[align=center]أعيت شاعرنا الحيلة ... وضاقت عليه دنياه ... فوجه نداء استغاثة لصديق عمره عله يجد عنده حل لبعض مشاكله ....
وأنا أنقل لكم هذه القصيدة التي صارالبيت الأول منها يستخدم بإستمرار
وأقول تكفون يارواد المنتدى مزيدا من المواضيع الرائعة .....والتميز والإبداع
تكفى ترى تكفـى تهـز الرجاجيـل ... ولـولا ظـروف الوقـت مـا قلـت تكفـى
تكفى يا مزيد ما يبي العلم تفصيل ... المشكله كبرت علـى عمـاش تكفـى
ما قلت تكفى غير من فترة الحيل ... وانته ولد مـن يفعـل الطيـب تكفـى
انخاك من كثـر العنـا والبهاذيـل ... الفقـر حطمنـي وانـا أعييت تكفـى
غديت مثل اللي برك ضامه الشيل ... تضحك بي ضعوف الرجاجيل تكفى
يومٍ لك وقفه وجاه ومداخيــــــل ... ما نغتني عن مثل شرواك تكفـى
افزع ترى وقتي غدى كنه الليل ... والعلـم مـا يخفـاك يالقـرم تكـفـى
ما عاد بي شده ولا عاد بي حيل ... ضدتنـي الايـام والقـلّ تكفـى
اروح وارجع ما حصلي محاصيل ... والرجل بادت.. يا فتى الجـود تكفـى
واليوم عندك يا رفيق المشاكيل ... العـذر مـا ينفـع وانـا قـول تكـفـى
جيتك من اهل الطيب واهل المفاعيل .. يا زبن من جاله ومن قال تكفى
الجيب فاضــي واليالــي مقابيل ... عجـزت اعيـش مـع الرجاجيـل تكفـى
والراتب المحدود .. يروح تحويـل ... مـن الاداره .. لاهـل الديـن تكفـى
حتى عيالي ما قدرت الهـم الكيـل ... والازمـه لا جـات .. صديـت تكفـى
ارجى الفرج والله يجيب التساهيل ... واعيش في راحه مع الناس تكفـى
والله كريم .. يبدل الحال تبديـــل ... ومـا قـلّ دلّ وصامـل الهـرج تكفـى
المشكلة اني ما عرفت الشاعر ولا .......[/align]
مواقع النشر (المفضلة)