المرجله قذله وطله وسيمه
ياذا الزمن ماعاد للصدق قيمه
ماعاش بك إلا حرامي ونصاب
الذيب خايف والامن للبهيمه
والديك صار اليوم يضرب بمخلاب
وطالت قصور اعراب من عقب خيمه
وصار التطاول فالمباني للاعراب
ومن الحسد ماعاد تنشاف غيمه
وفوق الثرى ماعاد تنشاف الاعشاب
الجار صار اليوم جاره خصيمه
مابينهم مسيار والباب بالباب
والذل حكمٍ للنفوس الكريمه
خربت موازين الحكم والرجا خاب
اهل الوفا والطيب عمله قديمه
في مجتمعهم مالهم كرت واحساب
طفل المهاد اليوم سِمي صتيمه
واصبح ضعيف النفس مصدر للاعجاب
والمرجله قذله وطله وسيمه
وذقنٍ مدوكر واهتمامٍ بالاسلاب
تنافس المكياج طوني وميمه
ماعاد نفرق بين خفرات واشناب
ياسكبةٍ مامن وارها غنيمه
لاشابه الرجّال تلعات الارقاب
هذي حقايق والحقايق أليمه
يقولها اللي شاف ماعاف وانصاب
يقولها واللي زعل مايضيمه
اللي زعل من حق يشبع من إتراب
ياذا الزمن ماعاد للحر قيمه
ماعاش بك الا عصافير وغراب
..........
مما رااااااااااااااق لـــــــــــــــــي
رد مع اقتباس
رد: المرجله قذله وطله وسيمه
مواقع النشر (المفضلة)