[align=center]السلام عليكم ورحمة الله وبركاته
اسف على الانقطاع
رجعت لكم أحبابي
وهذه اخر قصائدي اتمنى ان تعجبكم
[poem=font="Arial,5,green,bold,normal" bkcolor="transparent" bkimage="" border="none,8,gray" type=1 line=0 align=center use=ex num="0,black"]
يا شوق قلي كيف أجي لك وأحاكيك = والا بلاها لا تبين عزوفك
توك دريت بـ شاعرك حيل مغليك = أصلاً يحبك من قبل ما يشوفك
كذا أحبك حب من مر طاريك = وأحب أسامي ناس فيها حروفك
الشعر جاك وقال شبيك لبيك = وده يوصف وأخجلنه وصوفك
آيات من رأسك اليا حد رجليك = وأبداع في خلقة أصابع كفوفك
جيتك وكلي شوق بحساس أناديك = لاتقول عني يمنعنك ظروفك
أضيع ما تقدر عيوني أتراعيك = لخدود يعكس لونها لون موفك
لو مانت غالي قلت لك خير مابيك = لكن هويتك من قبل لا أشوفك
أخذت قلبي من حناياه وشفيك = ضيعتني بين الخجل مع كسوفك
ما دام أنا بين المخاليق شاريك = الحق والواجب تكرم ضيوفك
والا تراني لا سرى الليل أسريك = وأقول حملي ما تشيله كتوفك
طريقك اللي جيت منه يوديك = لاحنا على بابك ولا أحنا ضعوفك
ما أنت أكبر أخواني علشان أدريك = يا كثر ناس (ن) نوفها مثل نوفك
ادوس قلبي لو عصاني واناهيك = أحلف يمين انساك ماهي حلوفك[/poem]
خلف بن عجلان[/align]
مواقع النشر (المفضلة)