الشمعه اللـي بتـال الليـل مطفيـه
مسراي قرب و أنا ما ولـع سراجـي
يا نجمة الليـل ياللـي فيـك ماريـه
دليني الدرب منـي ضـاع منهاجـي
الصاحب اللي بدالي و أختفى ضيَـه
ما يدري إنه فرح و أحزان و إزعاجي
صارت سنين العمـر قصـه خياليـه
من واقع أحداثها مـا فيـه مخراجـي
كم ليل فيه القمـر عـذرى سحاويـه
من كثر ما تستحي حسيت بإحراجـي
أرسم علـى خدهـا أحـلام ورديـه
و أكتب على صدرها نغمات و أبهاجي
و أكسر جموح الوهم ما تعبت إيديـه
و أطوي ديار العنا عن ذيك لنهاجـي
ليته قرأ أو عـرف معنـى الهجائيـه
أو حس باللي سكن ما بين الأعواجي
بس البلاء إن صاحبي عنـده ثانويـه
و ما ميز اللي شروا من عند حواجي
و ما يعرف أخبار مـن يـم العمانيـه
و ما عنده آثار من صنعاء ولبراجـي
خلوا العجايب على الأنقاض مرميـه
خلوا النتائج على المصيوب والناجي
أسرار تو المـلا و أسـرا ر مخفيـه
و أسرار منها مابين الرأس و التاجي
فيها المعاني تقرب حـي مـن حيـه
و فيها المعاني تفرق بيـن لزواجـي
حطوا عليهـا مـن الأقطـان طويـه
و حطوا عليها من الخيطان والعاجي
رمِيت بشتـى بقـاع الأرض منسيـه
واللي بطلها ضحية ما لـه إعلاجـي
ليلـه لفتنـي و أنـا مشتـاق للجيـه
مسراه مسراي و المعـراج معراجـي
تشكي لي الوقت يـا مكثـر بلاويـه
و تشكي لي الليل لجـا يمهـا داجـي
قلت الهوى يا صغير السن يـا بنيـه
ماله طبيبٍ و لا له عنـدي علاجـي
إن كـان ودك لعينـك جبـت ياميـه
تعجبـك لجـا نهـارٍٍ فيـه عواجـي
نأخذك بالسيـف و البنـدق و جنبيـه
و نشيل ضيمك لمنك جيت محتاجـي
قالت دخيلك أنا مـا عـاد لـي نيـه
لله شكواي و الرحمـه لهـا راجـي
بأعيش وحدي بوسط الكـون منسيـه
عقد ورساله حبيسه داخـل أدراجـي
مواقع النشر (المفضلة)