0خسيتي لعنبـو خـدك ؛ خسيتـي والغلـط ينعـاب
=خسيتي واقلبـي وجهـك ؛ ولا كلمـه ؛ ولاجابـه
خسيتي والزمي حدك ؛؛؛ تراهـا ضاعـت الاداب
=انا ليا طاشت جنونـي ؛ يعـرف الجاهـل ادابـه
وش المغزا من الكلمه وش الداعي!! وش الاسباب
=وهرج الكذب والتجريـح!! قوليلـي وش اسبابـه
انا الشرهه علي انـي فتحـت لخافقـي كـم بـاب
=ولكن مثل ماجيتـي !! تـرا كبـر الجمـل بابـه
خذي نفسك معك برا ؛ ثـم انقلعـي بـدون إيـاب
=فمان الله ؛ والا اقول : فمـان ابليـس واصحابـه
تحسبيني علـى فرقـاك ابنـدم واغـرق الاهـداب
=انا مبسوط يوم انـي ؛ طـردت الشـوم وغرابـه
انا ما اعاشر الخاين.. ولا اسمـع هرجـة الكـذاب
=ومثلـك قيمتـه عنـدي تحـت الزيـرو حسابـه
رفعتي خشمك الواطي ..وغـرك زينـك الخـلاب
=تـرى والله ماحـرك.. جمالـك نظـرة اعجابـه
تغطرستي على الفاضي .. وانتي من علق وتـراب
= ومصير ابن ادم المسكين..يدمـدَم فوقـه ترابـه
وهذاك اللي تحبينـه ؛ حقيـر و خكـري ولعـاب
=عاجبك ان قذلته شقـراء ..ويميّـل بالشعـر كابـه
صحيح انه حقير و زين . وشكلـه للنسـاء جـذاب
=تشّبـه بأختـه فلانـه ؛؛ ومنهـا الـدم متشـابـه
وانا مانيب حرف الجر ؛؛ تجرينه علـى الاعـراب
=انا حرف(ن) جزم نفسه ؛ ومثلي يصعـب اعرابـه
تشوم النفس عن زينك عقب ماطـاح فيهـا ذبـاب
=وانا حر(ن) ولد حـر ؛؛ تركـت الزيـن لـذبابـه
انا يابنت من ربع(ن) لهـم فـوق الفخـر محـراب
=انا من روق ياخبله ..وربعي الهيلا اعتابه
نسينا ما كلى عمهوج و كم روس بدون إرقـاب
=رزقك الله بحكم اللي حفظ عمهوج فـي نصابه
انا شيخ(ن) ولـد شيـخ ؛ بذكـره تنعـم الانسـاب
=وقليل الاصل يافلانـه !! يراجـع دفتـر انسابـه
ولد شيخ(ن) وسط ربعه له بيـن الرجـال حسـاب
=اليا ضاقت بـه الدنيـا ؛؛ يهـز الارض مشعابـه
محنكني على الطيبه مـن يومـي صغيـر وشـاب
=اجل : وش رايك بطفـل(ن) دلال القهـوه العابـه
انا ليا جتني الزلـه ؛ مـن الجاهـل وهـو كـذاب
=تركـت القافلـه تمشـي ؛؛ وراهـا تنبـح كلابـه
وانا ليامن كشفت ان الخـوي اصبـح لسانـه داب
=نزعت السم من عرقه.. وكسـرت بمخلبـي نابـه
ترى بدري على مثلـك تعيـب وساسهـا معيـاب
=ياليـت اللـي يعيبنـي ؛؛ يحـاول يستـر اثيابـه
خلاص اليوم يافلانه ؛ كرهتك والقلـوب اغـراب
=وترى كل طير(ن) بكبد السمـاء يشبـع بمخلابـه
(خساره !!! مثلـك بقلبـي يتـوج سيـد الاحبـاب
=وخساره غلطـة العاشـق ؛ يحطـك اول احبابـه )
بعد هذا تبين ارجع لاجل عينك نصيـر اصحـاب
=خسيتي واقلبـي وجهـك !! ولا كلمـه ؛ ولاجابـه
مواقع النشر (المفضلة)