علومنا ما بها الاّ خير::::
في يوم من الآيام شد يت العراوي وتوجهت يم البر وقلت ياولد سلم على الربع من زمان ماسيّرت عليهم ولكن وانا ماشي حصلت واحد من الحارة ...............
حصلت نادر وقال:: باروح معاك اشوف البعارين واتونس شوي قلت يابن الحلال يمكن اتأخر عند الربع واهلك يقلقون عليك قال:: لاتخاف انا دايم اتأخر ((ولا احد يقدر يكلمني)) قلت:: طيب سرينا يامال الغنيمة
وسرينا انا ومال الغنيمة وهجينا في هالوديان والجبال حتى وصلنا مراح الربع ورحبوا وسهلوا لكنهم تفاجؤا من الكائن الحي الذي معي وأخذوا يسارقونه النظرات منها التعجبية ومنها التهكمية ومنا المستهترة ومنها المحتقرة ومنها....ومنها.....
ولسان حالهم يقول من فين جابه
الحقيقة ان نادر فعلا نادر فهو ابيض حتى انه ابيض من حريم الربع وشعره مقصوص من قفاه وفوق اذونه وشعره الباقي مثل الطاسة المقلوبة بس انها حلوة وبعدين ريحته كلها عطر والمشكلة ان نادر اذا سولف ينعم صوته ويلبس سروال ضيق وفنيلته اكمامها اطول من ايديه وينكت كثير
نادر اعرفه رجال ولو ماهو رجال ماخذته معي ، لكن ويش يدري الربع ان نادر رجال
وعلى طاري ويش يدريهم ( هرب عنتر يوما من مواجهة ثور هائج فلما لاموه الفرسان لماذا تهرب وانت عنتر قال انتم تعلمون اني عنتر ولكن الثور وش درّاه اني عنتر )
المهم اني ماتريحت وكلتني وجيه الرجال
قلت::: يانادر..
قال::: ايوه ...
قلت::::ردينا وانا اخوك..
قال::: بدري!!
قلت ::: من عمرك قم هيا سرينا
واحنا ماشين في الطريق ضحكت وتلفت لي نادر وقال:: ايش بك،، قلت:: يانادر تذكر يوم طلعت معاك على البحر وقابلنا اصدقائك،،، قال::: ايوه اذكر (وضحك)،، قلت :: من ايش كنتم تضحكون؟؟ قال:: لايكون انك زعلت بس،، قلت :: لا ولكن ودي اعرف،، قال :: شكلك وطريقة كلامك تضحك وانت من ايش تضحك،، قلت:: من نفس السبب يامال الغنيمة .
الجمّــــــــــــــــــــــــــــــــــــــال
مواقع النشر (المفضلة)