هـــاك القــصايـد ..."خالد المريخي"
هاك كل القصايد .. هاك وأقريهن
لاتقولين وش آخرهن وش أوّلهن
كلّهن فدوةٍ لك هاك قوليهن
في لسانك ترى لسانك..يجملّهن
غيبتك أثّرت في حال راعيهن
قطعة أيام عيّا لايتحملّهن
بس يمكن ثلاث أيام غبتيهن
لعنبو..هالثلاث أيام..ماأطولهن!
طالعي في فعايلهن وشوفيهن
تحت عيني تبيّن لك فعايلهن
ماارحمنّي بعد ماطحت في يديهن
بهذلّني جعل ربي يبهذلهن
ماهقيت أني اسلم من بلاويهن
كان سيئ معي جداً تعاملهن
وتهت حتى القصايد قمت اعنّيهن
يكملن..وانسى واعوّد واكملّهن
والمعاني غريبة..؟! قمت أنقّيهن
عقب ماكنت من قبل آتحايلهن
وقلت مادامهن جنّي برجليهن
بااتشرّط عليهن وآخذ اجملهن
اتركي هالثلاث أرجوك خلّيهن
سولفي بأي حاجة..بنتجاهلهن
انسي أيامهن وانسي لياليهن
همّليهن وأنا مثلك بااهمّلهن
لاتجيبين سيرتهن وطاريهن
أنزعج حيل..لاقمت اتخيّلهن
شعر: خالد المريخي
رد مع اقتباس
المشاركة الأصلية كتبت بواسطة هنوف العتيبي
مواقع النشر (المفضلة)