه،مها،ملاك،اهات،هيام،ندى،نوره، عايشه،نوف)ووجود كانت بالبلكونه
قالت اهات:لو وجود معانا
عايشه:هي لو تبي تقدر تجي بس انها تتغلى علينا
هيام:خلونا ندق عليها
طلعت وجود وقالت:انا هنا مايحتاج تدقون علي
نطوا البنات عليها صراخ وضحك ولما وخروا عنها جلسوا يسولفون شوي وقامت وجود للكمدينه تعدل شعرها بعد الترحيب الحار من البنات عشان تنزل تسلم على حريم عمامها
قالت نوره:وجود انتي وش مسويه بنفسك؟؟؟؟
وجود:ليش وش فيني؟؟؟
نوره:نحفانه ومحلوه مو صح بنات؟؟
البنات:ايه
وجود:كنكم ماتشوفوني كل يوم وبعدين حرام عليكم لانحفت ولا شي وعيونك الحلوه
سمر:لايكون انخطبتي وحنا ماندري؟؟؟
رمت وجود المخده على سمر وقالت:انا نازله ونزلت ولحقوها البنات وصاروا يركضون على الدرج ووصلوا لصاله وسلمت وجود على حريم عمانها وجلست معهم شوي ودق عليها عمها فيصل وقامت مسكتها دلال :على وين؟؟؟
وجود:بروح اسلم على عمامي تجون معي
دلال:ايه يلا بنات كانوا عممامي مجتمعين مع جدي في المجلس ودقت وجود باب المجلس وهي مبتسمه
جدي:ادخل
دخلت وجود:السلام عليكم ردو السلام وكانوا مصدومين ماعاد عمي عبدالله كلهم سلموا على وجود الا عمي محمد كانت ماده يدها بس ماسلم عليها جت بتمشي بس مسكها وقال:انا مكلمك امس ليش ماقلتي لي انك بتجين؟؟؟؟
وجود:الحمدالله بخير انت شلونك؟؟؟؟ماقررت الا اليوم الصبح
دلال:ترى محد كان يدري لما كلمناها اليوم في الجامعه قالت عندي اوف وبنام وانصدمنا لما شفناها هنا سحبها عمها وضمها وبعدها جلسوا سوالف وضحك
دق جوال عمي محمد ورد:الو هلا فهد ومن قال فهد وجود ابتسمت لاشعوريا
عمي محمد:طيب جاين وسكر بعدين قال الرجال جو وراحوا عممامي وجدي واخر واحد كان عمي محمد
سالوه البنات:عمي وجود مو متغيره؟؟؟
عمي محمد:امممم وكان يناظر وجود
سمر:نحفت وحلوت صح؟؟؟
وجودتناظر في سمر وتتوعد فيها
عمي محمد:من ناحيه نحفت نحفت وهذا بعدين نتفاهم عليه و من ناحيه الحلاوه وجود دوم حلوه
وجود وهي شوي وتتبخر من الحيا:تسلم عمي
مر الوقت حلو على الكل
###############################
عند الشباب مهند وزياد مسوين لفهد ازعاج
مهند::احلى واخيرا جت الحبيبه
زياد:من جد مابغت كل هذا تغلي
فهد:نعم انت وياه اللي يشوفكم يقول انكم انتم اللي تحبونها مو انا
مهند:لاننا حاسين فيك عشان كذا
فهد:اقول اسكتوا بس
زياد:وليش كل هذا عشانك ماشفتها
فهد:زيادوه
زياد:طيب ليش تعصب عادي احنا نسولف صح مهند؟؟؟
مهند:ايه صح وبعدين هي صايره حدث اليوم
فهد:بتسكتون ولاشلون
دخل بنص السالفه نواف:وش تسولفون عنه ؟؟؟
مهند:ابد نفكر بالبحث اللي عندنا
نواف:وزياد معكم؟؟؟
فهد:زياد جالس متفرج
زياد:لاوالله مين المتفرج ها؟؟؟؟
فهد:اقول اسكت
