ثـامـن المـعـلـقـات !!

[مهند الخالدي]

السلام عليكم

اعتذر عن الإطاله

[poem=font="Simplified Arabic,6,blue,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
قل اعوذ باسـم ربـي مـن اللـي سُبـات = باسـطٍ سبـعٍ ورافـع سبـع فـردٍ صمـد
لااله الا انـت جليـت باسمـك والصفـات = واشـهـدُ ان محـمـد رسـولـك لـلأبـد
امتطـي جيـبٍ وبـه كامـل المواصفـات = قايـده فتـىً شجـاع بحياتـه قـد زهــد
ماتـردّه نازيْـه او حجـر ضلـع السـراة = صـدّره عبـر البواخـر وكيـلٍ معتـمـد
اعـرف انـه صامـدٍ بالريـاح العاتيـات = حيث حنا فـي زمـن كـل شـيٍ مستجـد
حـط لـي كاسيـت ولاتشغـل المكبـرات = والـوعـد قــدام لالاتـأخـر بالـوعـد
حبـذا لوهـو شريـطٍ يضـم منـوعـات = من عصور الجاهليـه الـى كبـري البلـد
لاتشوبـه شايبـه او خـوى او منـكـرات = منه شيطان الدجى شـف ضلوعـه ترتعـد
فيه مـن حـس الحِكـم نبـره ومؤثـرات = لا لماذا .. لا .. لأنْ .. لا .. ولكن او لقـد
إن سمع فيه اليهودي يهاجـر مـن إيـلات = وان نصـت لـه مسلـمٍ كبّـر ولله سجـد
جنة الدنيـا / لمـن ذاق سكـرات الممـات = او تحـرر / بعـد ماكـان بالسابـق عبـد
ونارها / ريّس بلد وسـط سلـة مهمـلات = او ولد شيخٍ على الحنظلـي عقـب الشهـد
وش بلا راسي يـدور بزمـن متغيـرات ؟ = والدليل / السبت زعلان مـن يـوم الأحـد
رب أعذني من شياطين أنسـك والشمـات = شفـت رجّـالٍ وحولـه جماعـه مضطهـد
يامليـك الجـن جتنـي هواجيـس الوفـاة = شفت لي حلـمٍ وبـه ثمثـمٍ يطـرح اسـد
مدري حلم مدري علـم الوكـاد انـه رُفـاة = حتى ان عظـام فكّيـه فـي نـاب الفهـد
والله ان الفانـيـه ماتـسـر النـايـفـات = والردى لولا الردى كـان مالطيـب انوجـد
يازمـانٍ كـن بـه مشركـي عُـزى ولاة ! = أرقـد آمـن مالـك ومـال نقّـاض العهـد
النصـارى نقلـونـا دروسٍ قاسـيـات ! = واليهوديـه علـى عشقهـا محـدٍ نـقـد
والبـلا ضـرب التحيـه ورفـع القبعـات = فـي كواليـس السياسـه هزايـم تُحتشـد
الله اكبر صاروا الحُمـر شجعـان ورُمـاة ! = وين خيّال العـرب ليـه مايرعـد رعـد ؟
يالجيوش الضاريـه مالكـم والتهلكـات ؟ = ارحمـوا عزيـز قـوم بضيافـة مستـبـد
منحدر حطـوا عليـه شايعـات ولافتـات = وبندقيـه معمـره وعسـكـريٍ مستـعـد
وش هو ذنبك يالفضا من ضجيج الطايرات ؟ = وانـت لاطيّـار ولاطـيـر نــاوي للهدد
آآآآه يالدنيا وش اللي جرى عقب النجـاة ؟ = يوم جر ابن ربـاح العـذاب .. احـدٍ احـد
شف دليـل الجاهليـه علـى وئـد البنـات = جاهليتنا ولكـن ... حدينـا هـل وئـد ؟؟
خير يخص وشر يعـم .. البـلا متوافقـات = بيـن شمّاعـة خطانـا وجاهـل مجتـهـد
لاتنـادي يامنـادي تـرى مهنـا حـيـاة = عنـدك الطرمـان لاتتعـب انفاسـك لهـد
اكتبـوا عنّـا علـى ثامـن المعلـقـات ! = دام راحـت مـع مضـر كـل طـيٍ والأزد
كيـف ننهـض دامنـا بانحـدار الهافيـات = عمركم شفتوا مروبع بـلا حبـل ووتـد ؟
والله ان العـلـم متكاسلـيـنٍ بالـصـلاة = ياآلهـي عفـوك ان طـال فينـا هـالأمـد
ويـل قلبـي لاتمعنـت فـي هالكائـنـات = ماطرالـي غيـر قبـري وكفنـي واللحـد
يقطـع الله كـل جعبـوب يصـرخ باللهاة = يشرب الجريـال طنخـه ولايشـرب ثمـد
اشهـد ان الهـون مافيـه طــبٍ او دواة = ومايضيرك غير رجّـال .. ماعنـدك أحـد
والجيوش اللـي نراهـن عليهـا ماتبـات = ولت الأدبار وعقـب الفـرح صـارت نكـد
كرسي الحلاق وجَلد البشر سـوط وعصـاة = ولعبة الشطرنج والكـاس وعشّـاق النـرد
ليه صرنا في جناسي الظفر خمسة فئـات ؟ = وليه بعض الناس رقّاد وناسٍ فـي سهـد ؟
حالهم محـدود حتـى المعانـي هابطـات = والخجل تحت الثرى فـي عيونـك يالرغـد
والله اني واحدٍ مـن الـوف ومـن مئـات = ثار راسـه مـن عجايـب زمانـه وانتهـد
آآآآه من ليلٍ يجـي فيـه تحطيـم الغُـزاة = اشهد ان الروم والروس والفـرس اتهجـد
ارض مكـه والمدينـه اراضـي مباركـات = عـن احاديـث النبـوّه توارثنـا الـولـد
هـو سمّيـه والبطـل والـدول متناحـرات = والله ان اللـي يجـي فـي طريقـه ينقـرد
مايهمـه برتوكـول او خطـوط امعاهـدات = والعدو مـن حكمـة الله جرحـه ماضمـد
يـاسـقالله يـاسـقالله ليـالـي قـابـلات = كلهـا عـدة فراسـخ وسيفـه ماانغـمـد
آيـة الكرسـي ونتبـع بهـا بمـعـوذات = من شرور آخر زمن والفتـن ويّـا الكمـد
آخرتهـا مـاابـي أقــرض المـطـولات = باختصرها لـو زعـل قـام حتـى او قعـد
ياحبيبـي ضاعـت اعدائنـا بالمـفـردات = اسمع حروفي تعـال انـت ياوجـه السعـد
تدري وش وجه الشبه انـت والمخـدرات ؟ = كلكـم لاجيتـوا الريـق ابــن آدم فـقـد
بس ماتدري عـن الفـرق بيـن السيئـات = بالحلال انته حيـاه ميـر ذا المدمـن رقـد
قلت ابدّل شفرة احـروف نطقـي والقنـاة = لن من جد وجـد الفتـى يخشـى الحصـد
حظي اللي قد رمانـي علـى درب الجُنـاة = مشكله لاصرت رجّـال بالـش فـي وغـد
من عطش مايرتوي لو شرب نهر الفـرات = والحقد راعيـه خسـران يـوم انـه حقـد
لاترّقـص نيتـك فـي زمـان الراقصـات = واعـرف ان الخايبيـن مالهـم ايـة عـدد
هذا انا لاجيت اهوجس على جسـر المشـاة = عاذلي بدري عليـك انخمد...بـس انخمـد [/poem]

