زمــن كافر !! زمـن قاســي !! بليـا مذهبُ وملّـه !!
[align=center]
مسـاء الخير ..
يوما جميلاً ياأحبتي ..
لن أطيـلَ في مقدمتي ,, ولن أتحـدث عن موضوع قصيـدتي !!
لأنني سأكتبهـا لكم وبين قلوبكـم الحنـونه ..
فأليكـم القصيـدة
رميتــك يالعـذاب اللي على الماضي تقـود خطـاي
نســـيتك والله صـدقني وصـادقت الأمـــــل كلــه
كتبت الوحشــه بدروبـي وخليت الحــزن مرسـاي
رسمـت العبـرة بعيـوني وصـارت قصتـي علــه
انا ماابغـى اجيب الجـرح واجـدد كل ظـروف بكاي
زمن كـــافر .. زمن قـاسي .. بليـا مذهبُ وملـــه
انا اطــول قصـة مكتـوبه كتبهـا حظـي ومبــداي
انا اغـرب سالفــه قيـلت لعشــاق الهــوى كلــه
عشقـت البرد بعظامي وعجـزت اتهنى في مدفاي
عشقـت ابقـى وحيـد الليل واجـر الصـوت وآتلـه
واقـطّـع دفتـر الماضي !! كتب همـي وكتب بلـواي
واخــلي الريــح تقفـي بـه وترحــل بـه قـبل حلــه
الا يــاول همــوم القلب وش آخـــر ماجنت يمنــاي
ماغيــر جروح تكـويني وسيــوف العشـق منسلــه
سكنتـك يالخيــال اللي بنـى وهمــه على دنيــاي
تطيــح الدنيـا من عينـي وتمــوت قلـوب منذلــه
وادوّر مابقـــى فينـي واغنــي من عـزوف النــاي
على شـــط البحـر صـوتي يبكّـي المـوج ويهلّــه
الايامــوج خبـرني عن احـلامي وعمـري الجـاي
رجيتــك تكفـا وارسمهــا بصـورة حب ماملــه
ولو شفت المـلل فينــي فتــأكد ماوصلـت رضـاي
انا صعـب المـزاج وصعـب يامـوج تـــوصل له
دمــوعي ماشكـت همـي وهمي مارضــى بحكاي
تمــوت الكلمـة وادفنهـا وقلبــي يشتكـي من لــه
ظــروفي تــزعل العــاذل ويترحّـــم عليّ عـــداي
وصــار الكــل يعــرفني بشــر معشــوق للزلــه
وصـار الهـم مسبـاحي وصـار الغــم هـو مركـاي
ماغيــر اجلـس واعــد اللـيل وازوّد طينتــي بلــه
يضيـق الكون بعيـوني وآنـا اضـق بعيـون فضاي
مثــل طفــلً غشــاه الدمـع وقلبــه مايبـي ذلــه
بشبــه حالتي وارســم واوضح من خفـايا حشـاي
بقـــايا قلب عنــــوانه ( زمـــاني ياكبر غلــه)
تجمــل يالزمـان اللي كثــر قربـك تبـي فرقـاي
مفـارق والله صـدقني !! مفارق هالوطـن كلــه
الا ياهـل الهـوى قولـوا وش الحيله وكيف الـراي
هذاك المــاضي اقصد به !هــوى خــلً جفــا خلــه!
وداع الجـرح ولاقسـى من وداع الجـرح غيـر خطـاي
ابـرحل ويــن يادنيـا؟؟ وحمـلي ياصعـب حملــه
وسلامتكـم !!
تحياتي ...... لكم
محمد بن صياح[/align]
رد مع اقتباس
مواقع النشر (المفضلة)