زياد:الشريط علق عندك اقول اسكت وجلس يضحك مع مهند ومادروا الا فهد قايم عليهم وصاروا مطارده في الحوش وطلع عليهم عمهم محمد وهاوشهم:هذا كبركم ومراكض بالحوش الكبار وسو كذا الصغار وش بيسون يله على الخيمه ودخلوا الخيمه وفهد يتوعد في زياد ومهند
بعد العشا اجتمعوا البنات مع عمامهم وسوالف وضحك لين الساعه 1 وعمامي كانوا بيروحون بس بعد اقناع تموا وراحوا ينامون في جناح الضيوف والحريم ناموا
والشباب كانوا فالينها برى
وفي المجلس بقوا البنات وعمي محمد وعمي سلمان وعمي فيصل
وهم يسولفون سأل عمي سلمان:وجود انتي وش مسويه بنفسك؟؟؟؟؟؟
طالعت وجود بسمر وبعدين لفت على عمها وقالت: ماسويت شي
عمي سلمان:هناك مافي اكل؟؟؟شوفي شلون نحفتي
ارتاحت وجود وقالت:اكيد فيه لا ياعمي مانحفت
عمي سلمان:الا انتي ماتشوفين نفسك صح يامحمد ولا لا؟؟؟؟
عمي محمد:الا نحفانه مره وهذا وشهر اجل لواكثر كيف؟؟؟؟
وجود:هذا اللي صار نحفت سمنت كله واحد
عمي محمد:وجود ابطلب منك طلب
وجود:امر
عمي محمد:مايامر عليك ظالم بس ابي منك تغنين لنا
وجود:نعم
عمي محمد:أنعم الله عليك ابيك تغنين
وجود:اسفه لا لو طالب غيره ايه بس هذا لا
عمي محمد:ليش لا؟؟؟؟
وجود:بس
عمي محمد:وجود يله عاد
وجود:لا يعني لا
عمي محمد: سمر روحي جيبي القيتار
سمر:من عيوني وراحت 5دقايق الا جت سمرومعها القيتار وعطته وجود اخذته وجود وحطته على الارض
عمي محمد:يله وجود غني
وجود:لا
عمي سلمان:يله هذا عشان لك شهر وانتي برى البيت
عمي محمد:اذا ماغنيتي ترى بزعل عليك
عطته وجود نظره وقالت:واذا زعلت؟؟؟
عمي فيصل:يله وجود كلنا نبي نسمعك تغنين
سكتت وجود بعدين قالت:خلاص بس اغنيه وحده اتفقوا أي اغنيه تبون تسمعون؟؟؟
دلال:وينها عيونك عباس ابراهيم
ناظرت وجود دلال وقالت:موافقين؟؟؟
الكل:ايه
بدت وجود تعزف على القيتار دقايق وبدت تغني
وينها عيونك تعبت من الوله........ياحكايه اليالي في غلاك
كل شي اشتاق لك واشتقت له...... وينك اشتقت لعيونك ياهواي
ليه نتعب في لقانا الاسئله....... وين رحت وكيف مادامك معاي
جبت لك كل السنين الاوله......اللي تسأل عن لقاك وقلت جاي
وينها عيونك تعبت من الوله........ياحكايات اليالي في غلاك
انت يا احلى هالغرام واجمله......وشهوا جمل من لقاك انت ولقاي
ببتدي حبك عشان تكمله......خذني مني واخذك وانسى عناي
وينها عيونك تعبت من الوله........ياحكايه اليالي في غلاك
وجود كانت مندمجه بالاغنيه مره لانها جت على الجرح
الساعه 3 انتهت السهره وكلن راح ينام عشان يصحون لصلاه الفجر البنات اجتمعوا في غرفه وجود البعض فرشو على الارض والبعض ناموا على الكنب ووجود كانت منسدحه على السرير وتفكر فجاءه طرى على بالها فهد وماتدري ليش من صار لها الموقف وفهد مو راضي يطلع من راسهاوكل ماذكرته ابتسمت
اذن الفجروالكل قام يصلي وبعدها رجعوا ناموا ووجود مع انها تعبانه الا ان
مافيهانوم طلعت للبلكونه وجلست على طرف البلكونه معطيه الغرفه ظهرها يعني
لو احد دفها بتطيح
