تركي الديحانــــي ,, والجوهــره اللمـّاعه
قصيده اعجبتني للشـــــاعر تركــــي الديــحــانـــي
اتركم مع القصيـــده ,,, واتمنى تعجـــــبكــم
,
,
ذعذع الغربـي هـواه وشاقنـي ذعذاعـه
والنسيم العذب يرسـم صورتـك يالغالـي
وكـل ماتطـري عليّـه يـوم والا ساعـه
رحت اجر الصوت واحذف غترتي وعقالي
جيت طيّرت الخفـوق وسرّنـي مطلاعـه
بارك الله بالغرام ان صار وضعـه عالـي
مالكٍ قلبي ولا لـك غيـر سمـع وطاعـه
جعلني فـدوة غـلاك وحكمـك الليبرالـي
اعشقك واغليك يانبض الحشـا واوجاعـه
كن قلبيلك وطـن عشـاق وانـت الوالـي
دايم اجيلك غـلا مايـوم جيـت اطماعـه
لاذكرتك سقـت رجلـي البيتكـم طوالـي
لو مشاويرك دوامـي ماشكيـت اوضاعـه
اي واحـد مـن يعرفـك ماقعـد بطالـي
ياذهـب يامعجـزه ياجـوهـره لمـاعـه
ياخشيـف الريـم يافلتـه ياسكـر حالـي
لو تركـت البنطلـون ولبسـت الدراعـه
ارتفـع سعـر الثيـاب ويقعـد البنطالـي
شفت راع الذود لا استانس على مرباعـه
كنها فرحـة خفوقـي لا مشيـت اقبالـي
ولا تكابـر دام قلبـك مشتهـي مرجاعـه
مايخلينـي حشـاك ابحـلّـي وترحـالـي
بيننـا ربـط المواصـل ثابـتٍ بطبـاعـه
ارتبـاط الشـمـري بعقـالـه الميـالـي
الجفا ملعـون خيّـر لـو تزيـد انواعـه
والمفـارق مايغشمـر جعلـه السـلالـي
واحـدٍ مثلـي غرامـه ملتـوي بذراعـه
ويش اسوّي وانت بخلافي تمـس احبالـي
فوق كل اللي حصـل جوارحـي فزاعـه
تدحم اللي كـل ماشافـك يـروح ايلالـي
ومن يسولف بك وانا حاضر كسرت اخناعه
دامنـي مـن روس قـومٍ تدحـم العيالـي
وان تمادى شتّه ابرجـلٍ ماهـي مرتاعـه
مثل شوتـة دالبيـروا لا عـب الايطالـي
ماقدعت امن القـدوع ومهجتـي ملتاعـه
تقصر الفنجـال عنـي والـدلال ادلالـي
بوش واقف ضد تخصيب احمدي واشعاعه
ومن يشوف اشعاع خدك حاربـك طوالـي
انت بحر الحب من موجه الياخـر قاعـه
جعل شخصٍ ماعشق حلياك مالـه والـي
الزقـاره تلتهـب مـن لاهـب الولاعـه
ابك قـرّب ليمتـى والحـال هـذا حالـي
دق تسعـه مـع ثلاثـه وارفـع السماعـه
مـن سواليفـك ياروحـي فاطـمٍ جوالـي
بـس تكفـى لا تـدق الا حـدود الساعـه
تسع والا عشر واصلنـي ويزيـد اهبالـي
من غـلاك الجـو متعـه ياحلـو امتاعـه
وكل ماشوفك يصيـر الجـو جـدٍ عالـي
ومن يعيش الجو معـك ولايـدق اسماعـه
ليـت قلبـي مثـل قلبـه مدلهـم وسالـي
(( وســـلا مـــتـــــكـــــم ))
رد مع اقتباس
مواقع النشر (المفضلة)