||[ حبيـبتي تح ــفه ( سعد بن علوش ) ]|||
[align=center]
.
[ حبيبتي تحفـه ]
حبيبتي تحفه من النوع الفريد
لاجيت بمدحها اخاف اذمها
لأن المدح بها ينقص ما يزيد
ولأنها خيال وطايش مهما
متمرده وبعقل هارون الرشيد
وفي الزين ما عذرا توقف يمها
لو قستها مثلا على الجيل الجيد
تحط حليمه بولند بكمها
من غيها السادات سوّاد العبيد
تحر وتبرك عند ركبة عمها
ومن غيها لامن تثنت كل حيد
وده يصير إنسان لأجل يلمها
ومن غيها حتى دهن العود العتيد
يسيل في يدها عشان يشمها
من غيها لاخذت نفس جديد
تخانقت الأنفاس على فمها
لبيها ام الفكر وأم القصيد
لبيها من ضحكها لـ غمها
إللي بقوله جعلها الحظ السعيد
والله يخليها لأبوها وأمها
.[/align]
رد مع اقتباس
مواقع النشر (المفضلة)