[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاغنيت يبن جخيـر يامـروض القيفـان=تحزم بربعـك وارفـع الصـوت بلعانـي
تحـن الرعـود ويلتعـج بـارق الهتـان=وتمطر مزون الشعـر وتفيـض قيفانـي
اعرف القصايد قاف معنـى بحـر ووزان=والى جبتها من بـدع راسـي ووجدانـي
اغني وانا شفقان واكتـب وانـا شفقـان=وراسـي لصلفـات الطواريـق يحدانـي
الى جيت ابركـد واتعـوذ مـن الشيطـان=تعزوابـي الجـن المسـمـى ونـادانـي
اسمـي وارتـل ماتيسـر مـن الـقـران=وبلاي ان معاي جنـون وتـزود اجنانـي
سلامي على العجمان فـي وادي العجمـان=سلامٍ ينومـس كـل عجمـي وعرجانـي
هل الوقفه اللـي فالعيينـه وفـي كنـزان=يسولف بها القاصي ويفخر بهـا الدانـي
على ذكرهم ركبت صوتي علـى الالحـان=والى من سمعني طيـب الـراس لاحانـي
ياراكان ابن سحمان ويـن انـت ياراكـان=عليـك القصايـد تعتزيـبـي وتنخـانـي
جذبني نباك وجيت وانـا وسيـع بطـان=وذكر الرجال اهـل المواجيـب يشعانـي
سلامي عليـك امـن القريـات لا نجـران=سلام الغلا من صـدري لصـدرك الحانـي
ياشوق الهنوف اخت الستر عزوة الشجعان=اخيهـا لحالـه ينطـح القـوم وحدانـي
على شانهـا كنـك تسفـح بـلا جنحـان=الى صيحت بسمك وقالـت علـى شانـي
مزايـاك واجـد يارفيـع القـدر والشـان=الى جيت اعـدد فـي مزايـاك ماامدانـي
زعيم الكرم منصى العرب مقدم الشيخـان=وسيع البنايـد مكـرم الضيـف والعانـي
بعيد النظر تاج الفخـر مرهـب العـدوان=صعوط المجنن مزبـن الجيـش والجانـي
يادفـع البـلا ماكنـك الا خشيـر الجـان=تكـرع بـدم اعـداك وتقـول ماروانـي
على شانك اسرجت القصيده وانا طربـان=عنيت وعنى شعري من اجلـك وعنانـي
لو اني اجيد اية لغـه غيـر هـذي كـان=كتبـت ومدحتـك بالفرنسـي والاسبانـي
مدحتك لحالك من محبـه ومـن صفطـان=ولا ابغي سـوى ترديـد ياحـي ماجانـي
وصية شنب ماقالهـا فـلان ابـن عـلان=ترى ذي وصيـة شايبـي يـوم وصانـي
عساني فدى اللي عزني لين صرت حصان=وعلى العـز وعلـوم الرجاجيـل ربانـي
ترى حن حـزام العـز لاشانـت الازمـان=لا قلنا تـرى حنـا لهـا والعمـر فانـي
وقفنا نهار الكـون فالصلـب والصمـان=على الموت نارد مثـل ماتـارد السانـي
نبج النحور ونقطع الروس مـن الامتـان=والى من غزينا كلنا اعبـر مـن الثانـي
لوإنا لحقنا عصـر عثمـان ابـن عفـان=بطشنا وجبنا العيـد فـي كـل نصرانـي
يوقف شعر راسي علـى طـاري الجـدان=واحس ان دمي يطبـخ وسـط شريانـي
ترانـي طبيعـي لامحشـش ولا سكـران=ولكن صميـدع راس ولسانـي حصانـي
الى من خويت اشفق على دلـة الرسـلان=والى من نهجت انهج على نهـج جدانـي
امثل هـل السمـرا ليـا جيـت فالميـدان=وعساني على القـوه وصـح الله لسانـي
اعد الحقايـق واكـره الـزور والبهتـان=وببقـى علـى ماقلتـه ان الله احيـانـي
وهذي عوايـد صـادق القلـب والايمـان=وعسى الله يثبتنـي علـى قـوة ايمانـي
واذا مامدحتك وانت راكان ابـن سحمـان=فلا خير فـي شعـري ولا خيـر فلحانـي
واذا كان هتلر شاع ذكـره مـع الالمـان=تراك انت هتلـر غيـر ماجابـك المانـي [/poem]
مواقع النشر (المفضلة)