سلام عليكم
جايبلكم اليوم قصيدة تتحدث عن طفولة معاق im6
للشاعر / للشاعر محمد عويضه الحارثي.
أحد نجوم مسابقة شاعر المليون
ان شاء الله تعجبكم
[rams]http://www.6rbtop.com/library/resources/m7amed-3weadhah/Collection/listen/19866_hi.ram[/rams]
][ عــضــو الـتـمـيـز ][
سلام عليكم
جايبلكم اليوم قصيدة تتحدث عن طفولة معاق im6
للشاعر / للشاعر محمد عويضه الحارثي.
أحد نجوم مسابقة شاعر المليون
ان شاء الله تعجبكم
[rams]http://www.6rbtop.com/library/resources/m7amed-3weadhah/Collection/listen/19866_hi.ram[/rams]
قصيده روعــــه.. لامست القلب
يعطيك العافيه .. واثق
:confused:
اخوي واثق الخطوه
سلمت يمينك على هالمعزوفه الرئعه
فعلاقصيده موثره ومذهله ودمت بخير
الطفوله ..
آحلى مافي هالحياه
مرحله من غير هم
كنـّا دااايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض خلف كوره ...
لا لا آنا ماكنت معهم ؟
كنت وحدي بس بعيد عنهم ...
كنت أضحك من ضحكهم ...
جالس لحالي أهذري!...
جالس أحسب كم ( كُوبري ) ...
صلـّحه ( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ...
لا لا أنا ماكنت معهم !
آمشي وحدي بعيد عنهم ...
آمشي وأعدد أثرهم!
وهم عني يبعدون ...
يبعدون ... يبعدون ...
إلا ( ماجد )!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تـثــابق )؟
وراح عنــّــي ... !!
****
كنت آسأل دوم نفسي ...
ليه ما أركض معاهم ؟؟
ليه دوم آمشي وراهم ؟؟
وش بلاي ؟؟ أو وش بلاهم ؟؟
ليه أنا غير الآنام ؟؟
زاحمتني الآسئله...
كل شيٍ آجهله ؟
وإن تعبت من الإجـــابه...
آحظن الحيـــره وآنام .
****
مرّت سنين وكبرت ...
صار همّي اليوم أكبر
حتى دمعي صار آكثر
للآسف توي قدرت ...
آفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل مامشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
آلف ضيقه
ووحده في وسط الزحام ...
طالعتني باهتمام ...
بنت في عمر الزهو ... أي رشاقه ... وأي آناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
وآعجبتها لي قصيده ؟
إيييييه أنا توي افتكرت ...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
( يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني آارتطم قلبي بضلعي ... دمرتني
صدقوني ...
آصعب اللحظــات وأقسى
لاغدا الرجـّــــال يكسر ... خاطر آنثى
كيف ينسى ؟؟؟
جاوبوني !
****
وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ...
ماهو رسمي !!!
صدقون لو تدرّج ... وصار راتبه يتصاعد
وابتــدا وضعه يزين
ما آظنه بيتزوّج ... إلا من بعد التقاعد
من سنه الى سنتين !
****
وفي النهــايه ...
يابلــدنا... مهما كانت تسميتـنا
عاجزين ... معوّقين
لك عهدنا... وذا قسمنا:
آقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصن ٍ حصين
إنتي ناديني وشوفي ... لا نويتي باجهــاد
والله آقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــــــــا.
هلااااااااابك
واثـق
قصيده .. معـبره .. ومؤثره
تصف .. واااقـع .. وآحـوااال ..آخـواننـا
ذوي .. الإحتياحـااات .. الخـاااصه
إختـيار .. ممـيز .. ورااائـع
كل .. الشكر
على هذا .. الإبـداااع
احترامي
صح لسـآنه .. قصيده رآئعه ومؤثره ويعطيك العافيه اخوووي
مواقع النشر (المفضلة)