السلام عليكم ورحمه الله وبركاته..

امـا بعـد اجدد اللقـاء من جديد واحيي هالوجيـه البشيشه والجميـله ..

اتمنى ان تنال هذه القصيــده اعجـابكم ..




صايد غروب الشمس وش حدك على وقت الغروب
فيـك أرتمـا حلـم السنيـن وهمهـا وتغريبـهـا


كنك من أذنوب الزمـان وجيـت والدنيـا ذنـوب
حرَكـت فالدنيـا مواجـع وأنــت ماتدريبـهـا


لو جيت فيطار الشمال وجيـت فيطـار الجنـوب
كـل أتجاهـات البسيطـه فـي مـداك تصيبـهـا


عالمك عالـم مـن خيـال وتهتـوي فنـك قلـوب
أتلخبـط الدنـيـا وتـرجـع تـبـدع فترتيبـهـا


دقتك دقه فختصـار الوقـت وأسلوبـك أسلـوب
فيـك المزايـا كامـلـه والـنـادرات أتجيبـهـا


أعزف على أوتار الحزن من كل حدب وكل صوب
خل القلـوب اللـي بليـا أحسـاس يطلـع عيبهـا


الدرب دربي ودام دربـي تجتمـع فيـه الـدروب
أشعـل فوانيـس الـدروب ولا يهمـك غيبـهـا


الوقت وقت الأذكيـاء وأنتـه ياغالـب يامغلـوب
واللـي فهمهـا صـح يعرفهـا ويعـرف طيبهـا


وأمانتـك ياصاحبـي لا جيـت تجتـاح الغـروب
لا تحـرًك الدنيـا مواجـع وأنــت مادتريبـهـا