سمر ودلال كانوا منسدحين يسولفون شوي وقاموا وكانوا بينزلون تحت ولما قاموا
ماشافوا وجود خافوا ينزلون يطلع لهم احد فطلعوا البلكونه وجود من سمعت
اصواتهم مسحت دموعها
سمر: هذي وين راحت؟؟؟؟؟
دلال:يمكن نزلت تحت
سمر:ما اتوقع تنزل تحت وين تروح؟؟؟
دلال:يمكن عند المسبح؟؟
وجود:انا هنا مانزلت لفوا سمر ودلال متخرعين من اللي تكلم شافت وجود اشكالهم
وصارت تضحك
دلال:ياحماره انتي هنا واحنا ندور عليك
وجود:ماجني نوم وطلعت هنا وانتم ايش مانمتوا؟؟؟
البنات:ماجنا النوم
سمر:انتي مجنونه احد يجلس كذا؟؟؟تخيلي يجي احد من ورى ويدفك
وجود:عادي وبعدين انا احب اجلس هنا بعدين قالت خلونا ننام ملكه نوره اليله ولما دخلوا الغرفه دق جوال دلال وردت:هلا فهد ومن قالت فهد وجود ابتسمت كلمت دلال فهد ورجعت وناموا
وعلى الساعه 1الظهر صحوا وكانوا يجهزون كلهم راحوا للمشغل الا وجود ودلال وسمر عشان وجود اتفقت مع محنيه عشان تنقش
في المشغل كانوا البنات كلهم هناك ومعهم روبي وعبير خلصوا كلهم
[سمر كانت لابسه فستان تركوازي قصير لتحت الركبه وكان ماسك من الرقبه وطالع عليها حلو وفيه شك بسيط ولابسه شوز كعب كله ربط على الساق
ومسويه تسريحه بسيطه رافعه كل شعرها ومكياجها حلو]
[دلال كانت لابسه فستان اسود سيوروعليه حزام فضي وقصير وشوز فضي وطالع حلو وتسريحتها هاديه ومكياجها هادي]
[روبي كانت لابسه فستان تفاحي وكان ماسك على جسمها وطويل وفي شك فضي ولابسه شوز فضي وطالع عليها خيال ومكياجها شبه ثقيل]
[اهات وملاك كانوا لابسين مثل بعض فستان وردي توب كان من تحت الصدر زي الحزام فيه كريستال وطالع عليهم حلو ومكياجهم ثقيل بما انهم خوات العروس]
[دانه وعبير كان موديلهم ساري هندي لونه سماوي ووردي وطالع عليهم حلو بما ان ملامحهم هنديه ومكياجهم ثقيل ]
[هيام وعايشه كانوا متفقين على نفس موديل الفستان كان لونه موف على وردي كان ماسك من ايد وحده وفيه شك بس موكثير وكان قصير والشوز وحده لابسه موف والثانيه وردي ومكياجهم ثقيل]
[مها فستانها لونه سماوي توب وقصير ومكياجها كان ثقيل ]
[نوف فستانها لونه ليموني طويل ماسك من الرقبه ومكياجها ثقيل وطالع عليها حلو]
[ندى فستانها احمر سيور من قدام ومن ورى نص ظهرها طالع ومكياجها ثقيل]
[وجود كانت لابسه فستان لونه ابيض سيور هادي مافيه شك باليد لان القماش نفسه فيه شك ومن النوع اللي يلمع طويل وفيه ذيل وكان من ورى مرفوع بشكل حلو ومسويه شعرها بوف والباقي خلته مفتوح ومكياجها كان مموج بس خفيف طالع عليها حلو]
[واخيرا نوره العروس كانت لابسه فستان عنابي كان ماسك من الرقبه ونص الظهر طاله وطويل وكان ماسك على جسمها لين عند الركب وبعدين يتوسع وتسريحتها كانت هاديه وحلوه ومكياجها ثقيل وطالعه خقه]
البنات طلعوا من المشغل للقاعه
############################
