ياراكـب ثنتيـن يشـدن الاقــواس
مـن دار ريضـان الحجـر حركـنـي
مافوقهـن كـود الدويـرع وجـلاس
وسفـايـف بـيـن اربــع يلعبـنـي
تحركنا مـن عندنـا حيـن الامـراس
ومضـى ســواد اللـيـل مابركـنـي
حكن علم عذفا يسـارن مـن الـرأس
والظهـر مـع ورد الحفـر يشربـنـي
وحطو لهم مع هقلة الحضـر بـلاس
عن الحضر واللـي بالخـلا يسرحنـي
وليا لفيتـوا عنـد مدقـوق الالعـاس
الجـادل الـلـي بالمحـبـه محـنـي
قولوا على حبل الرجا نطـوي اليـاس
ولبيـض غيـره كلـهـن يحرمـنـي
ولو يندوي جرحـي دويتـه بزفـواس
ولا بني رفـاف البيـت منكـم ومنـي
والله يعـلـم بالخفـايـا والآجــاس
*حيث مضى من صغـر سنـك وسنـي
وياعم اللي طعت بي هـرج الانجـاس
* طاوعت هرج الناس واخلفـت ظنـي
طعـت بـي ياعـم دايـس ودربـاس
وعــوارض صدقتـهـا وابـعـدنـي
ومن لااخذ من درس الاسلاف نبـراس
تمضـي حياتـه بالـرجـا والتمـنـي
واقفيت ادير بظامـري كـل هوجـاس
علـى وليـف بالحشـا غـاب عـنـي
تكبي خواطرهم ليـا جيـت عسـاس
ولاتقـل انـا منهـم ولاهمـب مـنـي
ومريـت دار ماتقـل جنـة الاونـاس
وونيـت ودمـوع العـيـون ذرفـنـي
جيت المراح اللي بالعشـب محتـاس
العشـب فـي مضـرب وسـادة معنـي
محذا شبة النـاس ومشتاقـة الـراس
وثـــلاث لايـبـكـن ولاينبـكـنـي
لي بنت عـم ماوطـت درب الادنـاس
* ولادنسـت يـوم النسـاء يدنسنـي
ضربتها وانا احسب الضرب نومـاس
طلقتهـا يـوم افخـت العقـل مـنـي
ياناس كيف العين تبكي علـى نـاس
وكيـف العيـون بـلا رمـد يسهرنـي
لو ينشكي حبي على ذيـب لاخمـاس
يسـرح مـع الطلـيـان مايجفلـنـي
ولو ينشكي حبي على طيـر قرنـاس
اضحـى الضحـى بمويكـره مستكنـي
ولو ينشكي حبي على قـب الافـراس
* عيـن نهـار الـكـون لايفزعـنـي
ولو ينشكي حبي على الميت مانـاس
يثـور مـن بيـن النصايـب يـونـي
ولـو البيـوت مشددينـه بالامـراس
عـيـن مــع الخـفـرات لاينبنـنـي
وحتى النجوم اللي مع الليـل غـلاس
لـو ينشكـي حبـه لـهـن وقفـنـي
ولو ان غوطة (دم سلمان ) واضراس
* يـدرن بماقلـبـي لقلـبـه يكـنـي
تلقى سهل جبـة هضـاب ومنحـاس
وحتـى الجبـل بالقـاع صـار متثنـي
اشرفت رأس ضراس من فوق الاطعاس
ولالـوم طـراد الهـوى لـو يجـنـي
هليت دمع العيـن واوميـت بالـراس
ورافقـت كـور العيـس يامـا ابعدنـي
ورفعت نفسي عن شبا كـل وسـواس
البعـد احلـى مـن حـيـاة التمـنـي
انـا زبـون الحـرد للخيـل مدبـاس
ياكلشـن شهـب الـشـوارب نخـنـي
نفسي تشوم عن التدلبح مـع السـاس
ولاعاش من هـو عـن رفيقـه يكنـي
من شيدوا (زينة ) على غيد واغـراس
لـيـا نسـيـت رسومـهـم ذكـرنـي
ياعم انا لي طلبـة الـراس بالـراس
ياعـم شـوف رسومهـم ماانمحـنـي
ولو صرت ان القلاع ماشلت الاضراس
والمـوس مايقـطـع بلـيـا مسـنـي
ياصار ماربعن علـى الـرائ جـلاس
وجنحـان طـيـر السـعـد يلفحـنـي
نصيـر دوم للصقاقـيـر مــدواس
مثـل اللـي يسمـع صفيـر المغـنـي
والله يـلـولا بـكـرة يـبـوونـاس
حبه سكـن باقصـى الضمايـر محنـي
والله لـو هـي ماتبينـي فـلا بـاس
لاشـك خبثـان النـفـوس طـردنـي
وانا احمد اللي خالـق كـل الانفـاس
وجعـل وسـاع القـاع مافيـه مـنـي
دار بـدار ولامنـاخـات الانـجـاس
ياصـار مايمـنـاك عيـنـك تـزنـي
في بلدة الغراف مـن جملـة النـاس
ولا نيب مـن يرجـي الخلايـق تحنـي
دار به الاكـرام والطيـب بـه سـاس
دايــم تذكـرنـي لـيـال مضـنـي
مواقع النشر (المفضلة)