[align=center]تعبت أتريا شوفة عيونك..
وأعد ساعات لقياك..
لقيت الذكرى ماتسوى بدونك..
والعمر ضايع بلياك..
والطاري ما يحلى إلا بقولة مجنونك..
والقلب ما به سواك..
وأحلى الجروح اللي تجي من طعونك..
وتشفيها بسمة شفاك..
أعشقك في سلمك وجنونك..
والخجل لا بان على محياك..
والكحل لا داعب جفونك..
والشعر طاير بنسمة هواك..
أحلى المتون هي متونك..
تذبح القلب ويقول يفداك..
القلب من صار مفتونك..
حلف ما يعيش إلا معاك..
يسلم لي عمرك وسنونك..
وتسلم شمالك ويمناك..[/align]
مواقع النشر (المفضلة)