يابنت لاتشكين من ويـل فرقـاك
ترى شكاتك تبعث الحـزن فينـي
ادري من الفرقا نعم جاك ما جـاك
وادري بانـك يالغـلا تفهميـنـي
على فراشـك لاتجوديـن ببكـاك
عمر الوساه مـا تفيـد الحزينـي
هذا شعاع الشمس يابنـت حيـاك
كنـه يلـوح لـك بيـده اليمينـي
كنه يقول ادواك يابنـت بخطـاك
امشي على الدنيا علـى ماتبينـي
واما نسيتـي او تناسـي بلايـاك
لاتنبشين الجـرح دامـه دفينـي
هذي الحياه اكبر من احكاي وحكاك
لازان فيها شـي شـي" يشينـي
ولا الاوادم لـو بعضهـم تجافـاك
هذي البشر فوق الثرى ممتلينـي
غيره الوف الـي مناهـم ملاقـاك
هذا وانا اولهـم تعالـي خذينـي
مواقع النشر (المفضلة)