بسم الله الرحمن الرحيم

قصيدة يا ضعف قلبي

ياضعف قلبي …لشاعر محمد بن فهد الهاجري
ياضعف قلبي بالمفارق وياقوّك
ماكني الي بالمحبه مواليلك !!
ياكبر قدرك داخل الروح / لوّك
تعرف مطاليعك وتعرف مداخيلك
ياصاحبي وادع وباخذ على جوّك
وجهّز عقب فرقاي علبة مناديلك
باين وأشوفك تالي الوقت متكوّك
وأثرك معي ناوي بقطعة مواصيلك
مسكين ماتدري وأنا أقولك توّك ؟
شهور والا سنين ( تعرف وش أعني لك )
وش ينفع الجوال لاغابت آلوّك ؟
ماينفعك حبّك لاراحت مراسيلك ؟
بيدك شعلت الضو وبيدك طفت ضوّك
وبيدك خسرت الي معا الوقت يدعيلك
ياسوء حظي فيك بالحب وياسوّك
ماهمّك الا حب نفسك وتدليلك
الله لاجمع حقوقك معا نوّك
دامك ربيعي بالجفا ويش أسويلك .. ؟
كذاب لو بتقول كنقك ومحلوّك
شلون أبسكت / وأتجاهل / وأمشّيلك ؟
لاواللّه اللي م أغنت الروح هالوّك
المغني الله لي ليالي ولك ليلك
على العموم الدرب مغلق ومتشوّك
وخلّك مكانك لاتجيلي ولا أجيلك