وفي البيت وجود ودلال وسمر يبون احد يوديهم شوي دق عمي محمد وقال انه بيجي
جهزوا البنات ودق فهد على دلال وقال:يله اطلعوا
دلال:عمي ماجاء
فهد:انا عند الباب اطلعوا
دلال تناظر في البنات:يله فهد عند الباب
وجود:وليش عمي ماجا؟؟؟؟
دلال:الظاهر مشغول
طلعوا البنات راحت دلال وسمر من الجهه اليمنى ووجود تاخرت لانها كانت تقفل االبيت وانكبت وراحت من اليسار كان فهد كاشخ وطالع شي وكان متكي على الباب ولما شاف وحده جايه ماعرفها الا لما قربت ففتح لها الباب
وجود استغربت حركته وقبل ماتركب قالت:مشكور
ابتسم فهد وركب وطول الطريق وهو يناظر في وجود ووجود نست تغطي عيونها كالعاده وفهد لقاها فرصه دلال عشان تنبه فهد قالت:شغل الراديو
مد فهد يده وشغل الراديو وكانت فيه (اغنيه ماجد المهندس احبك موت) من اشتغلت الاغنيه رفعت وجود عيونها والتقت عيونها بعيون فهد ونزلتها بسرعه وكانت تقول في نفسها:مالقوا الا فهد انا ابعد نفسي عنه وهم يقربونه
ودق جوالها وردت:هلا مسافه الطريق ونكون عندكم لاماراح نتأخر اوكي باي
فهد كان في قمه السعاده وجود معه بنفس المكان وسمع صوتها ولما وقفوا عند القاعه دق جوال وجود وردت:هلا عندالقاعه بس بنوقف عند الباب وفي هالوقت وقف فهد ونزلت وجود بسرعه ودخلت القاعه وكانت تكلم هذاني ارقى الدرج ودخلت الغرفه وقالت:خلاص وصلت لحقوها البنات ورجع فهد وهو في قمه الوناسه
جوى عند البنات نوره مسكت وجود وقالت:كان ماجيتوا من متى استناكم؟؟؟؟
وجود:مالقيت احد يجيبنا ولما لقينا على طول جينا وبعدين قالت ممكن تفكيني عشان افصخ عباتي
فكتها نوره ودخلت وجود غرفه التبديل وفصخت عبايتها وعدلت تسريحتها ومكياجها ولما طلعت صفروا البنات ابتسمت وجود
قالت دانه:عندنا عروسين اليوم
نوره:وجود بتغطين علي
وجود:لا ولو انتي احلى بس يله عشان يمديك تخلصين وراحوا للكوافيرا وقالت وجود للكوافيرا كيف تعدل التسريحه لها وقالت لنوره:انا بنزل تحت عشان اساعدهم شوي واجيك
نوره:بس خلي احد يجلس عندي
وجود:فيه ندى ونوف
نزلو البنات وكانت اولهم وجود ولما شافوهم كل وحده امها قرت عليها توزعوا البنات وجود واهات وملاك كانوا في الاستقبال،،،،وسمروهيام كانوا يتأكدون من الطاولات والصبابات وكذا ،،،،،ودلال وروبي وعبير كانوا يتأكدون من الاضاءه لزفه والكوشه ،،،ودانه ومها كانوا يتأكدون من الهدايا كامله بدت القاعه تمتلي وطلعوا وجود وسمرودلال لنوره ونزلوا ندى ونوف
كانت نوره جاهزه جلسوا معها شوي الا دق الباب وكان عمي سلمان وجايب معه دفتر دخل وشاف دلال وسمر وماعرف البتن اللي جالسه جنب نوره الا لما رفعت راسها وصارت وجود وقعت نوره وبارك لها عمي سلمان وباركوا البنات
قال عمي سلمان:عقبالكم يابنات
البنات:امين
عمي سلمان:بروح انادي ابوي واخواني يسلمون عليك
وجود:عمي اذا ماعليك امر لاتنادي نواف وزياد الا لما تعطينا خبر
عمي سلمان:ان شاءالله
