بنات السعوديه
إن بغيت الطيب فيها طيـب مـا مثلـه مثيـل
وإن بغيت الحسن ربي صاغها بـأروع جمـال
وإن بغيت الجود فيها الجود من عـرقٍ أصيـل
هذي ( بنت المملكه ) بنـتٍ تضاهـا بالرجـال
ما تعرف اليأس أو قولة ( بعيد ) أو ( مستحيل )
ما تلاقي عندهـا تعريـف للكلمـه ( محـال )
الصبوره .. القنوعه .. ترضى بالشـي القليـل
لوما أخشى من الملامه كنـت ألبسهـا عقـال
الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال
بنت أبوها تخدمـه بعيونهـا لـو هـو عليـل
وأمها تفخر بها وتدعـي لهـا بولـد الحـلال
أي وربـي للسعوديـه انـا مارضـى بـديـل
يا بعدهم يالرطب ياللي كسـر سـوق الخـلال
يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال
يالحشيمه .. يالرحيمه .. يـا وفيـه بالخليـل
زان طبعك من جدودك ثـم عمامـك والخـوال
من يلوم اللي غدى مـن نظـره بعينـك قتيـل
لو يحاول أو يقـاوم ؟! مالـه بموتـه مجـال
إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال
من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال
إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال
إنتي أختي وإنتي أمي وكـل إحسـاسٍ جميـل
وإنتي العشق الحقيقـي وزوجتـي وأم العيـال
لو ألف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال
إنتي مثل النجمه اللي تضـوي الليـل الكحيـل
وإن يطال سهيل فانتي النجمه اللي مـا تطـال
اخــتــرتــهـــا لـــــكـــــم
][][§¤°^°¤§][][ سكووووووووووووووووووووووب][][§¤°^°¤§][][
رد مع اقتباس
مواقع النشر (المفضلة)