[align=center]
السلام عليكم ورحمة الله وبركاته
حروف متواضعه واتمنى ان تنال على اعجابكم
[rams]http://www.naseemalrooh.net/old/music/sakan_alrooh/07.rm[/rams][/align]
[poem=font="Simplified Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله اني بالقدر راضي وانا عزمي شديد=ماشكيت من النصيب ولا عن الاقدار حايد
شاربين الصبر والرّجال منّا عاش سيد=شيمة ٍ فينا وتحكمنا تقاليد وعوايد
عايشين احرار في ظلّه وحنا له عبيد=ربّنا اللي رافع ٍ مقدارنا فوق الرصايد
نعشق العليا ونرقا يمّها غصبٍ وجيد=رافعين الروس فوق وعشقنا بالحيل كايد
ما تعجّزنا الشدايد لو تطول ولو تزيد=الحمول ثقال لكنّا خلقنا للشدايد
لو عَشَقنا عشقنا يبقى على الدنيا وحيد=ولو يموت العشق ناره في ضمايرنا تزايد
مانحب الا على وضح النقى حبٍ فريد=صادقٍ وافي من الحشمه على صدره شهايد
مانخون ليا عشقنا عهدنا عهدٍ مجيد=بالوفى والصدق لبّسنا محبتنا قلايد
وان سكتنا ما رضينا وان حكينا وش يفيد=في زمانٍ غيّر الدنيا وفيه السلم بايد
الزمن كشّر بنابه وابعد الحلم الاكيد=عن عيوني لين صار الحزن للأحلام قايد
القدايم كلّها عندي جديدٍ في جديد=والمشاعر فايضه والحب فالأضلاع سايد
يا زماني لو يموت القلب في حبّه شهيد=العمر يفداه حتى الناس دانيهم ونايد
والله انّي ما بدعت الشعر طربان النشيد=ابدعه من همّي اللي شب في صدري وقايد
ياهجوسي ولّعي نارك بساحات القصيد=وبدّلي حبر القلم بالدم في كل القصايد[/poem]
[align=center]
وسلامت قلوبكم
اخوكم
بدر بن تركي العتيبي
[/align]
مواقع النشر (المفضلة)