طلع عمي وبعد عشر دقايق دق الباب وفتحت سمر الباب ودخلوا جدي وعمامي وراحو لنوره ووجود كانت بجنبها سلم جدي على نوره وبارك لها وبعدين عمامي وبعدين سلموا علينا
عمي عبدالله سحب وجود وقال لابوي:ماشاءالله ياسليمان عندك عرايس
ابتسم ابوي وقال جدي:ليش ناوي تزوجهم؟؟؟
عمي عبدالله:ايه بس يوافق سليمان
ابوي:ابد هاذولا بناتك
عمي عبدالله:اجل نزوجها فهد ومن قال عمي عبدالله هالكلام ووجود تتمنى الارض تنشق وتبلعها بدل هالاحراج
قال عمي سلمان:اجل انا بعد بزوج سمر لزياد وش قلت يامحمد؟؟؟
سمر في نفسها:مالقيت الا هذا اكرهه
ودلال كانت تشوف اشكالهم وحابسه ضحكتها الا وعمي سالم ساحبها وقال:اجل دلول لولدي مهند
ودلال في نفسها:ياليته يحس فيني بس
قال جدي:انتم جادين بكلامكم؟؟؟؟؟
كلهم ردو:ان شاءالله بس خلي الاختبارات تخلص
ومن قالوا عمامي هالكلام واحنا نبي نطلع بس مافي طربقه الا وجوال عمي سلمان دق وكان نواف يبي يدخل يسلم على نوره انسحبوا البنات ونزلوا تحت وطلعوا حرتهم بالرقص وبعد ربع ساعه كانت زفه نوره
طفت انوار القاعه واشتغلت الاضاءه الخفيفه وبدت نوره تنزل واشتغل شعر فيها بس الصوت ماكان غريب على نوره خلص الشعر وبدت الاغنيه وعرفت نوره هذا صوت مين كان صوت وجود وكانت نوره تدور على وجود بعيونها ولما شافتها ابتسمت لها وصلت الستيج وجو يسلمون عليها امها ووحريم عمامها وخالتها
وبعدين كملوا البنات رقص وقوموا نوره معهم وبعد ساعه الاربع دخلت نوره ودخلوا الضيوف للعشا
ودق عمي عبدالله قال لزوجته:ان فيصل بيجي بعطيها غرض ارسلي وحوده من البنات تاخذه
أم ناصر:خلاص ان شاءالله
شافت دلال وقالت لها تروح راحت دلال وكانت وافقه معطيه الباب ظهرها
دخل مهند ومعه كيس وكان يحسب اللي واقفه اخته عايشه فمد يده وغطى عيونها خافت دلال وعلى طول لفت وهو فك ايدينه شافت دلال مهند وكانت مصدومه ومهند مو اقل منها صدمه راحت دلال وهي تركض ودخلت ومهند كان واقف لعشر دقايق يستوعب اللي صار وان اللي شافها دلال حبيبته بعدين انتبه وطلع ودق على اخته عايشه وقال لها تاخذ الكيس اللي عند الباب
انتهت الحفله على الساعه 4الفجر وكلن طلع بسيارته ووجود ماكان لها مكان بالسياره وقالت لابوها يفتح الشنطه بتركب هي ودانه فتحها وركبت دانه ولما جت وجود بتركب طالعت قدامها كان فهد واقف ركبت وهي تتفادى نظراته ولما جت بتصك الباب جا خالد وصك الباب
##############################
وفي سياره بندر
كان يحاول ياخذ اخبار وجود بس ماعرف شي
سئلت روبي بندر:منو اللي كنت تسولف معه؟؟؟؟
بندر:واحد اعرفه
روبي:وانت يارائد باين انك مطيح الميانه مع الشباب؟؟
رائد:هذولا ربعي بالجامعه
روبي:اها
###############################
في بيت عمي سالم(ابوخالد)
