سـمـيـتـهـا / بـلـقـيـس .. !

**مهند الخالدي** · 13-07-2007, 11:56 PM

[poem=font="Simplified Arabic,6,blue,bold,normal" bkcolor="transparent" bkimage="backgrounds/45.gif" border="double,5,darkred" type=2 line=0 align=center use=ex num="0,black"]
ياغايبه ماغيـر انـا وابليـس = صابتني الحمّى مـع الروعـه
راسي وراسه منتهى التفليـس = اثنيـن ماحـنـا بمجمـوعـه
غديت اغنّي صابنـي تهويـس = ابيـات مقـروءه ومسموعـه
وانا ماحب الهـشّ والتمقيـس = لاجبتها جتنـي علـى طوعـه
لعيووون من سميتها بلقيـس = يازين صدّاتـه مـع اقدوعـه
مثل البرنسيسه مع ابْرنسيـس = امن الذهب والماس مرصوعـه
امكدسٍ فيهـا الغنـج تكديـس = تعزف من الانغـام مقطوعـه
لاالشـام لابغـداد لابـاريـس = مامثلهـا بالـكـون دلـوعـه
قامٍ طويل مزيّنـه تقووويـس = مثل الشجر لامالـت افروعـه
احلى من البسمه على كاريـس = اعيونها واخدودهـا روووعـه
لكنها تفـرق عـن التدليـس = عزيزتـي ظفـره وممنـوعـه
ماهي على كيف الخبل والهيس = عن زلّـة العشـاق مرفوعـه
اطهر من اللعنه على القسيس ! = واعذب من النهريـن ينبوعـه
وش حيلتي ياراسم التوريس ؟ = قلبي خفق واهتـزت اضلوعـه
وزن الغلا لابد لـه تخسيـس = اخاف اموت ولوعتي لوووعـه
كنّه معـاي املبـسٍ تلبيـس = صورتْه في قلبي ومطبوووعـه
درست فـنّ الغربلـه تدريـس = سمّوا على الشاعر وموضووعه [/poem]

**الحوراء بنت نجد** · 14-07-2007, 12:03 AM

[poem= font="Simplified Arabic,6,skyblue,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
وزن الغلا لابد لـه تخسيـس=اخاف اموت ولوعتي لوووعـه

كنّه معـاي املبـسٍ تلبيـس=صورتْه في قلبي ومطبوووعـه

درست فـنّ الغربلـه تدريـس=سمّوا على الشاعر وموضووعه [/poem]

[align=center]

بسم الله على الشاعر\ صاغ فأبدع --

الشاعر مهند الخالدي\ جزالة وتألق في قواميس

البوح لك بصمة واضحه--

بعد غياب يدركنا مهند بهذه الفاتنه--

نتوقف للأبداع --ليكون النهل منساق بهذه العذوبه

صح لسانك يامهند--ماشاء الله عليك

(تستحق التثبيت بلقيس ) [/align]