بسم الله الرحمن الرحيم

قصيدة فيصل العدواني ارحل , اشعار فيصل العدواني , شعر ارحل , ابيات من كلمات الشاعر فيصل العدواني

بتغيب يعني لو تبي تغيب وتروح

منت بأول شخص عن دنيتي غاب


عادي توكل يابن الأجواد مسموح
أنهي المحبة و خلها خوة أصحاب


و إلاتمهل .. ليه أصاحبك ويلوح
برق يشيل بغيمته رشة عتاب


أخاف يضعفني ويضعفك وينوح
ورق يغني ذكرياتك ولا تاب


ارحل عسى درب الجفافيه مصلوح
وانا با أسكر دون طاريك هالباب


وان جيتني عاني ترى منت مسموح
ماتنفعك قولتك " فالماضي أحباب "


جنب خفوقك لحظة الضعف والبوح
والعذر ماينفعك لو تبدي أسباب


درس تعلمته بعد عداة اجروح
وكان الثمن أغلى من الحظ لوطاب


فقدت نبضي و انطفت عقبها روح
والميت ما تحييه دمعات الأهداب


والحين كانك ناوي تغيب و تروح
ارحل ولاني مرتجي واحد غاب