الكل راح غرفته ومهند من دخل غرفته انسدح على السرير ويفكر في دلال ويقول:يالله متغيره مره محلوه ماشاءالله عليها اهـ يادلال لو تعرفين اني احبك وقام اخذ شور ونام
###########################
وفي بيت ابوي(ابو عبدالرحمن)
وجود دخلت غرفتها وهي تعبانه حيل لانها مانامت من 3ايام بدلت ومسحت المكياج وصلت ونامت وماحست الا الساعه 12 الظهر قامت وصلت وصارت تجهز اغراضها عشان العصر بترجع لسكن فتحت خزانتها الا ويطيح على الارض دفتر رفعته وجود كان دفتر شكله حلو مغطى بريش موف ومكتوب عليه وجود ابتسمت وقالت في نفسها:تميت خمس سنين بعيده عن هالدفتر اشتقت له واخذته وحطته بشنطتها وبعدين خلصت اغراضها ونزلت تحت جلست مع الكل ويوم جت الساعه 4 طلعت لسكن
وصلت السكن وسلمت على سعاد وطلعت غرفتها ولما دخلت سلمت وراحت غرفتها بتنام جو البنات سولفت شوي وبعدين طلعوا البنات وخلوها تنام بما انها تعبانه بعد امس طلعت الدفتر وفتحت اول صفحه وطاحت دمعه وصارت تقرى الدفتر ومع كل صفحه تزيد دموعها خلصت قرايه وفتحت صفحه فاضيه وكتبت
بعد خمس سنوات عدت لي لماذا مالذي اعادك؟؟؟
كنت قد نسيتك او كنت اتناساك وعشت حياتي على انك اختفيت للابد
ولكن لماذا عدت واحييت شيء كنت قد دفنته مع مرور الاعوام
لماذا اين ما اذهب اراك؟؟؟لماذا تظهر لي في وجه كل شخص
لا اريد ان اعود كما كنت تلك الفتاه التي تحب ولا تلاقي غير الصد
انا احبك نعم ولا زلت احبك ولكنك تسببت لي بعذاب
وعذاب تناسيك كان اكبر ولكنني تخطيته
لماذا عدت لي لماذا؟؟؟لماذا عدت بعد خمس سنوات؟؟؟
[وكتبت تحتها لقد اكملت خمس سنوات وانت لست موجود معي ولكني لم انساك حاولت ولكني لم استطيع ولكني تناسيتك وفجئه وبدون مقدمات اتذكرك في اليوم الذي تركتني فيه واتممت خمس سنوات اتعرف اني كنت ابكي في هذا اليوم نعم بكيت لاني مشتاقه لك ولكنني اريد ان انساك وسأنساك بأذن الله] وقفلت الدفتر
((بنعرف وش سر هالدفتر ومين اللي تحبه وجود وتبي تنساه؟؟؟))
################################
وفي بيت عمي سلمان(ابو نواف)
اهات كانت بالمختبر حقها وتحوس تسوي تجارب وحده تضبط وعشره لا ولما كانت تسوي تجربه كانت متحمسه بزياده وزادت جرعه وحده من المواد مادرت الا بوووووووووووم صار انفجار بس كان الصوت عالي ولا ماصار فيها شي غير انها صارت سوداء جو اهلها بسرعه يحسبون صار فيها شي وصلوا
دقوا الباب فتحت اهات الباب وانصدمت لما شافتهم وقالت:وش فيكم؟؟؟؟
عمي سلمان:انتي وش فيك سمعنا صوت انفجار وخفنا عليك
اهات:لاعادي هذا صوت بس
نواف:طيب ليش صايره سوداء؟؟؟ ضحكوا ملاك وزياد
قالت اهات:ايه صار انفجار اكيد بصير سوداء على قولتك راحوا اهلها بعد ماتطمنوا عليها قبل ماتدخل عشان تكمل
قال زياد:عادي ادخل معك؟؟؟
اهات:اوك بس خذ عطته بالطوا وحامي للوجه ليسها زياد ودخل وسكر الباب راحت اهات تشتغل في تجربه ثانيه
زياد:انتي ليش تتركين في كل مكان اثر؟؟؟
اهات:نعم!!!
