هاااي بنوتااات
كيفكم
وكيف الانتكابات
موضوع اعجبنى وحبيت انقلة لكم
¦[ܔ. أحــلام البــنات ܔ]¦
الأحلام والآمال جزء أساسي ورئيسي في حياتنا،
فالحلم هو رسم مبسط لشكل دنيانا في المستقبل ؛؛
أحيانا حلمنا يتغير أو يتبدل وأحيانا ننساه؛؛
أو ربما نتناساه،،
وبالطبع أحلامنا غير أحلام غيرنا.. وإن تشابهت الأحلام ؛؛
لكل بنت منا حلم
اللي حلمها تتزوج وتكون اسره
واللي حلمها تكمل دراستها
واللي حلمها بمشروع تحس فيه بذاتها واهميتها بمجتمعها
اشياء كثيره نحلم فيها
بالنسبة لي انا:
اهم اهم اهم حلم اني ادخل الجنه ويرضى ربي علي<<ادعو معي قولو يارب
وحلمي الان اتمنى ارطن او اتكلم انجليزي <<<بالله عليكم ذا حلم
وبعد اهم اهم حلم وازفت حلم اجيب نسبة عالية
وادخل قسم مرموق<<<<متعوب عليها
واصير عالمة في قسمي واكمل الماجستير والدكتوراه ... يارب يصير
اقول مره بدرس علم نفس مرةبدخل ادب انجليزي ومرة لغات ومرةعلوم سياسة
بعدين لالا بدخل الحاسب عشاان اصير توووب فيه .. لأنه عشقي الأول والاخير ..
ومره بسافر برااا
اكمل دراستي برا ههههههههه احلااام.
واحلم عااد حلمي هذا و خرووووووووووا عنه هع هع
أبي أدخل أستاد الملك فهد انا وشلتي ونقلب اوجيهنا ازرق وابيض
و اشجع الهلال في مباراه نهائيه و على الكأس اهئ اهئ
واحلم اسوووق سياارة ونروح بها انا وصقيقاتي الجامعة
واحلم بالزواج بس مو اللحين بعد 4 5 6 سنوووات <<<<<<< لا حقين على الهم
وابي رجلي رومااااااانسي روماااااااانسي لأبعد حدوود
ماتهمني فلووسه مرة كثر مايهمني دينه والتزامه واحترمة وحبه لي
و مزيوون بس ماهوب احلى مني
وابيه توويل ولة كتووف
و متفتح يعني عاتي يشوفني
ادخل ماسن منتدى ومايقوول شئ هع هع
و ابي نسافر انا وياه برى السعووديه شهوور بعدعرسنا
مو شهر ولا شهرين لا شهووور
و نروح للهند <-- احسه اكثر بلد رومانسي
و نلعب على المسطحات الخضراء و يدفني وادفه <-- ويعطيتس كف
وتعطينه كف هع
واقطف ورده حمراء واجيه و هو جالس وامطخه مطخه
واعطيه الورده ......................... ألخ <-- دخلت جوو
ودايما أحلم بااشياء حلوه مع زوج المستقبل
دايم اتخيل انه مساافر وبيرجع اليوم وهو مشتااق لي
ولما يرجع افاجأه ..
اكون حاطه عند مدخل الباب لين الصاله مدرج من الشموع وناثره ورد ....
ولما يروح للصاله اكون حاطه بوكيه ورد وحاطه بطاقه حمد لله على السلامه حبيبي
ويرمي الشنطه حقته ويركض يدورني << ابوك يالافلام الرومنسيه ههههههههههههههههههههههاااي (الله يرحمتس ياسعاد حسني )
وكمان ما ابي اتزوج الا الشخص اللي انا ابيه واختاره
واحلم اروح لسدني لوشهر موافقة
واخر شئ اتمنى رضى ربي عليه وانه يحفظني ويبعد عني كل شر ويحفظ لي امي وابوي واخواني وخواتي
واخررررر حلم اتمنى كل الناس اللي في الدنيا تصير قلوبهم صافيه ونياتهم طيبه ..لاني تعبت من كثر ماانصدم فيهم
يالله عاد كل بنت تشاركنا بحلمها
مافي احد ما عنده حلم بحياته !!
لو هو سخيف حطيه موب اسخف من اللي ذكر اعلاه :confused:
خللونا نواسي بعض على هالاحلام
اللي ما ظنتي انها بتحقق
دمتم بود ؛؛
مواقع النشر (المفضلة)