[poem=font="Simplified Arabic,5,white,bold,normal" bkcolor="sienna" bkimage="backgrounds/22.gif" border="double,4,teal" type=1 line=0 align=center use=sp num="0,black"]
ضربني ثم بكى مني وسبقني يشتكي نقاد=اجل لوكنت ضاربته انا وش كان سماني؟!!
سطى بالخنجر المسموم وسيف في يده جلاد=طعني طعنة نجلا حبيبي ثم تبلاني
يبادلني غلاي بنار هجر ٍ .. جمرها وقاد=كثر ماعطيه حب يزيد في بعده ويجفاني
بمقياس الغلا صرنا انا وصويحبي اضداد=تناسب بيننا عكسي ليامن جيت خلاني!!
اجيه وكلي اشوق وحنان مكتسيه وداد=بقلب ذابت عروقه بعد ماطال حرماني
من اللهفه على شوفه اجيه اسابق الميعاد=تسابق خطوتي نبضة فؤادي ورعشة اجفاني
واحاول بالكلام ارسم صور وارسم لها ابعاد=وقبل اقولها تنطق عيوني وتسبق لساني
اسولف له عن أحوالي يسولف عن فرس وشداد=يقول الحرب كانت بين جدانك وجداني
واقول ارجوك ياعمري شتاي بداخلي يزداد=ابي ليلة غلا تنعش حشاي وتدفي اركاني
ابي ساعة دفا ودين الوله له خافقي سداد=طلبتك يابعد عمري علشاني علشاني
انا اترجاه ويكرر انا لي لابة اسياد=غزوكم ثم سبوكم واسئلي فلتان وفلاني
عساهم مانسوا جيش عليهم عادي منقاد =ويستطرد:ترى لي لابة شجعان 00فرساني
واقول ونعم ياعمري تراكم كلكم قياد=قروم كلكم ياسيدي فرسان شجعاني
وركز نظرته فيني يناظر والعيون حداد=بعد تستهزئين بهرجتك تشنين عرباني؟؟
نسى اني بنت عمه والتقيه بخامس الاجداد=يبي يغضب علي باي صيغه لو هوالجاني
سكت وهوسكت مثلي يحسب السالفه بعناد=وقال :انتي بديتي بالهجر وقلبي منك يعاني
تركني تنزف جروحي ولبسني جروح جداد=شكيت ونقض جروحي ولوعني وبكاني
وسبقني يشتكي مني مثل ماهو على المعتاد=اجل لوكنت جارحته انا وش كان سماني[/poem]
للشاعره همس العتب
مواقع النشر (المفضلة)