زياد:ليش ماتنظفين اللي بعدك؟؟؟
اهات:اها انظفها بس لما اخلص وقف زياد قدامها وهي تمزج المواد
وقال الحين ليش تلعبين؟؟؟
اهات:زياد ممكن تسكت لين اخلص التجربه
زياد:ماراح اسكت لين تجاوبين
اهات:بكره عندي اختبار عملي فهمت
زياد:عز الله فجرتي الجامعه
اهات:قل والله
زياد:اهم شي ملوك وباقي بنات عمامي لايصير فيهم شي
اهات:اصلا محد حولي الا وجود
زياد وصل للي يبيه وقال:والله وين الباقين؟؟؟
اهات:دانه ومها وسمر في قسم بعيد كلهم اصلا بعيدين
زياد من سمهع اسم سمر ابتسم هذا اللي يبي يعرفه :يعني بعيدين وين؟؟؟
اهات:ياخي هم اداره اعمال وانا كيمياء وبعدين اطلع ودفته لبرى وقالت مع السلامه
#############################
وفي بيت عمي عبدالله(ابو ناصر)
دلال وفهد ماناموا دلال تفكر لو صار كلام عمامها واللي قالوه في الملكه صدق وش بتسوي؟؟؟
وفهد كان يفكر بوجود طلع دفتر يكتب فيه خواطر فتح الدفتر وكتب
[انا بموت من شوقي .....تعبت اداري الاشواق فيني
صارت اشواقي تبان فعيوني....ولامن لمحني احد قال لي انت عاشق
كل الناس عرفوا اني عاشق.....الا عاشقي مايدري عني
البارحه التقت عيني بعينه......وقلت له كثيربالثواني
ياترى فهمني ولا قلبه فيه احد ثاني.....احبه الا اعشقه الا انا مجنونه
بس ياليته يحس ياليته] وقفل الدفتر ونام
##############################
وفي بيت عمي محمد(ابو سلطان)
سمركانت تفكر انا احذ زياد وع هذا اللي ناقص بعدين فكرت شوي وقالت طيب هو مافيه شي مزيون واخلاق وكل وحده تتمناه بعدين قالت بس انا ما احبه ا فان شاءالله يصير هذا كلام وبس
عمي فيصل واللي لنا فتره ماتكلمنا عنه نفسيته تحسنت كثير بالفتره اللي راحت ورجع يمارس هواياته راح نتكلم عنها بعدين
بدا الاسبوع وكانوا البنات مالهم خلق دراسه وخصوصا ان الاختبارات قربت
#######################
وبعد العشا في بيت ابوي(ابو عبدالرحمن)
جا عمي عبدالله ومعه ناصر جلسوا مع ابوي وجدي وبعد السوالف
قال عمي عبدالله:ياسليمان انا جاي اخطب بنتك..................
انـــــــــتــــــــــهـــــــــى الـــــــــــجــــــــــــــزء الـــــــثــــــــــالــــــــــــــث:
1\وش قصه الدفتر اللي مع وجود وهي من كانت تحب وليه تبي تنساه؟؟؟؟
2\عمي عبالله جاي بيخطب أي وحده من بنات سليمان ولمين؟؟؟؟؟
3\كلام عمامي في الملكه بيصير صح ولا بس كلام؟؟؟؟؟؟؟؟