السلاام عليكم ورحمة الله وبركاته

كيفكم يالطيبين عساكم بخير :confused:

اولا بسم الله والصلاه والسلام على اشرف الانبياء والمرسلين

بهالموضوع اتكلم عن ظاهره انتشرت بين الفتيات والشباب بذات في المدارس المراهقين
والله يا اني ادخل بلحمامات الله يكرمكم القا البنات الي بفصلي اكفانا الله شرهم وهداهم الله احتكاك جنسي بينهن ولمسات ومن هالشي
صارت كنها موضه وهالظاهره الي نتكلم عنها هو الاعجاب والشذوذ
والاعجاب يقوم على شيء لايرضي الله بتبادل الكلمات الشاعريه واللمسات
وطبعا هذا يعود لاسباب وتقصير من الاهل ومن اهم هالاسباب
ضعف الوازع الديني فيجب على الاهل بنصحهم بطريقه يعني غير مباشره وتشجيع بينهم وتحدي مثلا يله خلونا اليوم نحفظ جزء او ورد من القران ونسمع لبعض او تهدي الام بنتها او ولدها مطويه تذكرها بلله عز وجل وباحوال واهوال يوم القيامه عشا ن قلبها يحن ويخشع لله بحيث انها لو تفكر تسوي شي او احد يجرها لمعصيه تتذكر الله وتتقيه في نفسها
والسبب الثاني الفراغ العاااااطفي وهذا السبب لو تمسك اي واحد تقلله ليش تسوي كذا بيقول نتسلى ومنها نحس شوية حنان
وبتجون يالاهل تقولون اشلون فراغ عاطفي وش نسوي بهم اقللكم انا وش تسوون
تحتتوونه بالحنان والحب يعني يجي ولدتس ولاا بنتتس تضمينها تسولفين تمازحون وضحك وهاه من هالكلاام وتمسكينها بعد ماتجي من المدرسه هاه وش سويتي اليوم تجي تعلمتس هي وتسولف لتس احسن من انها تدق على خويها ولاا حبيبتها وتسولف له وتفضفض
واالسسبب الثالث
الدددددددددددددددش ياناس الدش ذا لاا تستهونونه وش سوا من بلااوي هالدش
يقلدون الممثلين والممثلاات انا اعرف وحده منمصه قلت وراتس منمصه حواجبتس والله ياانها قبل التنميص حلوه والحين شانت بعد التنميص قالت والله اني ادري انه حرام وملعونه بس وش اسوي من حبي بهالممثله سويت مثلها
ها بالله وين تصرفونها ذي؟
لااوبعد ازيدكم من الشعر بيت قناة اقرا الدينيه الزينه جا فيها كرتون جلست اتابع مع بزران خالتي الااوالكرتون وش يعلمهم عليه يعلمهم على انهم كيف يسوون الخمر
وش رايكم بهالشي خلااص اذا انتم ماتقدرون تبعدون عن التلفزيون على الااقل بعد ماتخلصون متابعه انتم يالكبار شفرو القنوات وخلو القنوات العاديه النظيفه لهم وبس

واخيرا اقللكم يللي تحبون وتعشقون مانقول ان لااتحبين نهاائي الاا حبي بس حب في الله حلاال شريف الحب موب بلحركات الماصخه الحب بالنصح والكلاام الي يرضي الله وقال الله تعالى يوم القيامه اين المتحابون بجلاالي اليوم اظلهم بظلي يوم لااظل الاا ظلي

واعذرونا على التطويل بس والله اكتب هالكلام من قهرن اشوفه بعيني ويدورون الحل والحل قدام اعيونهم وصلى الله وبارك وسلم على سيدنا محمد وسلاام
اختكم راعية الزين