بسم الله الرحمن الرحيم

قصيدة مطلق النومسي أحلى ليال الصيف , اشعار مطلق النومسي , شعر أحلى ليال الصيف , ابيات من كلمات الشاعر مطلق النومسي

بمناسبة تخرج الشيخ / أحمد العواجي (أحد أبناء المرحوم الشيخ / صالح بن الأمعط العواجي) ..

من كلية الملك خالد العسكرية .. وتعيينه برتبة (ملازم) ..

أقيم حفل بهذه المناااسبة ..بمنزل الشاعر الكبير وصااحب الموااقف النبيلة ..
الشيخ / فهد الركاد النومسي .. والد النجم / مطلق النومسي ..


والجدير بالذكر .. أن الشاااعر مطلق النومسي .. جعل مساائهم غير مسااء ..

بقصيدة لاامعة كعاادته الفذة ..

إليكم ماااجعل المساااء (غير) .. مسااائكم شعر ..





أحلى ليال الصيف هالليلة ولا فيها كلام
وبحيل رب البيت يامن تسمعون وقوته

إني لاسمعكم قصيدة تعتلي فوق السنام..
وتميزون العالم الحية من المتموته

شاعر ولي وزني ولا ينقص منه ملي غرام
والشعر جبته حوت وأسماك الشعر متحوته

ماجيت بالتصويت وأفزع ياعويد وياغلاااااام
ولا وقفت أرقب وصول الصوت واللي صوته

أكحل عيون البيت وأطلع به على متن الغمام
وإن ماضوى بالطيب حضرت الجنون وضوته

معطيني الله موهبة والموهبة مثل الحسااااام
يعيش في كف الولد ولا الجبان يموته

وأنا مزاجي رايق الليلة ولا فيه أنقسام
حتى ولو قلبي مشاهيب الليالي كوته

سعيد هالليلة عسانا بالسعادة كل عام
والله يحيي من يعرفون الرجال مروته

هلا هلا ماغرد القمري وماطار الحمام
ترحيب مكسي طيب من ساسه إلى ترقوته

يامرحبا بأحمد ولد صالح مواريث الكرام
أحمد ولد صالح ويكفيك الاسم وسموته

هذا ولد صالح وصالح يرحمه رب الأنام
راح وترك لي في عياله فزعته وحموته

واليوم جينا نحتفل بأحمد بعد لبس الوسام
والنجمة اللي خاوت متونه تمنى خوته

يستاهل النجمة ويستاهل معاها الاحترام
نسل الشيوخ وشيخته ماهي عليه مفوته

هذا غصن شجرة عظيمة ظلها برد وسلام
يمنى حجيوي نبتت ويدين صالح سوته

من وين مادرته محكحك من خوال ومن عمام
رابي على العزة ومن رباه صان ربوته

قولوا لعبدالله جلالة سيدي نسل الإمام
أبشر برجل بالمواقف ماتغيب جروته

سيف مجرب مايقص إلا صليبات العظام
وقلبه جبل ماهزة السعلو ولا سعلوته

ماني مبارك له وأبارك لعنزه شرق وشام
أحمد شنار لعنزه وعيال وايل قوته

إي والله إنا قوته ودروع جنبه والحزام
مثل اللغم جاهز على التفجير حسب عبوته

ياحلو جمعتنا وفرحتنا على حسب النظام
بالليلة اللي غايب عنها الردي وذوته

أقولها باسمي وباسم أبوي في مسك الختام
الله يحيي من يعرفون الرجال مرووووته