مدح في قبيلة ( آل مره) .. يستحقونه
السلام عليكم ورحمة الله وبركاته
هذا اختياري ولكم الرأي.. قصيدة جميلة ومعبرة في مدح اعرق قبائل شبة الجزيرة العربية وهم قبيلة ((آل مره)) من احدى شبابها واليكم هذه الرائع ..
اتمنى تحوز على رضاكم ..
الـولا لله ومـن بعـده ولانــا
للرجال اللي لهم مذهـب وملـه
والرجا باللي لـه نوجـه رجانـا
الإلـه اللـي يظللـنـا بظـلـه
عَزّنا وارهى علينـا واصطفانـا
لين قمنا نعقـد الحبـل ونحلـه
ياقصيـدي لازهمتـك لاتـوانـا
وكل شيٍ زين لامن جـا بحلـه
فـز لامنـه غشانـا ماغشانـا
والغزل خله ليامـن قلـت خلـه
ابغي راع النقـد لامنـه قرانـا
يبصم بعشره علىصدر المجلـه
والله انـي مانسجـم ولااتهانـا
كون لاشفت الوجيـه المسفهلـه
والردي مانيـب ويـاه انتدانـا
اترفّـع عـن مناهيجـه ودلـه
ودعوة الطيـب ليامنـه دعانـا
من غلاه وحشمته ناتـي محلـه
مانشكك في غلاه وفـي غلانـا
بين عز وبين كيف وبيـن فلـه
ان تغيبنـا حظـر عنـا نبـانـا
وان حظرنا كيفنـا فنجـال دلـه
وان حدانا الوقـت ولا ماحدانـا
ماخلقـنـا للهوان وللـمـذلـه
من عوايدنـا مانطعـن فخويانـا
ندمـح الزلـه ولا ناتـي بزلـه
لابـدا الـلازم يكفّينـا حـدانـا
ويعتبر لابـه ودولـه مستقلـه
ولا بغت بنت الشرف تبحث خفانا
وقفـت قدامنـا والشعـر هلـه
انفحي يابنت وانتي فـي ذرانـا
واعتزي ويصيبنا خفـه وخلـه
اعتزي فينا ونبطش في اعدانـا
وسعد من حن فالملاقى عزوةٍ له
يوم جا مندوب راكـان ونخانـا
جاوا ربعي وابطشو ا في كل حله
لاح برق العز فالصلـب وشعانـا
وامطرت غر المزون المستهلـه
من قلاعتنا ومن طيـب اعقدانـا
لابغينـا الشـي لازم نستحـلـه
اننـا قــومٌ اذا دارت رحـانـا
تطحن اللي ماانطحن دقه وجلـه
ماخلـق منهـو يلحّقنـا مدانـا
رسخوهـا فالعقـول وفالسجلـه
هاكذا فزعاتنـا تسبـق اخطانـا
وكل يامي لازهمتـه جـاك كلـه
تحياتــــــــــــــي
الشـــــــــوق
رد مع اقتباس
مواقع النشر (المفضلة)