[الحوراء بنت نجد]

قل اعوذ باسـم ربـي مـن اللـي سُبـات
باسـطٍ سبـعٍ ورافـع سبـع فـردٍ صمـد

لااله الا انـت جليـت باسمـك والصفـات
واشـهـدُ ان محـمـد رسـولـك لـلأبـد


الله الله يامهند الخالدي---- ثمان المعلقات التي طافت


بنا عمق المحيط لتخرج من جوفه اللؤلؤ المنضود بهذه


الدرر المتناثره عبر سماء البوح في كل معلقاته--


أبدعت أبدعت (بسم الله عليك أيها الشاعر المبد ع)



الف صح الله لسانك----


(( للتثبيت )) تستحق هذا أيها المتميز


الحوراء بنت نجد

[سلطان حامد]

مهند الخالدي

لله درك لافض

[سلطان حامد]

مهند الخالدي

دايما رائع ومييز

لله درك ولافض فوك على ماورد اعلاه من روعه
قصيدة شاعر كبيروانت رائع و مثير وتستحق مننا الكثير
فصح بدنك اليوم وكل يوم
ودمت بالف خير

[الإنسكاب]

وعليكم السلام ورحمة الله وبركاته


مساء جميل \\ مهند الخالدي


هنا .. تفننت .. وروضت .. الحرف كما تشااء ...


هنا..الابداع .. والتمكن ..



هنا .. شاعر .. فوق المديح كله ....


لن اوفيك حقك على هذه القصيده مهما تكلمت .....


صح السانك واحساسك ...


بأنتظار جديدك ...


احترامي