تعالي وقربـي منـي تدلـي ياشبـه عنقـود
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعالي وقربـي منـي تدلـي ياشبـه عنقـود=وانا اللي بالصبر ماطلت لا حامض ولا حالي
عضيم الوجد في عيني وقلبي من الوله ملهود=ومن نظم الحزن باين على لحنـي وموالـي
اجاذب نايح الورقى وغني في هبوب النـود=والا منه ضواني الليل اسامر نجمي العالـي
الين ان السهر خلا تحت عيني رسوم سـود=وضاق الكون في عيني بحر وهضاب وجبالي
اسلي القلب في فرقاك وتوجد عليـك وجـود=وياليتك علـي اتحـن ولا تـروف بحوالـي
همومي ماتخليني على كيفـي وكيـف اهـود=وكيف ارتاح وريح خفوق من العنـى بالـي
دخيل عيونك النجلا حذاري تقطـع الممـدود=بسلك معاويه بينـي وبينـك ياهـوى بالـي
وحب حرف من كلمة غلا في داخلي موجود=ارددتهـا ورتلهـا علـى قلبـي وغربالـي
احبك ايه احبك يابعد عمري بـدون حـدود=واحبك حب ما حبه غلا غالي علـى غالـي
شبيه الورد في عيني ولو ما للـورود اورود=وانا عدي محيل وحال حوله يابـري حالـي
شبيه الريم ولا الريم في حسنه بعـد وتـزود=على حسن المها وعيون خدر الناعس السالي
سحرني حسنك الفاتن وقيدنـي بـدون قيـود=بسحر جعود هنديه وسـود دعـج وضلالـي
حشى مالك شبيه ولا يشابه لك حشى مولـود=تغار الغيد من حسنك وكن احسانهـن زالـي
من اقدامك الى هامة جعودك يانعيـم العـود=طغى فيك الجمال اليوسفي وطغاك من تالـي
وانا اللي كل ما شفتك ذكرت الله عظيم الجود=وبسم الله عليك من الحسد وعيـون عذالـي [/poem]
رد مع اقتباس
مواقع النشر (المفضلة)